أسعار الشقق في مدينتي ...... شئ مستفز للغاية

**osoliman88** · 06-06-2010 11:49 PM

على فكرة 530 الف جنية ده عبارة عن مجموع المبالغ اللى هيدفعها المشتري ، يعني بدون الأخذ في الاعتبار لو أن هذه الأقساط يتم إستثمارها في البنك ، وبحيسبة بسيطة بعد تطبيق نظرية الفوائد بمعدل 10% فقط يكون ، إجمالى المبلغ اللى حصل عليه هشام طلعت مصطفى ما يقرب من 790 الف جنية بس !!!!

**tahayt** · 07-06-2010 08:48 AM

فى ناس بتحب تقعد فى الاماكن الغالية دى كنوع من الوجاهة الاجتماعية و لاعتقادهم ان اللى هيدفع المبالغ دى لازم يكون مستواة عالى و بالتالى هتكون المنطقة ككل راقية, و للاسف مبدأ المنظرة و التعالى بين الناس زاد جدا الايام دى يعنى ممكن واحد يروح يسكن هناك لضمان الابتعاد عن الناس (البيئة) اللى ممكن يزاحموة فى الاماكن الاقل سعرا(من وجهة نظرة طبعا)
و هتلاقى فى نفس الوقت ناس تانية مستواها اقل لكن بتموت نفسها عشان تنتسب للناس العالية دى لاحساسهم بالنقص
انا مثلا اعرف واحدة خلت جوزها يبيع شقة 300 متر فى منطقة معقولة جدا عشان يشتروا شقة 90 متر فى مدينتى مع العلم انهم لا يملكون اى مدخرات تانية...و طبعا رجال الاعمال بيلعبوا على العامل النفسى دة لسرقة اموال الناس

**otefa** · 07-06-2010 08:59 AM

المشاركة الأصلية كتبت بواسطة tahayt

فى ناس بتحب تقعد فى الاماكن الغالية دى كنوع من الوجاهة الاجتماعية و لاعتقادهم ان اللى هيدفع المبالغ دى لازم يكون مستواة عالى و بالتالى هتكون المنطقة ككل راقية, و للاسف مبدأ المنظرة و التعالى بين الناس زاد جدا الايام دى يعنى ممكن واحد يروح يسكن هناك لضمان الابتعاد عن الناس (البيئة) اللى ممكن يزاحموة فى الاماكن الاقل سعرا(من وجهة نظرة طبعا)
و هتلاقى فى نفس الوقت ناس تانية مستواها اقل لكن بتموت نفسها عشان تنتسب للناس العالية دى لاحساسهم بالنقص
انا مثلا اعرف واحدة خلت جوزها يبيع شقة 300 متر فى منطقة معقولة جدا عشان يشتروا شقة 90 متر فى مدينتى مع العلم انهم لا يملكون اى مدخرات تانية...و طبعا رجال الاعمال بيلعبوا على العامل النفسى دة لسرقة اموال الناس

+1111111
كلام معقول وأحد الأسباب القوية جدا لرفع أسعار مدينتي وغيرها

**enas75** · 07-06-2010 09:03 AM

سعر المتر داخل اي كومباوند سكني يختلف عن سعر المتر لو حتي الارض اللي جنب الكومباوند علي طول
لانه داخل اي مدينه سكنيه اجبار يكون فيه منطقه خدمات ....مستشفي ....مدرسه....سوق تجاري
نادي ....ومناطق خضراء .....وده اجبار من الحكومه
اللي بيحصل ان كل شركه بتحمل تكاليف انشاء والصيانه.....والامن علي اللي بيشتري الوحدات دي
علشان كده سعر المتر بيبقي مرتفع......مش زي ارض تانيه
زي مدينه الرحاب............
كمان مدينتي .....مشروع استثماري بحت وفيه كميه تكنولوجي وخدمات كتييره علي اعلي مستوي
ومش معمول لشباب ولا هي مدعمه.........
وعلي فكره انا مش شغاله عنده انا في شركه منافسه ليه
بس عارفه الحسبه بتم ازاي والشريحه المستهدفه مين

