الموضوع: يـا بروتونــاويــه ... ممكن نتكلم مع بعض شويـا , ممكــن ؟؟؟

المشاركة الأصلية كتبت بواسطة ahmedfathy77

اوعى تكون انت اللى كنت فى موضوع المان بتاع المنصورة هاها الصراحة كان شخص مستفز لاقصى درجة بس فيه ناس زيه دلوقتى كتير .

المهم مدام جبت سيرة المقارنات بالمرة باه هديك موضوع هتلاقى فيه ازى جين 2 وبروتون بشكل عام كانت مكسرة الدنيا فى المقارنات ايام العصرى الذهبى وايام استاذ توت لما كان فارس بروتون الاول فى قسم المقارنات ومعاه فرقة الكوماندوز فى كل المواضيع اقرا المقارنات واتحسر على اللى حصل اليومين دول

http://www.nilemotors.net/Nile/75338-2-2-a.html

انا كنت فى موضوع الماااااااااااااااااااااا اااان دة فعلا بس متوقفتش بسببة اتوقفت بسبب مقارنة تانية مع الجراند بونتو :))))
فكرتنى لية بموضوع المان دة دة لولا انى قلتلة انى مش حرد علية تانى وناس بعد كدة دخلوا اخدوا منى الراية واستلموة والمشرف قفل الموضوع بعدها كنت حطق حسيت فاجاة يا اخى ان بنطلونى نزل تحت الكمر وعايز اندغ لبانة واربى شعر صدرى واسمع تمورة مع انى متجوز والله وكبرت على الحركات دى بس مااااااااااااان دى فقعتنى ههههههههههه تحياتى ليك يابو فتحى

شكرا يا مون انا اسمى اتقال فى الاول
وطلعت فى الصور هاااااااااااااااااااااااا اا

نرجع للجد
انا شايف المسئلة بالنسبة للناس اعمدة بروتون
اغلبها مشاغل او مصيف وامتحانات
بخلاف وبصراحة وبدون زعل كترة الموضيع الكررة محدش بيعمل سيرش وكأن الاسهل توبيك جديد
اغلب الناس النشطة اختفى بدون سبب مقنع او مفيش اسباب حتى
اتمنى تكون فى مقابلة تانية تتمحور على اننا نتعرف على بعض فعلا نتكلم فى كل حاجة احنا جعتنا العربية
لكن بقينا اخوات فعلا
اغلب الناس عارفة انى مش بملك العربية وانى بشتغل فى التوكيل فرع الاسكندرية وتقريبا انا الوحيد الى بيتعامل مع نايل موتورز هناك
علشان انا بعتر الكل اصحاب مش عملاء خلاص اعتبرت الجميع اخواتى
لما بنزل القاهرة مش بحس انى رايح مكان غريب عليا لا علشان عارف ان فى اخواتى هنا
ياريت المقابلة متتمحورش على اكل او شرب لاان اغلب الوقت بيروح فيها مش مهم المهم اننا نعرف بعض المقابلة الاخيرة انا لقيت ناس كتيرة معرفتهاش غير اول مقابلة حضرتها الى فيها اتعرفت اول مرة على ايمن ومهاب واستاذمصطفى صديق واستاذ خالد حمدى
المسئلة اننا نعرف نرجع اسرة مرة تانية
و فى النهاية انا معاك يا مون فى اى حاجة وانت عارف
شكرا للجميع

يعنى هو كان لازم ايمن يعمل موضوع علاشان نشوف كل الناس الحلوه ديه" فرد فرد باسمه " الى بقالها زمن ماشوفناش تعليقاتها .

طبعا مافيش كلام يتقال بعد كلام أ مصطفى و أ احمد

المشاركة الأصلية كتبت بواسطة BlackBerry

السلام عليكم

بالظبط...اوافقك الرأي أخي الكريم,

وكلام الاخ مصطفى ايضا اوافقه ومنطقي...ولكن يا عزيزي هذا اسمه منتدى حواري تفاعلي تشاركي, بالتالي وبالضروره ستجد مناقشات وانتقادات واستفسارات والمنتدى الحواري يوجد له مبادئه واساسياته وآدابه وليس الحجر على الراي الاخر وحرية التعبير, الكمال لله وحده يا عزيزي بالتاكيد لا تقصد ان يكون القسم كله مدح في السياره ولا التوكيل ولا الذم ايضا, لا يوجد افضل من اعطاء كل ذي حق حقه وبكل موضوعيه وامانه, وتأكد ان اي شخص قام بشراء بروتون فهو قام بشرائها عن اقتناع, ولكن ليس من العيب ان يطلب شيئا ما او يقوم بالاستفسار عن شيء ما, عندما تساعد شخصا اليوم فسوف يساعد اخرين لاحقا وهذا هو حق المجتمع(المنتدى) علينا.

