لمبة الزيت

**ahmedelaraby** · 08-06-2010 04:53 PM

المشاركة الأصلية كتبت بواسطة samirayad

لأن اللى عندك حاليا تفسيره الدقيق حاليا

شنبر زيت أنكسر
والصح تتعامل فورا مع تغيير طقم شنبر وأعمل روديه بالمره وغير سيلات صبابات

طب وده هيكون فى حدود اد ايه فلوس ووقت ومعلش يعنى ايه طقم شنبر
وربنا يجازيك خير يا بشمهندس

**samirayad** · 08-06-2010 05:32 PM

أعتقد حتخشلك فى حوالى 700 ج ( لأن عربيتك أوبل كاديت )

شنبر وروديه بالمصنعيه

والشنبر ببساطه شديده مجموعه من الغوايش الحديد بتتحط حوالين البساتم لأحكام الحبك لغرف الحريق ومنع التفويت للخلف الى جهة الكرتير

طبعا فيه تفاصيل فنيه كتير عن مكوناته وأنواعه
لأن فيه من ضمن كل مجموعة شنابر بتركب على البستم مايسمى بشنابر الحريق أو الضغط
وشنبر الزيت اللى بنتكلم عليه حاليا
وكل واحد من دول وليه دور برضه فى تصميم محركات الأحتراق الداخلى ( زى محركات السيارات )

ولو صنايعى نظيف وعنده همه فى شغله

الموضوع حيخلص على طول فى نفس اليوم بعد توفير الخامات المطلوبه

وبعد كده حتلين على الواقف ثم مع الحركه

وهو طبعا حيقولك على تسلسل سلوكك مع السياره بعد تغيير الشنبر

**ahmedelaraby** · 09-06-2010 08:30 AM

المشاركة الأصلية كتبت بواسطة samirayad

أعتقد حتخشلك فى حوالى 700 ج ( لأن عربيتك أوبل كاديت )

شنبر وروديه بالمصنعيه

والشنبر ببساطه شديده مجموعه من الغوايش الحديد بتتحط حوالين البساتم لأحكام الحبك لغرف الحريق ومنع التفويت للخلف الى جهة الكرتير

طبعا فيه تفاصيل فنيه كتير عن مكوناته وأنواعه
لأن فيه من ضمن كل مجموعة شنابر بتركب على البستم مايسمى بشنابر الحريق أو الضغط
وشنبر الزيت اللى بنتكلم عليه حاليا
وكل واحد من دول وليه دور برضه فى تصميم محركات الأحتراق الداخلى ( زى محركات السيارات )

ولو صنايعى نظيف وعنده همه فى شغله

الموضوع حيخلص على طول فى نفس اليوم بعد توفير الخامات المطلوبه

وبعد كده حتلين على الواقف ثم مع الحركه

وهو طبعا حيقولك على تسلسل سلوكك مع السياره بعد تغيير الشنبر

ربنا يكرمك وشكرا على اهتمام حضرتك
بس فى حاجة مهمة عايز اقولهالك هى ان النهاردة الصبح ملقتش زيت ناقص ولا فى دخان من ورا
بس مش عارف ليه بحس ان عربيتى ديه راكبها عفريت
يعنى شويه زى الفل وشوية زى القطران

بس ع العموم انا هروح مشوار لحد العاشر من رمضان وارجع اتابع الموضوع بتاع الدخنة والزيت
وشكرا مرة تانيه لحضرتك

**mohamed9999** · 13-06-2010 04:16 PM

ايه الاخبار عملت اية .....................انا عندى نفس قصه اللمبه بتاعت الزيت بس انا مغيرتش الفلتر باقالى مده و كنت حاطط زيت كالتكس اللى هوه 1500كم وعامل معايا 1200كم فى فيات 128 والعالمه بتاعت الزيت على المينى مم

**ahmedelaraby** · 13-06-2010 05:13 PM

انا رحت العاشر ورجعت النهاردة والعربية بهدلتنى
والله هتجننى العربية ديه
اولا وانا رايح كانت زى الفل معملتش اى حاجة حتى كمان كنت مستغرب ان عداد الحرارة معداش غير شرطة واحدة بس
قولت يمكن عشان بالليل والجو لطيف وكدة
وانا راجع بقا الله لا يوريكم اللى شفته
اولا قياس الزيت يدوب فيه نقطة فى اوله يعنى حتى مش محصل الmin زودته كتير قوى لحد لما ظبط المقاس ودورت وسخنت العربية حبتين واتحركت
ثانيا المروحة اشتغلت بدرى قوى قبل حتى مكمل كيلو واحد
ثالثا العربية بتبطل كتير قوى
رابعا العربية على المور دايرت اول لما اجيب غيار تبطل (العربية اتوماتيك)
خامسا لمبة الزيت بترعش على السلانسيه زى لمبة الدينامو (الشحن) وكل لما اشيل رجلى من ع البنزين تبطل ولو سندتها بس ع الدواسة تفضل دايرة وزى الفل وهى ماشية متشتغلش اللمبة بتاعت الزيت خالص وده محصلش وانا رايح خالص
سادسا الحرارة عليت لدرجة انها وصلت لحد الخطر والمروحة شغاله فبقيت ابطل كل شويه اريح وبعدين امشى تانى
سابعا سماع صوت غريب بعد ال90 ومش عارف احدد منين بس هو صوت زى ما يكون بلاستيك بيحك فى بعضه وعامل صوت اشبه بالكركرة بتاعت بنزين 80
المهم وصلت عند السلام كدة ونزلت ابص لقيت المروحة بطلع هواء برة العربية يعنى بتلف عكس فبدلت الفيشة او عكستها يعنى ومشكلة الحرارة اتحلت باقى مشكلة الزيت وللعلم مرة تانية مفيش اى دخنة زرقاء او بيضاء خارجة من الشكمان وبرضة الزيت بينقص
بس انا شوفت حتة مرشحة عند كرتيرة زيت الموتور
هروح ان شاء الله اغسل الموتور من تحت فى البنزينة واشو ايه اللى هيرشح

الحقونى بالله عليكم
انا مش عايز اروح لميكانيكى يلعب بيا غير ع الاقل لما اكون فاهم اى حاجة
والله انا ركنت العربية وبروح شغلى مواصلات ومتبهدل اخر بهدلة
ارجوكم ؟؟؟؟؟؟؟؟؟!!!!!!!!!!!!!!!!!!!!!!!!

**ahmedelaraby** · 13-06-2010 05:15 PM

المشاركة الأصلية كتبت بواسطة mohamed9999

ايه الاخبار عملت اية .....................انا عندى نفس قصه اللمبه بتاعت الزيت بس انا مغيرتش الفلتر باقالى مده و كنت حاطط زيت كالتكس اللى هوه 1500كم وعامل معايا 1200كم فى فيات 128 والعالمه بتاعت الزيت على المينى مم

والله يا باشا مفيش اى اخبار الاخبار هتكون عند المهندس سمير بقا ربنا يكرمو
وربنا يعدينا من المشكلة ديه على خير