الموضوع: إلنترا .. نيوسيراتو .. نيسان تيدا .. لانسر 1600 ..!!

يا جماعة الناس اللى بتتكلم على التيدا ان ممكن تكون تقفيل مصرى ,مين بس قالكم الكلام ده , ياريت نتكلم عن تجربة وعن معلومة اكيدة, عشان الناس بتصدق اى كلام بيتقال

سبق وقولنا مليون مرةةةةةةةةة ان التيداااااااااااااااااا يابانى بالكامللللللللل خامت وتقفيلداخلى وخارجى و ماتور , وحتى الكاوتش والجنط وكل حاجة فيها, مكنش فاضل اللى يسوقها غير انه يكون يابانى ههههههههههههههههه

انتشار العربية معقول , ومش فى انتشار عربيات مثل الانسر ومثل الالنترا ومثل السيراتو , وبعدين العربيات اللى ذكرتها , المعارض بتاجر فيها كتير لان بيكون فى هامش ربح ليهم عالى جدا وجشع ومصالح كتير وبيقدروا يستوردوها من اى مكان , ومحدش بيشتغل فى عربيات زى نيسان تيدا او حتى نيسان صنى, مع ان النيسان صنى اهى منتشرة فى الشارع , بس مش تلاقى اى معرض بيبيع العربية , وكل ما تمشى دلوقتى فى اغلب المعارض فى البلد تلاقى حاطين فيها سيراتو او النترا , ويمكن كمان قليل دلوقتى بقا اللى بيبع حتى الانسر او بيخلى العميل يتجه الى الانسر ,او الالنترا
فحركت الببيع وجشع التجار وحاجات اخرى كتير هى اللى بتحكم السوق مع متطلبات الناس طبعا


بالنسبة الى التيدا فى واحد زميلنا فضل مغيرش تيل الفرامل لغاية60 الف كيلو , تخيلو لما تمشى بعربية لغاية 60 الف كيلو وتيل الفرامل متغيرش ,
العربية عربية محترمة جدااااااااا ومفيش مشاكل فيها من اى نوععععععععععع وحتى معانا ناس عاملين بيها 80 الف كيلو ومفيش مشكلة والحمد لله

قطع الغيار الهامة منها موجودة فى التوكيل واحسن حاجة تجيبها من التوكيل لان فى اجزء فى ميكانيكا العربية يفضل انك تجبها اصلى ,
وبعدين كمان الميزة فى التيدا مش كل شوية اوبعد فترة صغيرة حتغير قطعة غيار ,انت حتغير كل فين وفين , يعنى بالطريقة دى انا بعتبر انها معمرة فى استخدام قطعة الغيار وشوف لو فى عربية تانية حغير كام مرة مساعد او مقص او او او ,وحتلاقى نفسك بتصرف قد كدا وانت لسه مغيرتش حاجةفى التيدا

وبعدين دلوقتى اى عربية معدية ال100 الف مفيش ليها قطع غيار رخيصة واتحدى سواء يابانى اوكورى , كل قطع الغيار بقت غالية سواء بره التوكيل او جوة توكيل اى سيارة
فالواحد يدور على الحاجة اللى تقعد معاه وتستحمل وتكون عربية كفائتها عالية , وتكون عربية موفرة فى الاستخدام ,من حيث استهلاك البنزين وكمان من ناحية كفائة الماتور , والعفشة , وقطع الغيار تكون معمرة فى الاستخدام والاستحمال

وانزل قارن بعينك فى معرض زى السبع مثلا او اتو ايجيب بينها وبين اى عربية من اللى انت عاوزهم بس قارن من الناحية العملية وليس من ناحية شكل او اوبشن زيادة , وشوف حترجح كافة مين فى النهاية
واللى يناسب ظروف حياتك وامكانياتك وتفكيرك اختاره على طول
وربنا يوفقك