وانا مثلك ضد اي انتقادات جارحه لاي شخص او للتوكيل, أخذ الحق حرفه, والادب هو أفضل اسلوب, ولكن هذا لا يمنع من وجود انتقادات غير جارحه او سرد لعيب ما فالبنهايه هذا مستهلك دفع ثمن سلعه وخدمات ويستحق الحصول على مقابل ما دفع, وهذه سلعه ربما يوجد بها عيب عام او عيب فردي فهي جماد ومن صنعها بشر, لا بروتون ولا التوكيل ولا ماليزيا من الملائكه ولا معصومين من الخطأ.

مجرد راي.

اخيك \محمد

تحياتي,

و عليكم السلام و رحمه الله و بركاته

أ محمد احنا كل اعتراضنا على " لغه الحوار المتدنيه و عدم احترام الغير " من ناس اصلا مانعرفهاش مستخبين ورا شاشه الكمبيوتر و مستنين نحلهم مشاكلهم عن بعد ؟

اكيد لو حد عنده مشاكل يتناقش معانا فيها و ينتقد براحته ... لكن مايجيش يقول ...( انتو بتوهمو الناس بحاجه مش موجوده ..... , و الناس الى حسستنى انى حشترى بى ام و هى عربيه ........, ) و كاننا اخدنا منه فلوس مثلا او نصبنا عليه .

احنا كملاك للعربيه و من قدامى الموجودين فى المنتدى من اكتر الناس الى سردو العيوب قبل المميزات ... لو شوفت المواضيع المثبته حتلاقى ان لكل عربيه تقرير مفصل بالعيوب قبل المميزات لاكتر من عضو فعال و موجود من زمان و مجرد كلامه هو مصدر ثقه ,
هو تقريبا محدش بيقرا مواضيع زمان الى كنا بنهاجم فيها سياسه تسعير قطع الغيار , و مواضيع تانيه بنذكر فيها العيوب و سلبيات العربيه بعد فتره من استخدامها , و موضوع تالت ذكرت فيه كل قطع الغيار البديله الى ممكن تركب فى العربيه من بره التوكيل " و جربتها فى عربيتى " , و موضوع رابع عن المشاكل الى ممكن تحلها بنفسك فى العربيه ( و برده واحد قال اننا بنحل للتوكيل مشاكله الى المفروض هو ملزم بيها !!!! و خامس و سادس ................مواضيع احنا اتكلمنا فيها عن مشاكل و عيوب و هاجمنا و عاتبنا " باسلوب محترم ".

و فى الاخر واحد يطلع يقول انتو بتدافعو دفاع مستفد عن التوكيل " و انتو ديه بتقال لعدم تحديد الشخص " لانه عارف انه حيتطرد لو وجها لشخص بأسمه .... و الى يلمح بان الناس الى بتقول وجهة نظرها الايجابيه ... تابعين للتوكيل !!!! ( طيب ممكن واحد او اتنين ليهم مصلحه ... لكن 10 ولا 15 ليهم مصلحه ؟؟ كلام عيب اصلا انه يترد عليه لان الحمد لله كلنا اتقابلنا مع بعض اكتر من مره ف معرفتنا مبقتش معرفه انترنت .... احنا اكلنا مع بعض عيش و ملح و عارفين بعض كويس ... فمش حيجى حد اصلا مايعرفناش و يشكك فينا . ديه الحاجه الى مش مقبوله

النقد او طرح المشاكل باسلوب محترم و منطقى ... بالتأكيد مافيش اى حد عنده مشكله فى حاجه زى كده و مرحب بيه جدا لانه حيفيد باقى الاعضاء .

السلام عليكم

استاذ احمد,

اقتباسي لمشاركتك لاعجابي بتوازنها وباسلوبها عدم المنفر كسابقتها وليس العكس وتقبل اعتذاري ان فهمت العكس.

استاذ مهاب, اتمنى لا يفهمني احد بشكل خاطئ, انا قمت بشراء الجين 2 بعد قراءة جميع مواضيع القسم وبما فيها مواضيعكم القديمه وكنت مهئ نفسيا لاي مشاكل ممكن تواجهني والحمدلله كلها اشياء بسيطه ان وجدت ولا انكر بانني استفدت الكثير من تجاربكم. و أؤيدك بان على العضو الجديد البحث عن المشاكل قبل طرح موضوع جديد لان الارشيف به معلومات قيمه جدا, ولكن ما قصدته هو التماس العذر لاي شخص ربما يكون في مأزق او مشكله فعليه ويريد حل سريع أو ربما لدى احد ما حل جديد او مستحدث وغير مذكور في المواضيع السابقه والقديمه , مشاركتي مجرد رد على مشاركه اخرى وهي لا تنطبق علي والحمدلله ولكن اسلوبها كان منفرا قليلا وبه تقليل من الاعضاء الجدد, وبها قمع لحرية الراي واعتقد بانه بغير قصد, ففضلت ايضاح الامور لعدم اللبس على الاعضاء الجدد في حال قرائتهم لها, وليس الا والحمدلله ليس بيني وبين احد اي مشاكل او ضغائن ولا مع الجين 2 ولا مع التوكيل حتى الان في السليم :)

