الموضوع: مع منصور انت تحت رجلينا

المشاركة الأصلية كتبت بواسطة hesham_7amza

اقولك انا الحل ,,,
واضح ان فيه ناس كتير مضررين ,,احنا نجمع الناس دى ونجندهم ونطلع على التوكيل نولع فيه ونولع فى منصور كمان واى حد يقابلنا ...
واهو نبقى عملنا خير فى ناس كتير و نكسب ثواب برده

هههههههه حيبقو شهداء دول لو حصلهم حاجه عشان عمل حاجه كويسه وصالحه لشعب

المشاركة الأصلية كتبت بواسطة khaled ayman

وصلنا لنهايه الموضوع و هختم الموضوع ببعض مقتطفات سريعه عن منصور حدثت معى شخصيا و متنوعه:
1-فى صيانه ال 5000 المهندس بيفتخر بان تكييف الفيكترا لا يؤثر نهائيا على السحب
فى صيانه ال 25

نفس المهندس بيقول ان التكييف طبيعى ياثر على الموتور و يسحب من قوته 200 سى سى ههههه عشان انا اشتكيت من ضعف السحب مع التكييف

2
-العربيه على الغيار الاولانى الار بى ام بيطلع و ينزل بشكل غير طبيعى كان رد المهندس عادى يا باشا طبيعى طبيعى

3-الفتيس بيعمل صوت خبطه و هو بينقل و رد المهندس لا تقلق مش هيبوظ

4-صوت تزييق عند فتح و قفل فتحه السقف و رد المهندس استخدمها كتير عشان تلين مع انى بفتحها كل يوم ميقلش عن 6 مرات

5-لما العربيه تحدف مع الفرامل رد المهندس ان امسك التاره كويس و سوق على مهلك

6-رعشه فى العربيه عند 160 الرد كان السرعه خطر يا باشا و عموما العربيه انا كشفت عليها مفيهاش حاجه يمكن بيتهيالك بس

7-ايرباج العربيه وصل من المانيا
و واقف فى الجمرك و هتستلم خلال اسبوع ...و اصلا الايرباج صناعه برازيلى جه من المانيا ازاى ؟؟؟؟؟؟؟؟؟؟؟؟؟؟؟؟؟؟؟؟؟؟؟

8-كنت بشتكى من ان ريشه هوايه التكييف اتكسرت لوحدها
كان رد المهندس فعلا ده عيب صناعه مشهور فى الموديل ده و فعلا بتتكسر لوحدها بس احنا مش بنغيرها فى الضمان

9-كنت بشتكى من خروج بخار من فتحات التكييف كان رد المهندس ان عربيتى راكبها عفريت

10-لما كسرو مسمار العجل و مش عارفين يطلعوه
قالولى روح مخرطه كويسه يعملوه

11-لما روحت اعمل مفتاح ريموت لعربيتى فى التوكيل ادولى المفتاح و قالولى روح لعباس بتاع المفاتيح خليه يخرطه

كده انا خلصت كلام

شوف , انا هعتبر نفسي ما قرات في الموضوع الا ال 11 نقط دي مش علشان الموضوع وحش لا علشان كفايه النقط دي تجيب اجل اي واحد بعد الشر عنكوا يعني , ممكن بقى اسالك سؤال ؟
ليه ما بعت العربيه المشؤمة دي بتوكيلاها الزباله والي عاوز الحرق ؟ واذا كنت باقي على العربيه ليه ما صلحت العربيه في اي مكان تاني ما مراكز الخدمة كتييييييييييير ؟؟؟ وليه ما لجأت لجهاز حماية المستهلك ؟؟

يا لهوي يا جدعان على الناس " والمهندسين " والمندوبين الي شغالين في توكيل منصور ما هو يا اما حاجة الاتنين :-
1- اما هو بيعطي تعليمات لكل ولجميع الناس الي شغاله معاه بكده وباسلوب التعامل ده وبطريقة ادارة العمل بهذه الطريقه .
2- اما هو بيختار لمؤخذه في الكلمة ازبل واقذر فئه من الموظفين سواء بقى مهندسين او مندوب مبيعات او تسويق .

خدوا بالكوا يا جماعه منصور كل الي بيعمله ده من نصب وغش وخداع وسرقه ونهب والبلطجة على الناس معاه تقريبا نصف توكيلات البلد من مطاعم وشركات " عملاقه " وحطوا تحت كلمة عملاقه دي 700 مليار خط

بس تعرفوا والله في الاخر الواحد لما يجي يفكر هيشوف ان منصور وامثاله وطبعا امثاله كتير وممكن نتكعبل فيهم واحنا حتى ماشيين في الشوارع انهم في الاخر مش هينجوا بافعالهم وان ليهم رب هيحاسبهم سواء بقى كان الحساب في الدنيا ولا " فلتوا " هيبقى حسابهم في الاخره وده للابد

المشاركة الأصلية كتبت بواسطة hesham_7amza

اقولك انا الحل ,,,
واضح ان فيه ناس كتير مضررين ,,احنا نجمع الناس دى ونجندهم ونطلع على التوكيل نولع فيه ونولع فى منصور كمان واى حد يقابلنا ...
واهو نبقى عملنا خير فى ناس كتير و نكسب ثواب برده

