الموضوع: ما هو الrms؟ (رحلة في عالم الصوتيات)

عندى سؤال عن الmp3 انواعة اية للسيارة و اسعارة و هل يمكن تركيبة مع كاسيت تانى

بجد بجد جزاك الله كل خير على المعلومات دى.
أنا سألت ناس كتير عن كيفية إختيار السماعات مع كل الأرقام الزينة إللى بكتبوها عليها ودى اول مرة الاقيها متجمعة فى حتة واحدة.

المشاركة الأصلية كتبت بواسطة smso

بجد بجد جزاك الله كل خير على المعلومات دى.
أنا سألت ناس كتير عن كيفية إختيار السماعات مع كل الأرقام الزينة إللى بكتبوها عليها ودى اول مرة الاقيها متجمعة فى حتة واحدة.

العفو على ايه
و بص على باقي المواضيع و هتعرف كتير
و اهلا بيك هنا في المنتدى

أقترح تثبيت الموضوع ده لأنه مفيد جداَ

المشاركة الأصلية كتبت بواسطة smso

أقترح تثبيت الموضوع ده لأنه مفيد جداَ

شكرا و لكنه فعلا متثبت

المشاركة الأصلية كتبت بواسطة CryptonX

شكرا بجد علي المعلومات الرائعة
ويا جماعة ده كمان بيسري علي سماعات الاجهزة و الكومبيوتر

انا كنت نازل اشتري سماعات 5.1 للكومبيوتر و لقيت الوان و اشكال ( صيني و هندي ) و ارقام فلكية ( 6000 وات و 10000 وات )

و اسعار من 260 الي 350 ( ماركات ملهاش اي وجود في عالم الصوتيات )
Genius - Mazoori - Phantom - Tornado - Vigoole
Btengan Azra2
و احمر و اخضر و حاجة ايه و ريموتات و راديو اف ام ! و اشكال و انوار ..
كل ده " ضحك علي الدقون " لو عليت الصوت شوية في اي ماركة من الماركات المذكورة بالاعلي حتكتشفوا انها صوتها اسوء من صوت سماعة موبايل .

و كمان في حاجة اهم .. معظم انظمة ال 4.1 و ال 5.1 و حتى ال 7.1 المضروبة الي ملهاش ماركة بتبقى مجرد صوت ستيريو 2 و بيتوزع علي باقي السماعات !
يعني مفيش صوت Surround حقيقي .

بالنسبة للماركات المحترمة .. في مصر نادر اوي و غاليين
Creative مش وحشين بس بقا في منهم مضروب كتير و برده مش حلوين اوي

انا عن نفسي اشتريت Logitech X-530 هما اغلي من الCreative و دبل اي حاجة صيني بس بصراحة الفرق اكتر من 10000 مرة ( 580 جنيه مصري )
و مكتوب عليهم ال RMS زي مالاستاذ احمد ورانا
مش ال PMPO الي هو خدعة فعلا !

في ماركة تانية اسمها JBL و دي اغلي تلات حبات و في B&O

( بالمناسبة انا بتكلم عن سماعات الكومبيوتر خاصة )

سماعات ال ـ JBL حاتلاقيها فعلاTrue RMS حقيقي و السيستم بتاعها 5.1 7,1 فعلا مش ستيريو و متوزع على 5 سماعات

راجع موقع الشركة

اساسا الشركة دي امريكي و بتصنع سماعات فقط ( و حط تحت فقط دي 100 خط) ومش بتعمل غير سماعات من 75 سنة و الامبليفيرات اللي بتنزل باسمها بتبقى ماركة Crown حيث ان الاتنين تحت مجموعه واحدة يعني شركتين شقيقتين في مجموعه واحدة اسمها Harman

راجع

www.harman.com

www.jbl.com

المشاركة الأصلية كتبت بواسطة ahmedateya

من أكثر الأشياء التي تثير الحيرة لدى المرء عندما يتوجه الى شراء جهاز صوتي "و إن كان من ماركة محترمة" هو الرقم المهول من الوات المكتوب على علب السماعات