تحياتي لكم

المشاركة الأصلية كتبت بواسطة BlackBerry

السلام عليكم

استاذ احمد,

اقتباسي لمشاركتك لاعجابي بتوازنها وباسلوبها عدم المنفر كسابقتها وليس العكس وتقبل اعتذاري ان فهمت العكس.

استاذ مهاب, اتمنى لا يفهمني احد بشكل خاطئ, انا قمت بشراء الجين 2 بعد قراءة جميع مواضيع القسم وبما فيها مواضيعكم القديمه وكنت مهئ نفسيا لاي مشاكل ممكن تواجهني والحمدلله كلها اشياء بسيطه ان وجدت ولا انكر بانني استفدت الكثير من تجاربكم. و أؤيدك بان على العضو الجديد البحث عن المشاكل قبل طرح موضوع جديد لان الارشيف به معلومات قيمه جدا, ولكن ما قصدته هو التماس العذر لاي شخص ربما يكون في مأزق او مشكله فعليه ويريد حل سريع أو ربما لدى احد ما حل جديد او مستحدث وغير مذكور في المواضيع السابقه والقديمه , مشاركتي مجرد رد على مشاركه اخرى وهي لا تنطبق علي والحمدلله ولكن اسلوبها كان منفرا قليلا وبه تقليل من الاعضاء الجدد, وبها قمع لحرية الراي واعتقد بانه بغير قصد, ففضلت ايضاح الامور لعدم اللبس على الاعضاء الجدد في حال قرائتهم لها, وليس الا والحمدلله ليس بيني وبين احد اي مشاكل او ضغائن ولا مع الجين 2 ولا مع التوكيل حتى الان في السليم :)

تحياتي لكم

لا ابدأ أ محمد ... انا فاهم قصدك و مافيش حد فهم كلامك بشكل خاطئ ... انا اقتبست كلام حضرتك لتوضيح نقطة الخلاف و هى " مراعاة اسلوب الحوار مابينا " كلنا فى نفس المركب و الاستفاده متبادله .

احنا كل يوم بينضم لينا اعضاء جدد و مالكين جدد غايه فى الزوق و الاحترام ... و كلهم مرحب باستفسارتهم و طرح مشاكلهم حتى علاشان احنا كمان نستفيد من خبراتهم بس الى نرجوه اختيار اسلوب الكلام و طريقة التعامل .

انا بعتذرلك لو كان كلامى ضايقك او ضايق اى حد فى اى جزه منه ..." انا كل كلامى موجه للناس الى بتتكلم بطريقه فجه و مستفزه و بعيده عن اداب الحوار " فقط .

اهلا بيك و بمشاركاتك فى اى وقت .

تحياتى ليك

المشاركة الأصلية كتبت بواسطة mohabsaeed

لا ابدأ أ محمد ... انا فاهم قصدك و مافيش حد فهم كلامك بشكل خاطئ ... انا اقتبست كلام حضرتك لتوضيح نقطة الخلاف و هى " مراعاة اسلوب الحوار مابينا " كلنا فى نفس المركب و الاستفاده متبادله .

احنا كل يوم بينضم لينا اعضاء جدد و مالكين جدد غايه فى الزوق و الاحترام ... و كلهم مرحب باستفسارتهم و طرح مشاكلهم حتى علاشان احنا كمان نستفيد من خبراتهم بس الى نرجوه اختيار اسلوب الكلام و طريقة التعامل .

انا بعتذرلك لو كان كلامى ضايقك او ضايق اى حد فى اى جزه منه ..." انا كل كلامى موجه للناس الى بتتكلم بطريقه فجه و مستفزه و بعيده عن اداب الحوار " فقط .

اهلا بيك و بمشاركاتك فى اى وقت .

تحياتى ليك

شكرا لك اخي الكريم, وأوافقك الرأي تماما...والعفوا لا داعي للاعتذار ولم يضايقني لانني لم اقصدك وكلامك فهمته بشكل جيد.

