الموضوع: متى سينتهى مسلسل حوادث كورنيش الاسكندرية

المشاركة الأصلية كتبت بواسطة hany_mohamed

لان ابسط قواعد المرور محدش عارفها وكل اللى اتعلمناه فى العربيات هو ازاى نتحرك بيها اما القيادة بشكل أمن لى ولغيرى فهذا غير موجود بالمرة
أسف للحادث الخاص بزوج حضرتك وأرجو الا يكون ترك اصابة مستديمة

جزاك الله خيرا
الاصابات فيها كانت كتيرة لكن بفضل الله تعالى شفى زوجى منها كلها ما عدا اصابة ذراعه الشمال
الحمد لله عى نعمة الصبر و هى كانت فاتحة خير لان زوجى حول نشاطه من مهندس مساحات الى مبرمج كمبيوتر php و حاجات تانية بفضل الله تعالى اتحققت
بس من ساعتها نادر جدااااااااااااااااااااااا اااااااا انه يعدى من فوق ممكن يمشى 100 كم و يعديش من فوق حتى هنا فى القاهرة بيعدى بحذر جدااااااااااااااااااااااا ااااا

المشاركة الأصلية كتبت بواسطة hany_mohamed

يا باشا دا انا بفتكر ان فيه ناس ملهاش شغلانه غير كده أو ناس عندها مشاكل نفسية و بتفك عن نفسها بالحركة دى
ويبقى ماشى سعيد بالانتصار فى عبور الشارع

للأسف الشدييييييييييييييييييييد الناس بتتعامل مع بعضها من منطلق النفسية مالوش دعوة بقى باي قواعد او قوانين ودا بيبان اوي في السواقة زي مابتقول سعيد بانتصاره على راكب العربية اللي عدى قدامه واجبره انه يقف له
امبارح في وسط البلد - ماكنتش سايق وكنت راكب جنب واحد صاحبي - ولسة هانبهه ان اللي بيعدي قدامنا مش باصص عالطريق - انا من طبعي مش بانبه ولا باتكلم الا اذا في حادثة خلاص هاتحصل وبيبقى في اخر لحظة - اللي حصل بقى اني قبل ماتكلم ، اللي بيعدي دا وقف في الوقت المناسب بالظبط مع انه ماكانشي باصص علينا كان باصص قدامه وبيمد اوي بيحاول يطبق قاعدة بوز بيز وصاحبي داخل برضة بسرعة كأن الراجل دا مش موجود في حساباته خالص
المهم وقف وباصص اوي تحس انه واحد خارج من معركة وخسر فيها و سمعت منه صوت تفافة

نرجع لموضوع الكورنيش - هي كلها منظومة مش صح سواء اللي بيعدي من اي مكان ومن غير اي حسابات او اللي سايق عربية مش ملتزم ولا بالحارة المرورية ولا بسرعة

في منطقة - مش عارف اسمها ايه بصراحة - فيها شقة واحد صاحبي عالبحر ومش بنلاقي مكان تحت العمارة وكنا بنركن الناحية التانية في باركنج عالبحر ونضطر طبعا نعدي تقريبا خمس او ست حارات هي واسعة اوي !!!! كنا بنقف عادي ممكن بالربع والنص ساعة لحد مانلاقي الطريق يسمح بالتعدية لكن لو حد كبير في السن او معاه واحدة او طفل هيبقى الموضوع صعب اوي عليه

هو فعلا الاسكندرانية هاديين في سواقتهم !!! وبيحترموا الى حد كبير لما تدي اشارة هتلاقي اللي وراك بيهدي وبيسيبك تعدي ومفيش العند والناس اللي ماشية كلها عايزة تلحق
بالعكس الاشارات المرورية بتحترم وبيبقى اللي واقف عسكري زي اللي هنا في القاهرة بس هناك اشارة ايده مسموعة ولازم تحترم وشوارع اغلبها اتجاه واحد والدنيا ظريفة الى حد كبير
من وجهة نظري ان المشكلة في اسكندرية هي الكورنيش ودا فعلا اكتر حاجة ضايقتني من ساعة مابدأت اسوق في اسكندرية وماصدقت لقيت حد اتكلم في الموضوع دا