K&N Cold Air Intake او ملقم الهواء البارد للمازدا 3

**verynuclear** · 09-06-2010 04:17 AM

بسم الله الرحمن الرحيم

طبعا كل الناس وانا معاهم عايزين يركبو لسيارتهم هذا الملقم Cold Air Intake

حسب معرفتى ان هناك نوعين مفضلين للكل الاول هو K&N والثانى هو Simota

بالنسبه للنوع الاول ووجوده فى مصر هل فعلا فى K&N للمازدا 3 فى مصر؟
طبعا الناس هتقول اه فيه

طيب ازاى وموقع K&N نفسه لم يصنع للمازدا 1600 سى سى اى ملقم هواء كل اللى موجود للمازدا 2000 سى سى و 2300 بس.
K&N Products by Vehicle Search - Year, Make, Model, Engine Search

السؤال الثانى هل ينفع الملقم K&N الخاص بـ 2000 سى سى يركب على الـ 1600 ولا لا؟ واذا ركب وعلى ما اعتقد انه هيركب والله اعلم هل سيؤثر على الماكينه ويتعبها ولا لا؟

أرجو من جميع الاعضاء المالكين لمازدا 3 المشاركه للوصول الى حل فى هذا الموضوع المحير.

**mamido83** · 09-06-2010 12:17 PM

و عليكم السلام و رحمة الله و بركاته،

انا فعلا دخلت على k&n website و ملقتش cold air intake لل 1600cc و مش عارف و الله هل ينفع نركب بتاع ال 2000 على الى عندنا هنا و لا ايه، يا ريت يا رجالة الى مركبين عندهم ال cold air intake K&N يشاركو معنا

**verynuclear** · 09-06-2010 01:04 PM

سألت احد المشرفين بالمنتديات السعوديه اسمه علوش وهو مشرف ويمتلك لمازدا هذا السؤال

عندى سيارة مازدا 3 1600 سى سى
طبعا موضوع الفلتر الرياضى ده مش اى حد يفهم فيه وبالتالى سألتك نظرا لخبرتك
وجدت ان الفلتر k&n للمازدا على النت للسيارات 2000 و 2300 سى سى بس وانا السياره عندى 1600 سى سى
انا اشتريت المنتج الخاص بـ 2000 سى سى 4 سلندر لسيارتى
السؤال هنا
هل هيركب عادى بدون مشاكل؟ ولا الغى الطلب؟
ولو ركب هل هيتعب الماكينه بما انه يعمل على سيارات 2000 سى سى كحد ادنى؟
طبعا من على موقع الشركه نفسه مفيش اى فلتر k&n للمازدا 1600 والغريب ان الناس بتقول بيتباع فى مصر للمازدا.
الرجاء الرد للأهميه حتى استطيع الغاء الطلب او اكماله
وشكرا لك ياباشمهندس علوش

وكان رده كالتالى
مرحبا اخوي الفاضل
بالنسبه لي k&n موجود للمازدا
اما لاستفسارك فيه مشكله ولا لا
اذا ركب صح مافيه اية مشاكل ابداَ
انا ركبت فلتر وبرضو عدلت فيه طلبته على اساس مازدا 3 بس ما اعلم هل هو للمكينه 1600 او للمكينه 2000 ما ادري
وصلني من برى وركبته وقصيت من الانتيك حاجه بسيطه
وبعد مده من الزمن تعبني قام يطلع اصوات غريبه وفكيته وبعته
لا يا اخي شغل التوليف دائماَ ما منه اي فائده
اذا انت باقي ماطلبته الغي الطلبيه