الموضوع: فاضل على السيراتو الحلو خطوة ساعدونى نفسيا

من ساعه ما السيراتو نزلت وانا هموت عليها من حيث الشكل والاداء وكل حاجه ......طبعا قريت كل الكلام فى المنتدى اللى اتقلب واللى اتبهدل وحاجات تانيه كتير وقريت اللى عجباه ومبسوط منها جدا وكل يوم كنت باخد القرار وارجع اتراجع فيه واقول لاااا خليك ياعم فى اليابانى احسن هاتلك حته صنى ارخص منها بكتير ولا اى حاجه تانيه مضمونة..........بس كنت كل ما بشوف السيراتو معديه اى كان لونها اى كان مواصفتها المهم انها سيراتو كانت بتخطف قلبى وكأنها بتقولى انا مش عجباك ليه بطل تردد وهاتنى يلااااا ما الشوارع انا مغرقاها انا واخواتى مع كل الناس ما تخفش ويوم اقتنع ويوم لااااا وعلى فكره انا اللى مخلينى متردد مش العفشه ولا الكلام ده علشان انا ركبت جواها وما ضايقنيش اوى الموضوع دة ولا اخدت بالى منو بس اللى محيرنى دلوقتى فعلا ومش عارف اخد القرار بسببو حاجتين

يمكن اول مره هتسمعوهم من حد بس فعلا همه دول اللى مخلينى متردد

1:العربيه صاجها ضعيف اوى اوى اوى من كل حته مجرد ما بحط ايدى على الرفارف او الابواب او حتى غطا الشنطة ضعيفه اوى والمشكله ان امى هتسوق العربيه دة اكتر منى وانتم عارفين الستات خايف من كل لمسه وحكه فى العربيه دة تعملها زى كان البيبسى لما بنطبقه......علشان كده فكرت فى الصنى لانها انشف شويه

2:اسعار قطع الغيار المبالغ فيها من قبل التوكيل مخليانى بردك قلقان طب لو رفرف لقدر الله اتعجن بسبب ضعف الصاج دة هغيره غالى اوى ولا اه ...................

انا بجد محتار ومحتاج المشوره

المشاركة الأصلية كتبت بواسطة احمد عزت

من ساعه ما السيراتو نزلت وانا هموت عليها من حيث الشكل والاداء وكل حاجه ......طبعا قريت كل الكلام فى المنتدى اللى اتقلب واللى اتبهدل وحاجات تانيه كتير وقريت اللى عجباه ومبسوط منها جدا وكل يوم كنت باخد القرار وارجع اتراجع فيه واقول لاااا خليك ياعم فى اليابانى احسن هاتلك حته صنى ارخص منها بكتير ولا اى حاجه تانيه مضمونة..........بس كنت كل ما بشوف السيراتو معديه اى كان لونها اى كان مواصفتها المهم انها سيراتو كانت بتخطف قلبى وكأنها بتقولى انا مش عجباك ليه بطل تردد وهاتنى يلااااا ما الشوارع انا مغرقاها انا واخواتى مع كل الناس ما تخفش ويوم اقتنع ويوم لااااا وعلى فكره انا اللى مخلينى متردد مش العفشه ولا الكلام ده علشان انا ركبت جواها وما ضايقنيش اوى الموضوع دة ولا اخدت بالى منو بس اللى محيرنى دلوقتى فعلا ومش عارف اخد القرار بسببو حاجتين

يمكن اول مره هتسمعوهم من حد بس فعلا همه دول اللى مخلينى متردد

1:العربيه صاجها ضعيف اوى اوى اوى من كل حته مجرد ما بحط ايدى على الرفارف او الابواب او حتى غطا الشنطة ضعيفه اوى والمشكله ان امى هتسوق العربيه دة اكتر منى وانتم عارفين الستات خايف من كل لمسه وحكه فى العربيه دة تعملها زى كان البيبسى لما بنطبقه......علشان كده فكرت فى الصنى لانها انشف شويه

2:اسعار قطع الغيار المبالغ فيها من قبل التوكيل مخليانى بردك قلقان طب لو رفرف لقدر الله اتعجن بسبب ضعف الصاج دة هغيره غالى اوى ولا اه ...................

