الموضوع: يـا بروتونــاويــه ... ممكن نتكلم مع بعض شويـا , ممكــن ؟؟؟

اولا ازيك يا موووووووووووووووون واحشنى كتير والله

ثانيا انت عندك حق فى كل اللى قولتله بس اكيد الناس عندها ظروف ( امتحانات - شغل )

وبما انى لسه عضو جديد فى المنتدى فما عرفش قسم بروتون زمان كان عامل ازاى بس من كلامك فهمت ان هو اتقلب حاله 180 درجه
وفعلا الناس ما بقاش عندها غير المشاكل وبس بقى مشاكل فى الشغل ومشاكل فى البيت ومشاكل فى المنتدى كمان هههههههههه
مع انك كاتب ومأكد فى اول الموضوع ان الموضوع ده مش للمشاكل ورغم كده مفيش فايده

فالحل فى هيكون فى المقابله ان احنا نقعد كلنا مع بعض فى مكان واحد ويطلع الناس القدامى المؤسسين لقسم بروتون فى المنتدى ويتكلموا ونشوف هنعمل ايه فى الفتره الجايه

ونفسى بجد احضر المقابله دى وانا مستنيها بفارغ الصبر بس مش عارف هبقى موجود ساعتها ولا لا عشان انا مسافر مرسى مطروح ان شاء الله فى 16 / 7 وهارجع 23 /7 باذن الله

وانا بجد مش عارف اقولك ايه يعنى رغم امتحاناتك والقرف اللى انت فيه حامل هم القسم والناس ربنا يعينك يارب

وتخلص امتحانات على خير انت ومحمد عماد وكل اللى بيمتحنوا

سلالالالالالالالالالالالا لالام يا صحبى

السلام عليكم ياخوانى المصريين مالكى بروتون
لم ادخل المنتدى منذ مدة واليوم وجدت اشياء مختلفة فى الحوار وان شخصيا اعتبره شىء جيد ان نصل الى تلك المرحلة من الاخلاص الى فكرة اتحاد مالكى بروتون بمصارحة ومصالحة كاصدقاء قدامى وان شخصيا اتشرف بان اكون صديقا لى انسان صالح
بالتاكيد لكل منا هدف مختلف فى الحياة وحياة خاصة وفكر خاص يختلف عن الاخر ولكن ما نجتمع عليه هو ثقافة المصريين التى ربما فى بعض الوقت لا تعترف بالحوار والراى الاخر ولكنها عاطفية جدا فى اتخاذ القرارت الانفعالية
مما ينتج عن هذا الانفعال حركة ونشاط وافكار سريعة ما يفتْ ان تخفو مرة اخرى
لذلك اعتقادى الشخصى ان نعرف السبب من اتحادنا هنا وحوارنا بغض النظر عن طرق الحوار التى يجب ان تكون( متحضره طبعا) او وجود مشاكل عند البعض ولا توجد عند الاخرين التى يجب ان نتقبلها بصدر رحب ونستمر فى مساعدة بعضنا البعض الا ان يشاء الله فالاختلاف فى الراى لا يفسد للود قضية
فالماذا الياس فيجب ان يتقبل كل منا الاخر بثقافته
وحتى لاا خرج عن سياق الحديث اعتقد ان هدف اتحادنا الاول هو الدفاع عن حقوق مالكى سيارات بروتون المصريين امام الصانع الماليزى والوكيل المصرى فلن ننكسر مادمنا عصبة
وايضا النصح والارشاد فيما يخص السيارة واعلاء القيم فيما بيننا ويجب ان نتجرد من كل غاية فى مساعدتنا بعضنا البعض لوجه الله
فالله فى عون العبد مادام العبد فى عون اخيه ومن فرج كربة عن اخيه فرج الله عن كربة يوم القيامة
ولتكونوا بالفعل خير امة اخرجت لناس يامرون بالمعروف وينهون عن المنكر
واشكركم واسف على الاطالة
اخوكم
محمد خضر
واجا
300243

المشاركة الأصلية كتبت بواسطة m.3abdel3al

" اسف للتعبير " بس بجد دا الي لازم يتقال فعلا عن الناس المحترمة بجد الي عرفتها هنا و الي فعلا مش عاجبها الحال زينا كلنا و الناس الي كانت ممكن تعمل اي حاجة علشان تيجي مقابلة ( تاجل شغل - زيارة - في ناس كانت تيجي تتجمع تسلم وتمشي تاني !!!!!!!)