و بدون الدخول في مهاترات و نتكلم بالبلدي كده,الRMS أحد الطرق في علم الهندسة لقياس كمية الصوت أو القدرة الفعلية للمكونات السمعية,و هو الرقم الذي يعبر عن حقيقة قدرة السماعات
و تقوم الشركات المحترمة دائما بإدراج هذه القيمة دائما على خلفية مغناطيس السماعة و أيضا كتابة الأوم "المقاومة" و التي سأتطرق للحديث عنا فيما بعد
القاعدة الثالثة: "في حالة استخدام الGM"
حاول ان تترك للسماعات فرصة لتلتقط انفاسها...فأنصح بعدم تجاوز 2\3 من قدرة الRMS للسماعة في حال التوصيل بقناة من الGM لكيلا تتعرض السماعات للتلف أو لتدمير الصوت...."حاسس ان الكلام موصلش!!" طب مثال كده:
GM 400W خرجه 50*4 RMS نوصله بسماعات كام RMS؟؟
الإجابة هي: نوصله بسماعات 80وات RMS على أقل تقدير

ملاحظة: الSUBWOOFERS تطبق معها نفس القواعد و يفضل الا يتعدى الدخل 1\2 الRMS لها

بص باختصار RMS هو القدرة الفعلية التي ينتجها الامبليفير او القدرة الفعلية التي تتحملها السماعه لفترة زمنية لا نهائية

يعني بالبلدي كدة الوات اللي تشغل علية السماعه لبكرة من غير ما تتحرق

مثلا السماعه دي تستحمل دخل صوت 35 واتRMS لبكرة شغالة على طول

لكن القدرة اللحظية PMPOيعني ممكن تعللي الصوت شوية عالسماعه دي لي 70 وات بس لمدة ثواني او دقيقة و للا حاجة بعد كدة حاتلاقي الصوت بيخشول و بعدين السماعه تتحرق

و دة لان ملفات السماعه لا تتحمل التيار الداخل ليها فاتبتدي تسخن و نتيجة السخونة ينصهر الورنيش العازل لاسلاك الملفات بتاعتها و تبتدي تحصل تلامسات بين النحاس بتاع الملفات دي و بالتالي تقل مقاومتها و تسخن اكتر و تسيح العازل الورنيش اكتر و تتلامس اكتر فاتنصهر الملفات و تتحرق السماعه


بص كمان حكاية انك توصل سماعات قدرة RMS بتاعتها اعلى من قدرة الامبليفير الفعلية ال RMS برضة الضعف و لللا حاجة دي غلط و مش صح (دي في حالة افتراض انها ماركات محترمة و بتكتب الRMS الفعلي مش اي همبكة)

لان الامبليفير مش حايدي التيار اللازم و الكافي للسماعه دي و بالتالي الامبليفير حايسخن و يبتدي يفلت DC يعني ممكن يطلع منة تيار كهربي يطير السماعه
و الناس ساعتها تفتكر انة امبليفير يافد و شديد و حرق سماعه قوية مش عارف كام وات بينما ان الحقيقة انة ضعيف عن السماعه بدرجه كبيرة و بالتالي فلت منة DC من البوردة طير السماعه

ملحوظة هامة

الامبليفير الضعيف اخطر عالسماعات من الامبليفير القوي

لان الامبليفير القوي ان تحس ان السماعه ابتدي صوتها يسرخ جامد و صوتها ابتدى يخشول يعني يخروشDistortion و مش نقي و بالتالي انت حاتوطي الصوت لانك حاتحس بسهولة ان السماعه مش مستحملة قوة الامبليفير لكن الامبليفير الضعيف يطير السماعه من غير احم و لا دستور اول ماتعلي الصوت لان السماعه دي عاملة زي الشفاط بتشفط الباور بتاعه الامبليفير الضعيف يقوم يفلت منة تيار كهربي من بوردة الباور (مالم يكن MOSFIT) و بالتالي انت مقتنع انة اقوى من السماعه و حرقها


ملحوظة تانية مهمة جداً:

الوات مش هوة قدرة الصوت الخارج من السماعه

الوات هو القدرة الكهربية الداخلة للسماعه

و هو يتناسب طرديا مع الصوت الخارج منها لكنة ليس وحدة قياس قوة الصوت الناتج عنها

لذا درج العرف على تقييم السماعه القوية من الضعيفة او تقدير الصوت بناء على الوات الداخل لها

لكن حقيقة الامر ان قوة الصوت الخارج من السماعه يقاس بال db ومعيار قوة السماعه هو SPL Sound Presure Level

و هو بالفعل كمية او قوة الصوت الخارج منها

اقرا موضوعي عن تلك النقطة و كيفية قياس قوة الصوت الناتج عن السماعه

تحياتي