انا بجد محتار ومحتاج المشوره

اولا ربنا يلهمك حسن الاختيار وصلى استخارة
انا كنت محتار نفس الحيرة زيك بالظبط وربنا كرمنى بالسيراتو الحمد للة وكنت هاندم اوى لو كنت جبت الانسر بومة حتى لو فل اوبشن كمان لان العربية دية تعتبر نقلة كبيرة وضعت كيا على مقدمة السيارت الاكثر مبيعا والاكثر جمالا فى مصر
وبجد يعنى عربية تشد العين
بالنسبة للصاج احسن حاجة فيها لانى خدتلى كام خبطة فى الاكصدام والحمد للة ولا الهوا مش عارف انت جبت الكلام دة منين
اما طع الغيا ر انا لا اعتقد ان بعد الانتشار الرهيب والسريع دة هتكون غالية الكلام دة ممكن كان فى الاول

وبعدين ياعم هية عربية ولا اكتر ماتحيرش نفسك شوف الى انت عايزة واتكل على اللة

تحياتى

العربية دى يا باشا صاجها طرى و ده مش عيب دى ميزة ... فى مرة واحد بتاع موتوسيكل ديليفرى من بتوع كنتاكى دخل فى الإكصدام الورانى و الإكصدام أقسم بالله العظيم لو كان إكصدام عربية تانية لكان راح فى داهية ... لكن الحمد لله مسابش حتى ولا خربوش صغير ... و الموتوسيكل كان فيه حتة معدن اتقطمت من قوة الخبطة و متانة الدعامات بتاع الإكصدامات ... حضرتك زمن الصاج بتاع زمان المرسيديسات و البى إمات ده خلاص انتهى و كل العربيات بقت كدة دلوقتى

الحاجة التانية ... ربنا يبعد حضرتك عن التوكيل و قطع الغيار ... و على فكرة نيسان صنى قطع غيارها و صيانتها أغلى من السيراتو ... الصنى صيانتها بتتكلف حوالى 500 إنما السيراتو بتتراوح بين 275 و 355 و ربنا يبعد حضرتك عن قطع الغيار... حضرتك مش هتحتاجها فى حاجة بإذن الله

تصدقوا بالله انا لو جبت العربيه دة هجيبها علشان خاطر الكلام الحلو بتاعكم دة وبجد ربنا يطمنكم....وانا فعلا مكنتش افهم قصه الصاج الطرى والناشف والكلام دة .....انا على اد علمى الضعيف فى العربيات كنت بعمل اه
كنت اروح معرض زى مصريه كدة وافضل اخبط بصوابعى على الباب والرفارف زى بتوع الخشب كدة.....ومن غير ما حد ياخد بالو اجى بركبتى كدة وانا واقف وازق بركبتى باب العربية لجوة كنت فعلا بحس انها طريه اوى واى عجله عيل صغير هتبهدلها واى زلطه صغيرة من الشارع هتعلم فيها .....بس بجد انا بدأت اطمن وبجد تخيلت نفسى للحظه جايب السيراتو اللى بجنط 16 وحسيت نفسى فرحان كدة وقولت فى سرى صنى اه بقى عجزتى خلاص وكبيره عليه .....

