الموضوع: تجارة الاثار

[gdwl]والله الموضوع شاغلني ده من زمان
و بعدين ما هي تجارة زي أي تجارة
فرقت ايه بقى تماثيل من ملابس؟!!!!!!!!

و بعدين فلوسها حلوه برده[/gdwl]

ولو قارنا بين تجارة الاثار و المخدرات و السلاح (على اساس انهم تجارة يعاقب عليها القانون) هنلاقى:

المخدرات تسبب ضرر و تدمير للانسان و لذلك يجب تحريمها
الاسلحة طبعا مش محتاجة كلام(العصابات-الارهابيين-....)
انما الاثار ايه الضرر منها؟

لا مش حرام طالما مش بتنصب على حد وتقوله ده تمثال فرعوني واخرتها دهب تركي

خد بالك تجارة الاثار فيها نصب كتير جدا لازم يبقى معاك خبير لو حتشتري اثار

وراي طالما مهياش سكتك يبقى متدخلهاش هههههههههههههه

انما بتسئل ليه؟ لقيت كنز ؟؟ يبقى ملك الدوله اديهوني وانا حسلمه بمعرفتي ههههههههههههههههههههههه

فى ناس بتقول تجارتها حلال قال إيه عشان دى اصنام
انا مش مقتنع بالكلام دا لأننا مش بنعبدها يعنى وبعدين اللى بيتاجر فيها يعنى بيبع هوية وتاريخ بلده

طيبب الدولة عبارة عن ايه؟عبارة عن بعض الاشخاص

طيب و الاشخاص دول علشان مناصبهم يبقى ليهم الحق فى امتلاكها؟

يا باشا دى مش ملك اشخاص الدولة فى حكم القانون تعتبر شخص اعتبارى والشخص الأعتبارى ذمته المالية غير ذمة مؤسسيه او اعضاءه المكونين له فمينفعش مثلا لو مواطن عليه ديون تروح تسددها من المال العام او لو الدولة عليها ديون تاخدها من مواطنيها

اومال بقا بجانب الضرائب والممتلكات الدولة اللى بتجيبلها دخل زى قناة السويس وهكذا وكل دا واقتصاد البلد بيعافر ما بالك بقا لما تضربله مصدر مهم جدا وحيوى ليه زى السياحة البلد هتجيب فلوس منين تصرف على امنها القومى على الأقل مش هقولك على الخدمات والذى منه


يعنى بدل ما نتعلم تاريخنا نديه لأعداءنا يزودوا بيه دخلهم ويدروسه عشان يعرفوا يضربونا ازاى !!

يعنى اللى بيبيع اثار فرعونية دلوقتى مش هيجى عليه يوم ويبيع اثار إسلامية او قبطية!!

تقبل مرورى :)

شكلك كده وقعت على مقبره
طب بالنص بقى

بص ياسيدي اللى اعرفه عن الموضوع
ان الحاجات دي اسمها الركاز
لان الرسول بيقول و في الركاز الخمس
و الركاز دي مادفن الكفار قبل الاسلام وياريت ماحدش يقولي المصريين القدماء مش كفار بقى
يبقى اللى يلاقي حاجة خمس ثمنها يخرجه للفقراء والمساكين (على الراجح من اقوال بعض اهل العلم)
وفيه قول تاني بيقول اخراج الخمس لولي الامر

بس خد بالك

حرام تجاره وبيع التماثيل و التصاوير التي بها روح
لان الرسول صلى الله عليه وسلم حرم بيع وتجاره الاصنام طبعا

قولي بقى ايه اللى انت لقيته؟؟؟

هو انا لو لقيت حاجة كنت هعد اسيح لنفسى كده

انا بس الموضوع ده جه فى بالى و مش عارف ابعاده ناحية حلال ولا حرام

أسأل مفتى !

فى ناس كتير فى الاقصر بتدور على المقابر والحجات دية
وبيحفروا جوة البيت علشان الدولة مانعة طبعا الحفر فى البر الغربى نهائيا واسمع انهم احيانا بيروحوا لدجالين علشان يعرفوا مكان المقابر فبيكون من ضمن مطالبهم انهم يدبحوا عيل صغير وينشروا دمة فكان فى فترة انتشرت فيها خطف العيال الصغيرة
دة على حسب كلام ناس معايا فى الشغل من الاقصر الله اعلم

واللى بيلاقى حاجة بيصرفها لاى تاجر لان الاقصر مليانة تجار اثار بس اسمع انهم بياخدوا اكتر من نص تمن الحاجة

وفى ناس كتير اتغنوا من انهم لقوا اثار وباعوها منهم مثلا صاحب فتدق شهير ومطاعم شهيرة فى الاقصر واللى كان مقدم هدية لساركوزى لما كان جى شهر العسل

فعامة انا شايف انها مش حرام بس الدولة محرمها لانها ملكية للدولة وليست للافراد والحجات دية