متى سينتهى مسلسل حوادث كورنيش الاسكندرية

**adhamsabry51** · 10-06-2010 01:17 PM

علي سيرة الكورنيش امبارح كان في حادثه وحشه جدا قبل الحروسه بشويه عربيه يارس خابطه عربيه بوكس من الخلف و اعتقد في ارواح في الموضوع لأني شايف ازاز العربيه اليارس مكسور من النص و في واحد قاعد منهار علي البحر و الناس بتهديه و اسعاف و كركبه ربنا يسلم و يبعد عننا كل سوء يارب

**hany_mohamed** · 10-06-2010 01:28 PM

المشاركة الأصلية كتبت بواسطة baskota

انت ممكن تعدى اى طريق داخل اسكندرية بدون مشاكل
لكن الكورنيش ممكن تغير اتجاهك والمكان اللى انت رايحه عشان ما تععديش
كنت فى مشوار عند المكتبة واصدقائى قالوا نقعد فى الكافيه اللى عند الساسلة وبما ان مفيش نفق عند المكتبة وبعد محاولة الانتحار السابقة عند ستيفانو
قولتلهم لا مش هعدى معهما حصل نقعد فى سلينترو بس نعدى لأ
وفعلا غيرنا وجهتنا لعدم وجود نفق

والله فكرة يا بسكوتة الواحد يجيب خمسين "توك توك" ويشغلهم لتعدية الناس هناك وخاصة طلبة المجمع

**hany_mohamed** · 10-06-2010 01:31 PM

المشاركة الأصلية كتبت بواسطة ghamrawy

احنا ممكن نكون هاديين فى سواقتنا فى حالة واحدة بس
و هى ان سواقيين الميكروباص يغيروا جنسيتهم من اسكندرانية لاى محافظة تانية
غير كده يبقى كله زى بعضه

بالنسبة للدولى
اللى ماشى على الدولى دلوقتى و نازل على الصحراوى اسكندرية القاهرة يخلى باله من ثمار بنجر السكر الضخم اللى مرمى على الطريق يمين و شمال
الثمرة دى مش سهلة و عجل الملاكى مايقدرش عليها و ان قدر عليها بتتكسر و بيبقى جواها الياف مشبعة بسوائل سكرية بتبقى عاملة زى الصابون مع الكاوتش و الاسفلت و بتعوم العربيات جامد و بتعمل حوادث
ارجو اتخاذ الحذر

شكرا يا باشا على التحذير وانا شفت منها كتير فعلا ومكنتش عارف أيه دى و جاية منين