بس بقعد ابص للعربيات السيراتو فى الشارع زى المجنون عمال ادور فيها على نقرة او خبطه واقنع نفسى ان دة سببه ضعف الصاج مع ان بينى وبينك دة علشان كترتها فى الشوارع وانتشارها ويارب اجيب بقى

لاما التيتانيوم سيلفر او الاورانج اللى بجنط 16.............يارب اهدينى للى فيه النصيب

السلام عليكم ورحمة الله وبركاته
ربنا يهديك للصواب وده وجهات نظر بدون ماعيب في العربية هي فعلا شكلها جامد جدا بره وجوه لكن فيها عيوب وعيوب خطيرة واتمنى ان الناس ماتهاجمنيش لاني بنتقد نقد موضوعي مش هجوم
انا كنت في حيرة زي حيرتك بالظبط وحتى الان لم اشتري بس غالبا هشتري باذن الله على 11 الجاي
وكنت محتار مبين اللانسر والسيراتو وصرفت نظر عن السيراتو وباذن الله هتوكل على الله واجيب لانسر لكن زي مبقول ده وجهات نظر
بصراحة انا دورت كتير على المنتدى ورحت معرض وخلصت ان السيراتو بها عيوب تعتبر بالنسبة لي السيارة مرفوضة:
1-العربية صاجها ضعيف خاصة الرفارف والباب الاماي والكبوت
2-سخونة في الكونسول (وده الاعضاء بيقولو لقو حل لها في التوكيل)
3-العفشة ناشفة وبتهبد في اي نقرة او حاجة في الطريق (محسوسة جدا في جنط 17)
4-التعليق فاشل زي عربيات زمان
5-المساعدين غاز مش زيت وفي واحد كانت بتزيق منه المساعدين
6-الخامات الداخلية رديئة (مع اني دخلت العربية من جوه وشفتها كانت فخمة بس بصراحة كان بليل فمتحققتش من ذلك)
7-اغلب اللي عايز يبيع عربيتوه بيبيعها وهي كسر زيرو انا استغربت جدا من ده
8-الكمبيوتر بتاعها الظاهر بيبوظ بسرعة او فيه حاجة (عضو عربيتوه الكمبيوتر-الكنترول هنج وفي الاخر اتظبط لوحده)
انا رايي وده مش فرض انك تخليك في عربية منتشرة (السيراتو منتشرة) واثبتت نجاحها ومتجربة وقطع غيارها في المتناول وبالمناسبة اللانسر برضه ليها عيوبها عشان محدش يفتكر اني متحامل على السيراتو
وتقبولو فائق احترامي

المشاركة الأصلية كتبت بواسطة ahmed samy

لأ طبعا ما فيش زعل بس لي تحفظ

ان حضرتك جمعت كل الحالات الفردية ....و العيوب الوهمية و الثانوية
ونقط من اختراع حضرتك زي نمرة 4 مثلا

و مواضيع تم الرد عليها و نقاشها و باستفاضه

و حتى نقط حضرتك مش مقتنع بيها زي 6


ماتزعلش مني حضرتك ..مش دي طريقة تقييم عربية

مش بالسمع المفرط و تجميع الصح و الوهم و الإشاعة في الاتجاه السلبي فقط

وواضح ان حضرتك ما جربتش العربية ولا مشيبت بيها كم واحد

وده معناه ان حضرتك غير مؤهل للحكم عليها

صحيح انت بتنصح الراجل بس النصح يكون عن علم وليس عن طريق النقل لوجهات نظر شخصية لأعضاء أخرين و تجميعها و تهويلها

تقبل تحياتي

هي النقط ده مش من تاليفي ده من خبرات ناس هنا وده طريقة معتمدة اني انقل من تجارب غيري وعلى فكرة انا كنت امين في النقل ومش متحيز ومش بألف ومن حقى اني انقل تجارب غيري بس بامانة (يعني لازم اللي يقول راي في السيراتو يكون عنده سيراتو والا ميكونش مؤهل !! منطق غريب)
بالنسبة لنقطة 4 الخاصة بالتعليق ده مش كلامي ده من تجربة وصور من تجربة قيادة الاخوة (تقريبا أ/نادر) وبالصور حيث ان التعليق الخلفي ليس منفصل ولكن كمرة واحدة مثل سيارات زمان (اذا هي ليست من اختراعي)
وفي النهاية الاختلاف في الراي لا يفسد للود قضية
وارجو ان تتقبلونو زميلا بينكم
وتقبلوا تحياتي
عبدالحميد
مهندس مدني