الموضوع: مع منصور انت تحت رجلينا

العربيه كويسه الوكيل مش كويس ده اللى فهمته من كلام حضرتك ( على قد فهمى )

ليه حضرتك مغيرتش لما جبت عربيه لنفسك وجبت نوع تانى بعيد عن ال منصور

المشاركة الأصلية كتبت بواسطة د.محمود صلاح

الدعاية اللي بيعملها منصور في عربياته في وسائل الإعلام بتضيع في حركات زي كده .

كالعادة مواضيعك ساخنة وملتهبة !

شكرا يا باشا ..ربنا يستر عليا بقى بعد الموضوع ده

المشاركة الأصلية كتبت بواسطة N.a.j.d

قول قول يا خالد الموضوع دا مخصص للفضايح

ملخص الموضوع ان العربيه بتنزل بسوفت وير للفتيس ..شركه اوبل نزلت update ليه ..و ده الصح للعربيه ..
منصور البرنس عمل update جديد مع نفسه ..بيخنق سحب العربيه و بيستهلك بنزين كتير ..و يكرهك فى العربيه اصلا ...و ده الى عندى

المشاركة الأصلية كتبت بواسطة aly_hosny

خلاص اكتبهالي هنا بالعربي وانا هترجمها وانسقها
ونبقى نعمل موضوع تاني نجمع فيه ال vins بتاعة العربيات

لو قصدك على الشكاوى نفسها فهى بالنسبالى الى انا كتبها فى الموضوع ..
انا هعد مع نفسى كده الخصها فى نقط ..صح كده ؟؟

المشاركة الأصلية كتبت بواسطة أبـو آســـــر

زميل الكفاح
ربنا يعنيك و يرزقك بالي احسن منها
بس ما يكونش توكيلها تبع الحرامي ده


بمناسبة مندوبين المبيعات الي عند منصور

انا كنت بعمل الصيانة في مقار عادي و فجاة جالي واحد محترم من الادارة قالي على فكرة الضمان بتاعك مالوش لازمة قولتله ليه
قالي مافيهوش اي بيانات عن العربية و مش مختوم بختم منصور
قولتله و العمل ايه
قالي روحلهم و خليهم يكتبوا البيانات و يختموا عليها

المهم روحت في يوم و دخلت قابلت واحدة كدة لو حبيت اشكر فيها اقول عليها قليلة الزوق
كانت قاعدة كدة بقولها عايز أختم الضمان ده خدته من ايدي بكل قلة ادب ( قولت عادي يمكن تكون لسة مفكرشة مع بيبو و لا حاجة )
و بصتلي من فوق لتحت و بصوت عالي انت جبت الضمان ده منين ( انا هرشت انها عايزة تعمل حوار على طول )
قولتاها بمنتهى البرود لاقيه في الشارع و انا عايز ضمان لعربيتي علشان مخدتوش لما أستلمت العربية
قالتلي ازاي
قولتلها هو كدة مش الي في ايدك ده مش عاجبك
ابتدت تجيب ورا و قالتلي مش الفكرة بس المفروض انت بتجيب الرخصة و تاخد الضمان مختوم
قولتلها كل ده ما حصلش انا اصلاً مستلم الضمان و الكتالوج مع العربية قبل ما ارخص
قالتلي ازاي
قولتلها معرفش اسألي المندوب الي سلمهالي
( على فكرة انا اصلاً كنت مصلح الكاسيت بتاع حوالي 3 مرات في الضمان و معايا اوامر شغل )
المهم طيب العربية عاملة كام كيلو قولتاها 32000 كم
قالتلي كتير قوي
المهم الصوت ابتدى يعلى
جه سبع البرمبة الواد الي بيخلص
فيه ايه يا استاذ
حكيتله القصة
سألني سؤوال منتهى البلاهة
انت عايز تختم الضمان ليه
قولتله هو الطبيعي يكون مختوم و لا لاء
جاوب اجابة أكثر بلاهة
قالي لاء
قولتله ازاي و في خانة مكتوب فيها ختم الشركة و مش مختوم فيها حاجة
قالي بس عربيتك عاملة عداد كتير
قولتله و انت مالك
العربية موديل 2008 عاملة 32000 ليها ضمان و لا لاء
قالي ليها
قولتله خلاص اختمه و انت ساكت و اكتب فيه بينات الشاسيه و الموتور
لقيته بيقولي بس تاريخ تحرير الرخصة غير تاريخ بداية الضريبة
قولتله و انت مالك انت بحاجة زي كدة
قالي اصلها غريبة
قولته مافيش حاجة بعيد عن ربنا ( و ما رضتش اريحيه العربية اصلاً كانت نمر مؤقته و بعد حوالي سنة وشوية طلعت الرخصة العادية و كملت على الضريبة الي كنت دافعها )
دخل في حوار تاني
قالي بس السيستم واقع و مش هنعرف نتأكد ان العربية دي من عندنا و لا لاء
قولتله بسيطة
انا معايا أوامر شغل داخل الضمان من الفرع الرئيسي مكتوب فيها تاريخ الشراء و رقم الشاسيه و الموتور و تاريخ انتها الضمان
عشر دقايق اجيبهولك من العربية