قشطه بس استنى اما اخلص امتحانات

المشاركة الأصلية كتبت بواسطة kemoelord

شوف , انا هعتبر نفسي ما قرات في الموضوع الا ال 11 نقط دي مش علشان الموضوع وحش لا علشان كفايه النقط دي تجيب اجل اي واحد بعد الشر عنكوا يعني , ممكن بقى اسالك سؤال ؟
ليه ما بعت العربيه المشؤمة دي بتوكيلاها الزباله والي عاوز الحرق ؟ واذا كنت باقي على العربيه ليه ما صلحت العربيه في اي مكان تاني ما مراكز الخدمة كتييييييييييير ؟؟؟ وليه ما لجأت لجهاز حماية المستهلك ؟؟

يا لهوي يا جدعان على الناس " والمهندسين " والمندوبين الي شغالين في توكيل منصور ما هو يا اما حاجة الاتنين :-
1- اما هو بيعطي تعليمات لكل ولجميع الناس الي شغاله معاه بكده وباسلوب التعامل ده وبطريقة ادارة العمل بهذه الطريقه .
2- اما هو بيختار لمؤخذه في الكلمة ازبل واقذر فئه من الموظفين سواء بقى مهندسين او مندوب مبيعات او تسويق .

خدوا بالكوا يا جماعه منصور كل الي بيعمله ده من نصب وغش وخداع وسرقه ونهب والبلطجة على الناس معاه تقريبا نصف توكيلات البلد من مطاعم وشركات " عملاقه " وحطوا تحت كلمة عملاقه دي 700 مليار خط

بس تعرفوا والله في الاخر الواحد لما يجي يفكر هيشوف ان منصور وامثاله وطبعا امثاله كتير وممكن نتكعبل فيهم واحنا حتى ماشيين في الشوارع انهم في الاخر مش هينجوا بافعالهم وان ليهم رب هيحاسبهم سواء بقى كان الحساب في الدنيا ولا " فلتوا " هيبقى حسابهم في الاخره وده للابد

هقولك انا ليه مبعتش العربيه ..
اولا العربيه قسط ..
عشان ابيع محتاج ادفع باقى الفلوس الى عليا ..
تانى حاجه العربيه انا جايبها ب 180 ده لو هى كاش يعنى..سعرها دلوقت لن يزيد عن 130 الف ..
و قولى انت ..
لما يبقى معاك ضمان ..
تروح تصلح عربيتك و تدفع ما لا يقل عن 10 الاف جنيه بسبب عيوب صناعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟
ولا تعملها فى الضمان ..او على الاقل تجرب ...
يعنى يرضى مين ان بسبب عيب صناعه فى المقصات اروح انا اجيب جوز مقصات ب 5000 جنيه ,,و عيب بطاحات اجيبهم ب 1000 جنيه ...
و عيوب تانيه كتير....
الخساره الماديه مش سهله خصوصا فى ظل الظروف الى بلدنا اصبحت فيها ...
انا حاليا ...
بظبط امورى و بستعد للبيع ..

المشاركة الأصلية كتبت بواسطة Raul_7

يا نهار أبيض.. بجد مش ممكن الاهمال..!!

بس بصراحة أنا ضحكت أوي و أنا بقرا الموضوع, بجد اسلوبك مسخرة..هههههههههههههه

ربنا يعينك.

متحرجنيش بقى يا عم ..
ههههههههه
شكرا يا باشا على ذوقك و نورت الموضوع ..
ربنا ما يوقعك فى منصور

انا حاسس والله ومش مصدق انك بتتكلم على اوبل فيكترا الي الناس كلها بتخلف بيها منذ ايام القرن الماضي ومعظم الناس تتمنى تركبها زيها زي الجيتا والباسات ,, ده انت يا ابني ولا الي راكب عربيه صيني ومبتهدل معاها وصارف عليها دم قلبك بس لو كانت كده فعلا هنقول دي صيني لكن الكلام ده كله يحصل في عربيه الماااااااااااااااااااااا اااااني وغاليه ؟؟!!!!!!!!! ده يدل ان البلد فعلا ماشيه بالعكس والسكه معوجه

ما احنا بنقول من زمان ان منصور ضرب مفكفى سمعه اوبل و نفخ الناس كلها و ياريت حته بيجيب اللى بيقول عليه لا يجر رجل الزبو ن بعد كده يبدا يتعامل معاك زى ما تكون فعلا سايب الفيل قبل ما تجى و اللى يغيظك انه مش بيكلم واحد جاهل و.الواحد ممكن يكون متاكد من العيب فين و بيستخسروا حتى يتعبوا و يدوروا بس للامانه اسرع حاجه فى منصور الفواتير بتطلع قبل العربيه ما تتلمس اصلا و فبجد نصيحه دور على ابعد مكان عن منصور و روح و انت اللى كسبان حتى لو عينيك هتطلع على الاوبل بس و الله هتطلع عينيك منها طول ما الراجل ده وراها..مع منصور انت رقبتك فى ايدينا وورينا تعرف تعمل ايه فينا