الموضوع: أسعار الشقق في مدينتي ...... شئ مستفز للغاية

المشاركة الأصلية كتبت بواسطة ahmed4000

اخيرا حد قدر يقول الراى ده...الناس كلها بتتكلم الارض خدها بكام؟ طيب لو مكنش خدها كان زمانها صحراء جرداء
حتقولى وزعها على الناس...حقولك كانت حتبقى حبة عشوئيات وتلاقى كل واحد واخدلك الارض وراكنها ولا بناها وخلاص ومش عارف يسوقها

لكن تبص على الرحاب دلوقتى تقول لو كنت قعدت وراها 100 سنة مكنتش حتوصل للكثافة دى



امضاء
عميل رقم 3 لطلعت مصطفى

مع أني والحمد لله مستفيد من الموضوع لتملكي أرض بالشروق وطبعا الاسعار طلعت علي الأقل 4أضعاف ماوخدها بيها..................بس حكاية لو وزعها علي الناس هاتبقي عشوائية صح و مش صح في نفس الوقت !! فين دور الدولة والحي وجهاز المدن الجديدة..........فيه حاجة أسمها شرط بناء للأرض في خلال عدد سنين محدد وألا يتم سحب الأرض من صاحبها ويرجعولوا فلوسوا بالتقسيط المريح.......ففي الاول والاخر الموضوع تقصير من جهات كثيرة هبي الي وصلت سعر شقة تعبانة في مساحتها 60 متر ل 500000 جنيه حتي لو بعد الفوائد والمستنقعات البيه عايز يعمل بيفريلي هيلز في دولة فيها ناس بتبات من غير عشا وعجبي ........وربنا يصلح الأحوال قادر علي كل شيء

المشاركة الأصلية كتبت بواسطة dolly13

مما لاشك فيه ان اسعار السكن فى مدينتى كبير شوية
لكن اللى بيسكن فى شقة فى مدينتى اكيد عارف مستوى الخدمات اللى فى الكومباوند هاتبقى ايه يعنى هو مش بيشترى اربع حيطان وخلاص
نيجى بقى لحكاية تكلفة المتر اللى مش ممكن تزيد عن 900 جنيه دى ويبقى فيها وقفة
اولا سعر المتر مش بس خرسانة وطوب لانه بيبقى فيه حفر وردم وعمالة وسباكة وكهربا
ثانيا صحيح انت بتستلم الشقة نصف تشطيب لكن العمارة متشطبة رخام وبها اسانسير وبوابات وسور وحديقة
ثالثا عمر مافيه مالك بيبيع بالمتر الصافى لانه كدة هايخسر مش هايكسب يعنى لازم مشترى الشقة يتحمل نصيبه من الخدمات والتى هى عبارة عن سلم ومدخل ومناور
رابعا موضوع هو خد متر الارض بكام دى مش مهمة قوى لانه بيخلق جو جديد فى المنطقة اللى بيروحها
يعنى منطقة القاهرة الجديدة كلها قبل الرحاب كانت حاجة وبعدها حاجة تانية
الشروق بقالها زمن لا يراها اى انسان بالرغم من حجم الاستثمارات اللى اترمت فيها ولم ينظر لها الناس الا عندما بدا العمل فى مدينتى
بمعنى ادق لو خد الارض ببلاش فالدولة برده مستفيدة منه لانه بينمى الاستثمار العقارى بشكل رائع
وتقبلو مرورى ولو انى عارفة انى هاطلع فى الاخر عميلة وباشتغل عند هشام طلعت مصطفى

بالظبط كده زائد طبعا الاستثمار الضخم فى البنيه التحتيه لانو واخد الارض من غير اى مرافق يعنى هو مسؤوول انو يمد كل الخدمات للارض اولا وكمان يوزع الخدمات دى على الوحدات اللى بيبنيها

المشاركة الأصلية كتبت بواسطة osoliman88

مرة أخري بالنسبة للحسابات المالية:

سعر الشقة كاش والاستلام الآن = القيمة الحالية لجميع الأقساط والمبالغ المسددة خلال فترة التقسيط بمعدل خصم 10 % يعني سعر الشقة كاش يساوي تقريبا 300 الف تقريبا وهنا يكون سعر المتر 3750 جنية،

ولكن نظرا لأن الاستلام بعد 5 سنوات : هنا يصبح سعر الشقة القيمة السابقة مضاف اليها تكلفة الفرصة البدبلة يعني يضاف اليها ( 60 شهر × 2000 جنية متوسط الايجار الشهري = 120 الف) إذا أصبح تكلفة الشقة عند الاستلام 420 الف وهنا يصبح سعر المتر 5250 جنية.

بعد الانتهاء من الأقساط تكون تكلفة الشقة على المشتري هي عبارة جملة المالبغ المسددة بمعدل عائد 10% هنا يصبح جملة ما سدده ما يقرب من 800 الف يعني سعر المتر أصبح 10 الالف جنية.

نفهم من هذا الكلام نفقطة جديدة أن سعر المتر لهذة الشقة بعد 10 سنوات لابد وأن يزيد عن 10 الالف وإلا يبقى طلعت مصطفى باعهلوه ناشفة ومش هايقدر يكسب من وراها حاجة .

الحقيقة ولا فهمت اى حاجة اىه علاقة الشقة بايجار شقة تانية؟
انا معايا 300 الف دلوقتى مثلا يجبولى شقة كاش ب3 الاف جنيه المتر لو فى حتة كويسة
لو مش معايا كاش يبقى حدفع فوايد والفوايد فى 8 سنين بس حتضاعف تمن المتر (بمتوسط فايدة 12% سنويا)

هو التقسيط كده فى كل حاجة
وطبعا بعد 10 سنين حيبقى 5 الاف للمتر ده سعر عادى جدا

بالنسبة لموضوع ان الحكومة هى اللى تبنى ده كلام ثبت فشله فى كل حتة من سنين

الحكومات فى العالم كله لا تنتج تقريبا ولا تتاجر ولا تصنع تقريبا

هى مهمتها تشجع القطاع الخاص انه يبنى ويطور ويصنع وبالتالى يشغل ناس ويدفع ضرايب