لاقاني مقفله كل السكك

قالي طيب استريح شوية و طلع غاب بتاع نص ساعة
و نزل قالي خلاص خدت موافقة انه يتختم
و اتختم بعد حوارات تقريباً ساعة و ربع

عملو معايا كده ..
رفضو يختمو الضمان غير لما يشوفو الرخصه ..
لا و ايه انا من المحله ..مفيش اى فرع وافق يختلمى الضمان ..كله قالى لازم تروح للى سلمك العربيه

المشاركة الأصلية كتبت بواسطة أحمد كمال

ايه القرف و التخلف ده يا جدعان

دي مش توكيلات دي فرن عيش !!!!!!!

انت كده عشان قريت الكلام ..
امال لما تتعامل بنفسك بقى تعمل ايييييه

المشاركة الأصلية كتبت بواسطة Ahmed A.Maksoud

عشان تبوس أيدك شعر و دقن و تبطل تتنمرد على توكيل رينو

هو حد يطول يبقى توكيل عربيته هو توكيل رينوووووووووو انا بحقد عليكو بصراحه

المشاركة الأصلية كتبت بواسطة Ahmed A.Maksoud

ردود واقعية جداً.........أنا مش عارف أنت مزعل نفسك ليه.....ده الراجل بينصحك لوجه الله :)



بس ده أنت شايل فى قلبك كتير و ساكت..............ربنا يكون فى عونك

أنا كان معايا فيكترا 97 و أتعاملت معاهم مرة أو أتنين.........بسسسسسسسسسسسسسس� �سسسسس........و كانو كفاية عليهم قوى.

فعلا الراجل خايف عليا .... له الاجر و الثواب

المشاركة الأصلية كتبت بواسطة m_elsabah

طبعا كل الكلام اللي قاله الأخ خالد لا يستهان به من حيث النصب والكذب في معاملة العميل في خدمة ما بعد البيع ولكن من الأول ومن الأصل كيف يثق العميل في تاجر كانت أول معاملة بينهم فيها سرقة ونصب ألا وهي عملية بيع وشراء السيارة من الأول ( كان فية نصب وسرقة في السعر ) فطبعآ أنا كعميل لازم أعرف إن دي البداية بداية النصب والسرقة وإعرف إني لسة هتسرق تاني وثالث ورابع طول ما أنا بتعامل مع التوكيل .
نصيحة بيع العربية دي وأخلص منها ولو إنك سوف تبلي شخص أخر بها

انا فعلا هبيعها ..
بس فى نقطه ..
انا مش هبيع العربيه بالعيوب الى فيها ..
انا هصلح العربيه ...او بمعنى اصح الاساسيات ..زى عيب المقصات و البطاحات ...
و صاحب العربيه الجديد هيعرف مش هخبى عليه ..لانه كده كده لما يكشف عليها فى التوكيل هيعرف...
فين الابتلاء بقى

المشاركة الأصلية كتبت بواسطة 3ateef

كان الله فى العون يا باشا....

الله يكرمك يا باشا..

المشاركة الأصلية كتبت بواسطة abokoko

العربيه كويسه الوكيل مش كويس ده اللى فهمته من كلام حضرتك ( على قد فهمى )

ليه حضرتك مغيرتش لما جبت عربيه لنفسك وجبت نوع تانى بعيد عن ال منصور

فعلا ..
العربيه ممتازه ..
التوكيل سىء جدا ..
مش بيعرف يعالج اى عيب يظهر فىا لعربيه...
ده غير انه بيبوظ حاجات ...
ليه جبت اوبل تانى ..
الاسترا كانت معايا الحمد لله مكنش فيها اعطال جامده او بمعنى اصح مكنش فيها تكنولوجى عاليه اوى ..طبعا منصور كان وحش بس مش للدرجه دى ..
و انخدعت بفكره ان عشان العربيه الفيكترا المانى المانى مش هتعطل ولا هحتاج حاجه من منصور غير الزيت و الفلتر ..ودى للاسف فكره خاطئه تماما ..