إلنترا .. نيوسيراتو .. نيسان تيدا .. لانسر 1600 ..!!

**Ali_Abo_Amr** · 16-06-2010 09:45 AM

انا رأيى تقلل المقارنة ...يعنى مافيش حاجة كاملة ...استبعد اكتر حاجة مش مستريح لها ... فاضل بين المتبقى ... انزل جرب واركب ... ماتشغلش بالك بعيوب مش مفيدة ليك ... يعنى مثلا ماتشغلش بالك بان العربية مش ثابتة فى السرعات العالية مثلا احنا مش فى سباق ولا انت هاتفضل تجرى بيها طول الوقت ...ده انت لو مسافر اسكندرية بتبقى خايف تعدى السرعة عن 100 لحسن تغرم 150 جنيه وش ...فخليك فى المفيد ليك يعنى مثلا مفيد انه يكون العربية تقفيلها ممتاز وموتورها محترم وعفشتها محترمة وناعمة ومريحة ليك وللى معاك ... وتكون مرتفعة عن الارض علشان مطبات بلدنا الحلوة .. واهم حاجة تكون معمرة علشان مش هاتغير قبل 7 سنين على كلامك .. فأنا رأيى لو فكرت بالطريقة ديه هتوصل للحل بسرعة ...

رأيى تفاضل بين السيراتو ... والتيدا...
شوف حد معاه سيراتو واركبها واعمل تجربة قيادة ...
وانزل السبع اعمل تجربة قيادة للتيدا عندهم عربية لكده ...
وبعدين استخير ربنا .. وربنا هايوفقك ان شاء الله

**yasserelsayad** · 16-06-2010 10:32 AM

المشاركة الأصلية كتبت بواسطة semsem kane

بالنسبة لصوت الرياح فية ناس اجمعت على فكرة صوت الرياح مش بيبان الا وانت قافل جميع نوافذ السيارة بفتحة السقف وبعد كدة احكم على العربية ,وعدى ال130

بالنسبة للتكييف طبعا فى قواعد لو العربية مركونة فى الشمس وانا ماقولتش انى عايزها بمجرد ماتشغل التكييف تبقى تلج ,لأ المفروض ان اى عربية مركونة فى الشمس بتاخد حوالى 10 دقايق او اقل لحد ماتخلى الحرارة عندك كويسة الكيا بقى خدت اكتر من الوقت دة بحوالى 6 دقايق كدة ولازم نا نخلى السرعة مش اقل من 3 لفترة طويلة عشان نحافظ على مستوى حرارة ساقع فى العربية

بالنسبة للغرز دية اللى هيحكم فيها انت بتاخدها على سرعة كام وغرزة ضيقة ولا واسعة لان الغرزة الضيقة هتعمل معاك حركة عكسية

على فكرة نسيت اقولك حاجة الحدفة الشمال اللى فيها ممكن تون هية سبب الحركة العكسية اللى بتحصل دية

وبردة هل انت شايف ان دة تسارع سيارة قوة ماتورها 126 حصان ؟ انا هسيبلك انت تجاوب سواء بعد ال100 كم او قبلها

بالنسبة لليابانى ياباشا محدش قال ان اليابانى مالوش عيوب لأ طبعا لية عيوب وبردة بيتهاجم بس فية حاجات اساسية كدة يعنى عمر افتراضى ,ثبات جامد لحد 170 و180 , خامات نظيفة ومتقنة وطبعا حضرتك شايف السيفيك والكورولا ,سحب وقة ممتازين ,وتكيف مافيش اقوى من كدة , بالنسبة لاى حاجة تانى فعادى بتتقال لان مافيش عربية مافيهاش عيوب بس لازم فية كدة اساسيات يعنى ماتور ,ثبات ,اعتمادية ,راحة دول يتوافروا واى حاجة تهون بعد كدة

انا هرد عليك فى موضوع السرعات العالية عشان تقريبا نورمال مش بيجرى اوى .. مفيش يا باشا حركة عكسية فى اى غرزة ولا ضيقة ولا واسعة تلاقى العربية اللى انت كنت ركبها مش مظبوطة

