الموضوع: تغيير مياة الرادياتير مع طريقة تحضير المياة الخضراء

كان عندى شغل النهاردة فى مدينة السادات و انا على طريق اسكندرية الصحراوى لقيت مؤشر الحرارة عند الأحمر رحت موقفها. بصيت ملقيتش مية خالص, و لقيت بزبنة تعاون قدامى, رحتلها قعدو يجرو الميا فالمتور و ينزلوها من الخرطوم لحد ما المية بردت و قفل.

مشيت 3 دقايق مثلا لقيت درجة الحرارة فوق ال 100 روحت راكن عند محل سماد و حاجات زراعية و استءذنتهم و مشيت و خليت المصنع اللى انا راحه يبعتلى عربية و قد كان , خلصت شغل رجعونى لعربيتى مليتها مية و توكلت على الله فضلت ماشى على 80 و درجة الحرارة تحت ال 100 بشوية قلت قشطة على موصلت البوابات لقيت لمبة الزيت بتنور

عديت البوابات و فتحت الكبوت و اذا بدخان زيت بينفث من الغطا و ريحة وحشة . حمدت ربنا و رحت قعدت مع اصحابى كانو فى تريانون اللى فى داندى وحاولت انسى الموضوع. بعد كدة لما الدنيا ليلت شويا رجعت للعربية و اعدت ارش عليها مية و فضلت اجرى المية فى المتور و هو شغال بردو , و مليت مية و جريت على عبد الله

و انا على الدائرى لقت بردو العربية بتسخن و كانت قرب ال100 نزلت لقيت فى ضغط هوا سخن عاى على الغطا ففكيت الغطا و مشيت بالقربة مش متغطية لقيت درجة الحرارة بقت 95 ووصلت لعبد الله و سبيتلو العربية يشوفوها بكرة بعد الصلاة ان شاء الله

فعلا قدر الله و ما شاء فعل و لا نقول الا ما يرضى ربنا الحمد لله :)

الله ينور يا كبير