الموضوع: يـا بروتونــاويــه ... ممكن نتكلم مع بعض شويـا , ممكــن ؟؟؟

شويه اخبار جديده

- الدوره السنويه للكشف على سيارات بروتون هتبدا فى اخر شهر 6 -ان شاء الله- , وان شاء الله هيكون فى كام مفاجاه هنقولها فى حينها ;)

انا اول واحد عايز اروح يا ايمون طبعا وتكون انت اولنا

- احنا حاليـا شاغلين فى انشاء مجله صغيره عن بروتون , هتظهر للنور قريبـــا -ان شاء الله-

- المقابله القادمه مهاب حاليا بيجهز ليها , ومتوقعلها تكون على نص شهر 7 -ان شاء الله-

ايه اللمجهودات الرائعه ديه ياايمووون والله انت راجل برنس من الأخر بس لو تسمحلي اني اشاركك
في المجهودات ديه واشيل عنك شويه رغم انا اكتر واحد عارف انك مابتتعبش من خدمة البرتناويه

---------------------------

ياجماعه احنا كلنا اخوان , و بنحب بعض ... نفسى الناس تكون اهدى من كده ونتكلم مع بعض اهدى من كده , وصدقونى اى حد عنده مشكله انا مش بسيبه غير لما بتتحل , لو كل واحد حسب الكلام اللى بيقوله ووزنه بعقله قبل مايكتبه هيكون كل حاجه جميله

ياسلام قليل الأصل والله يابني,طبعا احنا معظمنا عارفين قد ايه ايمن جدع اوي
واللي لسه ماقبلوش ان شاء الله هيقبله وهيعرف قد ايه ايمن فعلا مابيسبش حد في مشكله
ابدا الا لما يحلها .

نفسى الهدوء والحب يرجع تانى لكل اعضاء قســم بروتون

ان شاء الله كل البرتناويه هيرجعوا تاني اكيد دي ظروف معينه
اصل من عادة البرتناويه الترابط ولا نسيت ياايمووووون

المشاركة الأصلية كتبت بواسطة ayman_52

شكلها كدا ياميشو ... !!!!!!

------------------------------------------------------------

ممكن من كل الاعضاء تسيبها من المشاكل شويــا ,

كنت عاوز اعرف راي (خصوصا اعضاء بروتون القدامى) ايه رايكم لو عملنا المقابله الجايه فى التوكيل ؟؟؟

نحجز يوم كامل لو حد عنده مشكله او صيانه , واخر اليوم نتغدى مع بعض ونقعد مع التوكيل لبحث بعض الامور

بعد اذنكم مش عاوز مشاكل فى الموضوع دا , اللى عنده مشكله يفتح توبيك لوحده

انا عاوز اشوف بقيه ردود البروتوناويه المختفيين بقالهم فتره , عاوز اسماء الناس القديمه ترجع تنور تانى

كبير يامون والله من يومك
بيعجبنى فيك نضجك الفكرى وان انت عارف ومحدد انت عايز ايه بظبط وبتعرف توصل وتصيب الهدف بتاعك
فكرتك ممتازة وانا انشاء الله معاكم

المشاركة الأصلية كتبت بواسطة Raul_7

فينك يا راجل أنا كنت باقرأ مواضيعك ومشاركتك قبل ماتجيب العربية واختفيت أول ماجبتها..

بينى وبينك العربية تخطف أى حد يجيبها ... ...
بس بجد والله انا مفتقد المنتدى وناسه البروتانوية الجامدين .. بس كله من الشغل بقى الواحد بيرجع ينام عشان يصحى تانى يوم يشتغل ....
بس ان شاء الله الواحد يفضل يحافظ على صداقة الناس الجدعان اللى فى المنتدى (البروتانوية) ..

الاستاذ : مصطفى_صديق

ردك أكثر من رائع وعندك حق في كل ما ذكرته وخصوصا موضوع ان اللى يلاقي عنده عيب (المفروض انه عارفه) ولو حتى مش عارفة او جديد يسأل بطريقة محترمة حتى يطمأن بالذهاب للتوكيل ,,, مش يهول و يعمل توبيك بعنوااان مثير ......

بالنسبة للأستاذ الكبير أيمن...تحية كبييييرة ليييييييك ...

انا احد الناس اللى بيعشقوا بروتون وزاد اوي الموضوع دا لما دخلت على نايل موتورز وعن قريب ان شاء الله سوف أقتنى بروتون وذلك بكامل ارادتي ومع الرفض التااام لكل من اعرفه ببروتون وخاصة أهلى بالبيت ,,,, لكن اقتناعي ومعرفتي بكل شيئ هنا بالمنتدى كفيل باتخاذ قراري لصالح بروتون على اقتناع تام وانا المتحمل الاول لأي شيئ ,, اعتذر عن الاطالة في الكلام ,,, بس أن شاء الله سأكون من أهم وأنشط الاعضاء لبروتون بعد امتلاكي لها ,,,,, ادعوا لي بالتوفيق في الامتحانااااات وشكراااااااا

ايمن حبيب قلبى
والله وليك وحشه جامده يا راجل
انت وكل الناس المحترمه واللى الواحد مفتقدهم من زمان
واللى نفسى اقابلهم فى اقرب فرصه
بس انت يا تركز شويه يا معلم فى امتحاناتك وان شاء الله بعد فترة الامتحانات ما تعدى
هانقدر ان شاء الله نرجع قسم برتون لمكانته اللى كان عليها

الا ستاذ( مصطفى ,احمد فتحى , مهاب ......)
ردودكم اكتر من ممتازه و متفق معاكم فى كل اللى قولتوه
ومنتظر تحديد ميعاد للمقابله وان شاء الله اقدر احضرها