و في الاخر احب اقول راي البسيط جدا كواحد من اقل الاعضاء مكانة هنا في بروتون ان انا حاسس اننا كلنا باينا ( full ) محدش ادر يعمل اي حاجة تاني خالص وانا شايف يا مووووووووون اننا لو اعدنا مع بعض و اتكلمنا كلنا هنرجع تاني ان شاء الله فعلا يا ايمن لازم مقابلة مش مهم فين مش مهم امتى المهم تجمع كم كبير من الناس دي الناس الي فعلا دخلت هنا ايام ما كان الناس مش عارفين العلامة بتاعت عربيتنا دي لشركة ايه !!!!!!! بجد لازم نتجمع ونتكلم علشان نرجع تاني

ربنا يخيك يا محمد الف شكر على كلامك الجميل

المشاركة الأصلية كتبت بواسطة m.3abdel3al

و في الاخر احب اقول راي البسيط جدا كواحد من اقل الاعضاء مكانة هنا في بروتون ان انا حاسس اننا كلنا باينا ( full ) محدش ادر يعمل اي حاجة تاني خالص وانا شايف يا مووووووووون اننا لو اعدنا مع بعض و اتكلمنا كلنا هنرجع تاني ان شاء الله فعلا يا ايمن لازم مقابلة مش مهم فين مش مهم امتى المهم تجمع كم كبير من الناس دي الناس الي فعلا دخلت هنا ايام ما كان الناس مش عارفين العلامة بتاعت عربيتنا دي لشركة ايه !!!!!!! بجد لازم نتجمع ونتكلم علشان نرجع تاني

ياباشا ماتقولش كده ... كلنا عارفين مساهماتك و مواضيعك الجميله .
ان شاء الله نتقابل كلنا على خير فى القريب العاجل .

المشاركة الأصلية كتبت بواسطة eng. Rafy samy

سلام الله لكم جميعاُ
قرأت جميع المشاركات التي في هذا الموضوع من بدايته... وأرتاح قلبي عندما علمت ان هناك اخريين يشاركونني في افكري وأرائي بما يدور داخل قسم بروتــــون ... " وغير راضيين عن الوضع الحالي "
في رأيي المتواضع حل هذه المشاكل يتلخص في الأتي:
1- ترابط جميع الاعضاء الحاليين بدون استثناء والاتفاق على الهدف العام للقسم والسعى لتحقيقة... مع العلم ان هذه الخطوة ليست بالسهلة.
2- ومقابلة عاجلة في اقرب وقت للإعضاء (يوم واحد - في اي مكان - بدون غذاء او عشاء - او مشروبات - مقابلة لمجرد التعارف والتحدث والصداقة ) .. ان أمكن.
3- كما يجب تصفية الخلافات القائمة بين كافة الاعضاء وقبول الرأي الاخر وجعل الإثباتات والحوار المتحضر / المتمدن هما الطريق الوحيد لإثبات وجهة النظر في حالة الاختلاف.

لنتعامل معاً بمبدأ " أحب لأخيك ما تحبه لنفسك " أرجو من كل عضو ان يفكر قليلاُ فيما يدور الأن بيننا

كل التحية والاحترام لكافة الأعضاء المشاركين في هذا الحوار والغير مشاركين.
تقبلوا تحياتي جميعاُ...

مشاركه رائعه بتحمل الروح الى اتمنى انها تسود فى المنتدى .

3- كما يجب تصفية الخلافات القائمة بين كافة الاعضاء وقبول الرأي الاخر وجعل الإثباتات والحوار المتحضر / المتمدن هما الطريق الوحيد لإثبات وجهة النظر في حالة الاختلاف.

لنتعامل معاً بمبدأ " أحب لأخيك ما تحبه لنفسك " أرجو من كل عضو ان يفكر قليلاُ فيما يدور الأن بيننا

متفق مليار % , بشمهندس رفيق انتا اختصرت الى نفسى اقوله بشكل مباشر .

المشاركة الأصلية كتبت بواسطة khaled85

انا فعلا مبدخلش كتير على الجروب و بجد نفسي اقابلكم بس انا علشان مبدخلش بيفوتني مواعيد المقابلات
من رايي انه لو فيه مقابه او اي نشاط جماعي, الاداره مشكورة تبعت رساله لكل الاعضاء في الجروب

أ خالد ده بيتم فعلا ... و حيتم فى المستقبل قبل كل مقابله ان شاء الله .