صوت الرياح اللى انت بتقول عليه دا بيكون خفيف جدا انت بتسمع صوت العجل لكن مفيش صوت رياح زى ما بتقول كدا وبعدين انت ماشى 150 مش عايز تسمع صوت قولى انت مين فى الياباتى مفيش صوت رياح على 150

بالنسبة لتسارع العربية بـ 126 حصان فا التسارع كويس جدا متنساش ان العربية مش خفيفة دى 1360 ك يعنى اتقل من السيفيك والكورولا

وعن تجربة السيراتو اثبت من الكورولا على السرعات العالية فى الغرز وكله .. وموضوع الميل دا غريب اوى دا العربية مش بتميل خالص فى الملفات عشان كدا بتحس وانت داخل الملف انها ثابتة جدا و واثق فيها .. امال لما السيراتو تميل فى الملفات تبقى الكورولا بتعمل ايه

وتقبل كلامى انا بتناقش معاك مش بهاجمك

**yasserelsayad** · 16-06-2010 10:38 AM

المشاركة الأصلية كتبت بواسطة tefafathy1

بجد أنا مش عارف أعمل ايه ؟؟؟

مش قادر أقرر عربية بعد 4 صفحات من النقاش و طرح المميزات و العيوب لأن للأسف كل ما أقتنع بميزة يجى حد و يقول مش حقيقى و أستبعد أختيار لعيب معين حد تانى يجى يقول أبدااا مافيهاش العيب ده دى زى الفل ..

والله العظيم تعبت :( نفسى أغمض عينى و أفتح الاقى معايا عربية كويسة و بس ..

يعنى الالنترا => مش ثابتة - كراسى مش مريحة - توكيل وحش - مشاكل كتير - صاج ضعيف جدا
السيراتو => صوت عالى فى السرعات العالية - إستهلاك بنزين - عفشة ناشفة بغباء - مش مريحة فى السفر
اللانسر => غالية موت عليها - شكل قديم و منتشر - واطية على الأرض - تابلوه فقير - خسارة فيها الفلوس
التيدا => مش ثابتة فى السرعات العالية - قطع غيار غالية نسبيا - و بعض الأقاويل عن طقطقة فى التابلوه

طب حطو نفسكو مكانى و اعمل ايه ؟؟ انا بجد مش هقدر أجيب عربية تانى قبل فترة لا تقل عن 6-7 سنوات

أعمل ايه بأه ؟؟؟ بصراحة العيوب المخيفة من عربية يصعب تغيرها لفترة طويلة تتركز فى الكورى ... بس اليابانى المتاح فى نفس السعر فقير اوى بالأمكانيات او حتى احساس العربية الجديدة ..

يااااااااااارب :'(((

انا عندى يا باشا ليك اقتراح .. انت ممكن تأجر كل عربية يوم بس تختار عربيات نظيفة مش متهانة و جربهم وشوف مين فيهم هيريحك عن التانية على كل السرعات يعنى اسمها انت مش بتجيب سرعات عالية طول الوقت يبقى الثبات على السرعات العالية مش مهم وشيل سياسة دا كورى ودا يابانى اللى الناس عمالة تقولك ليها لان انت اكيد العربيات اللى مخترها عارف ان فيها كورى ويابانى مش محتاجة الناس تقولك تانى دول صناعة ايه .. وربنا يوفقك وتجيب عربية متتعبكش فى اى حاجة ان شاء الله