ما ضايقني كان بمشاركه سابقه وهو ما دفعني للرد عليها, فلا يعقل بان اشتري سلعه ويتضح بها عيوب ويأمرني شخص ما بان أسكت عن حقي ولا اطالب به وأتحمل وان الله مع الصابرين, عندما يقول لك شخص ما باسلوبه:

- لو عندك مشكلة في علبة الدركسيون...استحمل, طيب انا دفعت تمن العربيه ولا لا ؟ هو حد في التوكيل قال لي قبل شرائها ان فيه عيب في علبة الدركسيون والصوت؟ علما بانها لم تظهر معي في بداية شرائي للسياره وظهرت قبل انتهاء ال 1000 الاولى...ونحن لا نعلم حتى الان بكونه مجرد صوت فقط ام لا, ام ننتظر حتى يتضح بان بها عيب ما ويفقد احدنا السيطره ويحدث ما لا يحمد عقباه؟ لا قدر الله

- اذا الفرامل فيها مشكله او تصفر....استحمل, طيب نستحمل, بس حرام نشوف حل بكل احترام وادب ونطلب من التوكيل ينزل لنا تيل محترم ونضيف مش يصفر ولا يبوظ الطنابير؟؟

- لو الطنابير باظت في اول 20 الف استحمل: طيب هو انا لما اشتريت السياره التوكيل قال لي ان عمرها الافتراضي قصير بالشكل دا؟ وهل قالوا لي بانهم نزلوا ضمانها من 60 الى 30 الف كيلو؟؟ وهل قالوا لي بانهم عند استبدالهم للطنابير في الضمان سوف يقومون باستبدالها بواحده مستعمله مخروطه؟؟؟

واشياء اخرى كثيره....استحمل...وبيوت ناس كتيره مفتوحه من ورائها الخ.هذا ليس اسلوب حوار محترف او موضوعي..هي بروتون او التوكيل جمعيه خيريه؟؟ انا كعميل اشتريت سلعه وظهر بها مشاكل, من حقي ان اطالب التوكيل بكل ادب واحترام واتمسك بكامل حقوقي لانني لا اطالب باكثر من حقي الذي دفعت ثمن المقابل له سلفا, وليس من حق احد بان يامرني بان استحمل واتنازل عن حقوقي المشروعه, كما انه ليس من حق اي شخص بتحميل اي عضو اخر في المنتدى مسؤوليه امر ما ولم يطالب اي شخص شخضا اخر بتحمل مسؤوليه اي شيء...نطالب التوكيل بكل أدب واحترام وذوق وحرفيه.

هي مطالبتنا بايجاد حل لمشاكل موجوده فعلا يسيء للسياره؟ ام استمرار وجود المشاكل هو الذي يسيء لها؟

انا الجين 2 احبها كما تحبوها جميعا, ولا اقلل منها, ولكن كل ما اطالب به هو توفر حلول بكل ادب واحترام وذوق وليس اكثر ونحن جميعا في نفس المركب وفائدة المنتدى كما ذكرت هو لافادة بعضنا البعض وحل مشاكلنا بشكل محترم فلا داعي بان يكون احدنا بموقف الدفاع عن النفس لانه لا يوجد احد متهم بشيئ بالاساس , مثلما ذكرت يا صديقي, الاسلوب هو الاهم, لا تكن صلبا فتكسر ولا لينا فتعصر .

اعتذر عن الاطاله ولكن تفاديا لسوء الفهم, شكرا لك مره اخرى اخي الكريم مهاب على سعة صدرك.

السلام عليكم ورحمة الله وبركاته

أنا موجود معاكم للأبد يا أستاذ أيمن ويا كل البروتوناوية المحترمين اللي في المنتدى.

سامحوني إني ماكنتش بشارك كتير بقالي فترة طويلة بس مش بإيدي. أولاً الحمد لله العربية مفيهاش مشاكل وثانياً اليوم بيطير بسرعة
الشغل (8 ساعات)
الذهاب والعودة من الشغل (3 ساعات)
الغداء / العشاء والجلوس مع الأسرة (4 ساعات على الأقل)
مشاوير للبيت أو زيارة الأقارب أو الأصحاب (3 ساعات على الأقل)
يبقى فاضل من ال 24 ساعة 6 ساعات للنوم

المهم أنا هحاول على قد ما أقدر إني أشارك على طول

بس يا أيمون ما تنكرش إني برضوه بشارك بس من الديراه نحن نعمل في صمت يا معلم

أنا كل يوم عن يوم حبي لعربيتي بيزيد مش عارف ليه؟؟؟
يمكن عشان إشتريتها بإقتناع لأني مغرم بيها ؟؟
ولا عشان كل ما أركبها بحس بأن هموم الدنيا بتزول وإنه جاء وقت الإستمتاع بقيادة ال جين 2؟؟؟
ولا عشان مجموعة الأصدقاء الكبيرة (أسرتي التانية) اللي عرفتها في المنتدى؟؟
ولا ولا.......

وأنا معاكم إن شاء الله في الخروجة اللي جاية (الإسماعيلية / الفيوم / أي مكان في مصر ) ويا رب نتقابل على خير

تحياتي

مدحت سكيك