حد جرب يحط نيتروجين لاطارات الاوبترا ؟

**ahmed643** · 04-06-2010 10:44 PM

يعنى الاحساس بالفرق بركوب عربيات تانيه بس بيستخدمو الهوا عادى

فمش هتلاحظ فرق ولا هتقدر تحدد ان ده هوا من نيتروجين الا اذا كان الكاوتش نوع نضيف

مجرد وجهه نظر تحتمل الصواب وتحتمل الخطاء طبعاااااااااااا

**zeznia** · 05-06-2010 01:19 AM

انا حاطط النيتروجن في الصني وفرق معايه في المشي اكتر حاجه في صوت احتكاك الكوتش بالارض وشويه في نعومت العفشه
بالمناسبه الكاوتش بردجستون

**haroun707** · 05-06-2010 10:40 PM

السلام عليكم ورحمة الله وبركاته

بص ياباشا الموضوع وبأختصار ان حضرتك الاول تعرف ايه مميزاته

وهى انه اولا غاز خامل يعنى بأختصار مش بتأثر بختلاف درجات الحرارة زى الهواء المضغوط
يعنى لما درجة الحرارة تكون مثلا 45 مش حتلاقى ان الكاوتش ضغطه ذايد وكذالك فى الشتاء مش حتلاقيه ضغط الكاوتش ناقص

بأختلاف انه فعلا بيخلى شعورك بالمطبات اقل كثير لانه بيخلى الكاوتش طرى مش محجر

وخصوصاً فى السفر والسرعات العاليه بيساعد بصورة ملحوظه على التقليل بنسبه عاليه من احتمالات انفجار الأطارات

وبالنسبة لضبط الاطار بيكون حسب مقاس الأطار ( يعنى زى ما بتظبط فى الهوا بتظبط النيتروجين ) وده عن تجربه

والله الموفق

**mimo116** · 06-06-2010 11:48 AM

انا بستخدم نيتروجين و زي ما الناس مبتقول .. هوه مش هيفرق معاك لو نوع الكاوتش مش كويس .. بس لو نوع الكاوتش كويس هيفرق معاك في النعومه و صوته على الارض و مع عيون القط اللي على الارض مش هتحس بيه جوه العربيه و كمان في السفر مريح و مش محتاج تبص على الكاوتش كل مشوار و كمان لاقدر الله لو جه مسمار من المسامير الكتير في الشوارع المصريه مش بيتسرب بسرعه بعني ممكن تكمل لحد متلحم الخرم و كمان الضغط بيفضل ثابت يعني لا يتاثر بالعوامل الجويه ... اظبت على 30 ورا و قدام.

**houbaz** · 07-06-2010 12:35 AM

المشاركة الأصلية كتبت بواسطة hosam_optrawy

اظبط على 30

30 دا صيف شتاء؟ انا لسه بنفخ هواء، النيتروجين بقى لما اجيب جنوط ان شاء الله..

**Hosam_Optrawy** · 07-06-2010 06:41 PM

المشاركة الأصلية كتبت بواسطة houbaz

30 دا صيف شتاء؟ انا لسه بنفخ هواء، النيتروجين بقى لما اجيب جنوط ان شاء الله..

ايوه صيف شتاء ويفضل تكشف على الضغط اسبوعيا لو أمكن

بس الكاوتش يكون بارد عشان لو الكاوتش سخن وجيت تقيس الضغط هاتلاقيه عالى ولما يبرد هاتلاقيه قليل