تحسين اداء العفشه و المساعدين

**khaled_sabry** · 01-07-2010 11:22 AM

عربيتي تيوتا كرولا 1978
دفع خلفى .... من قدام سوست حلازونيه و من ورا سوست ورق (من ورا سوست ورق + مساعدين)... العربيه وزنها كلها 900 كجم تقريبا ... بدون شداد شاسيه من اى نوع ... مغير قلوب المساعدين الامامين من سنه تقريبا

مشكلتى ان عربيتي بقيت وحشه جداا على المطبات ....
بمعنى انى و انا راكب فيها بحس بكل زلطه فى الطريق
و كمان ثباتها سئ جدا على الطريق
ولو اخت مطب على سرعه قليله ... باخده كويس على الكاوتشين القدمانين ... لكن على اللى ورا بحس ان العربيه بتترفع و تتهبد جامد كأن السوست ما اتحركتش اصلا
و الحكايه دى زادت بعد مارشيتها دوكو ( راشيتها بالكامل دوكو و من تحت بلك و لا بوتومين مش فاكر اسمه )
روحت بيها للعفشجى قبل مارشها و مشى بيها و قالى ده العادى بتاعها

انا كنت قريت قبل كده ان السوست الورق العادى بتاعها بيبقى ناشف و فى المعتاد مش بتتحط مع المساعدين ... انا بقى عندى من ورا سوست ورق + مساعدين فقريت ان الحل انى اشيل ورقه من السوست اللى ورا ؟؟؟ ايه رأيكم فى ده
وهل ممكن لما اكون رشيت بتومين على العربيه من تحت يكون اثر على السوست الورق ؟؟؟ لأن دلوقتى حاسس بيهم انشف من الاول
كنت بفكر اركب شداد شاسيه امامى لأنى سمعت ان بيزود اتزان العربيه ... فهل حيعمل تأثير يذكر ... و اجيبه بكام و منين ؟؟

مش عارف انا بجد بحس انى راكب عربيه حنطور فياريت اقتراحتكم لتحسين اداء العفشه مع ذكر اسعار تقريبيه

**khaled_sabry** · 01-07-2010 12:02 PM

ماحدش عارف ؟؟؟
ده انا بقول اقتراحات مش بطلب حل لمشكله
يعنى كل واحد يفتى براحته ان شالله واحد يقولى ابقى ادخل العربيه برجلك اليمين و الدنيا تتظبط معاك

**wagdy90** · 03-07-2010 07:07 AM

انا معايا عربيه ريجاتا 89 عندى نفس المشكله بتاعه

لو اخت مطب على سرعه قليله ... باخده كويس على الكاوتشين القدمانين ... لكن على اللى ورا بحس ان العربيه بتترفع و تتهبد جامد كأن السوست ما اتحركتش اصلا

والكهربائى بتاعى ركب معايا من كام يوم وقالى متقلقش من حاجة العفشه عايز تتربط بس ومش عارف .
انا نفسي افيدك والله بس مش عارف لانى انا اساسا تايه فى عربيتي وعايز حد يساعدنى .وياريت تبقي تقولى ايه شداد الشاسيه ده

**khaled_sabry** · 04-07-2010 12:42 AM

المشاركة الأصلية كتبت بواسطة wagdy90

انا معايا عربيه ريجاتا 89 عندى نفس المشكله بتاعه
والكهربائى بتاعى ركب معايا من كام يوم وقالى متقلقش من حاجة العفشه عايز تتربط بس ومش عارف .
انا نفسي افيدك والله بس مش عارف لانى انا اساسا تايه فى عربيتي وعايز حد يساعدنى .وياريت تبقي تقولى ايه شداد الشاسيه ده

شداد الشاسيه اللى اقصده ده عباره عن بار بيتوصل بين البطاحتين بهدف ان الفخده ماتضمش فى الملفات