**otefa** · 07-06-2010 09:14 AM

مهما كانت الخدمات الأسعار دي تهرييييييج وأستغلال شقة 80 متر بتمن فيلا 300متر من أقل من 10سنين بس

**enas75** · 07-06-2010 09:55 AM

علي فكره انت لو شفت اسعار الفيلات داخل اي مدينه مغلقه بخدمات لن تقل عن ملايين وهي فيلا صغيره .....
ولو انت اشتريت بره في الاراضي العاديه وبنيت بنفسك مش حيطلع ربع التمن
بس فيه ناس كتيره يفرق معاها ...مستوي الجيران
الامن في المكان اللي عايشه فيه
الصيانه الدوريه لكل الشوارع زالارصفه للمدينه
الخدمات من مستشفيات وخلافه
الهدوء والنظافه.......
اماكن خضره وواسعه وبحيرات ....
جناين واماكن للعب الاطفال
ونادي كبير ......
سوق تجاري كبير
من الاخر ..........انك تعيش بني ادم
للاسف ده بقي بفلوس .....في مصر
من الاخر في اي مشروع فيه كل ده ....يعني اخد من الاراضي اللي اتخصصت للمشروع
يعني عدد اقل للفيلات والشقق
وخدمات بيتم الصرف عليها ولا تحقق ارباح كبيره
كل ده بقي بتحمله الشركات علي سعر المتر في البيع

**Samir Elshahawy** · 07-06-2010 09:59 AM

حسبي الله و نعم الوكيل هايروحوا من ربنا فين بس , أهو شوف أخرته أزاي اللهم لا شماتة

**osoliman88** · 07-06-2010 10:02 AM

المشاركة الأصلية كتبت بواسطة enas75

كمان مدينتي .....مشروع استثماري بحت وفيه كميه تكنولوجي وخدمات كتييره علي اعلي مستوي
ومش معمول لشباب ولا هي مدعمه.........
وعلي فكره انا مش شغاله عنده انا في شركه منافسه ليه
بس عارفه الحسبه بتم ازاي والشريحه المستهدفه مين

الأخت العزيزة إيناس
أولا شكرا لك على التوضيح ...

ثانيا : الحديث في هذا الموضوع كان من باب التعرف بالشئ وليس سخطا على أحد توجيه اللوم لأحد ....
ولم يقل أحد أن مشروع مدينتي معمولة للشباب أو محدودي الدخل ، نحن نتكلم عن إقتصاديات هذا النوع من المشاريع ،

ثالثا: بالنسبة للخدمات التي تتكلمين عنها ، سأوضح مرة أخرى نقطة هامة ، قسط السنة الأولى فقط وعائد إستثماره بمعدل 10% فقط يصل في نهاية المدة الى 207 الف جنية ، يعني قسط السنة الاولى فقط يغطي ثمن 4 شقق، إذا مهما كانت حجم الخدمات التي لن تتعدي دي اس ال في كل المدينة واطباق الاقمار الصناعية ..........الخ كمدينة الكترونية .... ومع ذلك هناك وديعة للخدمات 31 الف جنية تقريبا....

المقصود من الحديث هنا هو محاولة فهم منطق واقتصاديات هذه المشاريع ذات الوجهة الغربية الرائعة والمشرفة لا أكثر ولا أقل ....

رابعا: ليس هناك عيب أن تكون ممن يعملون في نفس الشركة ، فنحن في حالة نقاش ، وأعتقد أن الاعضاء عندهم من الوعي والثقافة ما يمكنهم من التمييز بين الجيد والردئ ....

وأنا أدعوك للكلام عن الشركة التي تعملين فيها، كي نتعرف على ما تقدمه من منتجات سكنية.
وفي النهاية تقبلي مني خالص التحية والتقدير
دكتور أسامة

-

-

الموضوع: أسعار الشقق في مدينتي ...... شئ مستفز للغاية

LinkBack

أدوات الموضوع

عرض

-

-

-

-

-

المواضيع المتشابهه

حد عارف أسعار الشقق فى الشروق ؟

أود معرفة أسعار إيجار الشقق

أسعار مدينتي و الرحاب

أسعار إيجار الشقق في الاسكندرية إيه ؟

الكلمات الدلالية لهذا الموضوع

المفضلات

المفضلات

ضوابط المشاركة