**yasserelsayad** · 16-06-2010 01:55 PM

المشاركة الأصلية كتبت بواسطة tefafathy1

صعب يا باشا أأجر عربية دى .. أنا أولا شغلى مايسمحليش أنى أجرب عربية كل يوم لأنى قاعد على مكتب من 7 الصبح لحد 8 بلليل هجربها أمتى :)) لأ هيا الفكرة انى مش بحب الإيجار عشان حوار وصل الأمانة و الكلام ده مش بحبوا .. ربنا يكرم هحاول أشوف لو حد أعرفوا عنده العربيات دى و أجربها إن شاء الله .. بس ليا عندك سؤال .. أنت كان معاك عربية ايه قبل السيراتو ؟ وهل جربت التيدا على طريق سفر ؟؟
بص بالنسبة ليا فى حوار السفر انا بعشق السفر و الثبات .. لأنى بحب أخطف مثلا خميس و جمعة فى أسكندرية او الساحل او السخنة .. فا سفرى بيكون بلليل و بحب أجرى ,, طبعا بعقل بس الثبات بيكون مهم ..

و متشكر أوى لأهتمامك انت و كل اللى بيحاولو يسعدونى بدون اى مصلحة فعلا ..
ربنا يكرمكم :)

انا يا باشا بقولك على موضوع الإيجار دا عشان بس مفيش حد يديلك معلومة غلط عن عربية عشان هى عجباه والباقى لا
انا معايا ميجان وبى ام 320i وبصراحة انا شايف ان السيراتو احسن من الميجان فى حاجات كتير اولهم العزل واكيد انت سمعت عن ثبات الميجان وكل الكلام دا وعن ان السيراتو مش ثابتة اوى والحوارات دى طبعا .. بس اللى مش كل الناس تعرفه انك لو رفعت العربيتين هتلاقى نفس نظام التعليق بتاع الميجان اللى ورا هو بتاع السيراتو واللى كمان السيراتو بتتميز بيه عن الميجان ان المساعدين رياضية (مشوار المساعد قصير وغاز ودا بيزود الثبات) .. دا حتى موضوع ان المساعد برا اليايات موجود باردوا فى الميجان .. فا ازاى الميجان ثابتة جدا و السيراتو لا .. طبعا كلام غريب دا حتى السيراتو فيها جنط 17

انا والله مسوقتش التيدا على طريق سفر او حتى جريت بيها ان خت لفة بيها كدا من واحدة معايا فى الجامعة .. بس انا معرفش عن العربية حاجة عشان كدا مش بتكلم عليها .. موضوع ان العربية مش ثابتة على السرعات العالية انا كنت بتكلم عامة مش بتكلم على التيدا

موضوع السفر والثبات والله انا شايف ان السيراتو كويسة جدا لحد 160 170 وبعد كدا اى عربية فى الفئة دى سواء تويوتا او هوندا لازم تركز شوية معاهم عشان لو حتى العربية ثابتة جدا هيكون الطريق مش حلو .. يعنى لو على السرعة دى حاولت تفادى حاجة فاجئه الدينا ممكن تبوظ معاك خالص والطريق ملهاش كبير.

وتقبل مرورى :)

**SAMEH_FOUAD** · 16-06-2010 02:55 PM

المشاركة الأصلية كتبت بواسطة yasserelsayad

انا هرد عليك فى موضوع السرعات العالية عشان تقريبا نورمال مش بيجرى اوى .. مفيش يا باشا حركة عكسية فى اى غرزة ولا ضيقة ولا واسعة تلاقى العربية اللى انت كنت ركبها مش مظبوطة

صوت الرياح اللى انت بتقول عليه دا بيكون خفيف جدا انت بتسمع صوت العجل لكن مفيش صوت رياح زى ما بتقول كدا وبعدين انت ماشى 150 مش عايز تسمع صوت قولى انت مين فى الياباتى مفيش صوت رياح على 150

بالنسبة لتسارع العربية بـ 126 حصان فا التسارع كويس جدا متنساش ان العربية مش خفيفة دى 1360 ك يعنى اتقل من السيفيك والكورولا

وعن تجربة السيراتو اثبت من الكورولا على السرعات العالية فى الغرز وكله .. وموضوع الميل دا غريب اوى دا العربية مش بتميل خالص فى الملفات عشان كدا بتحس وانت داخل الملف انها ثابتة جدا و واثق فيها .. امال لما السيراتو تميل فى الملفات تبقى الكورولا بتعمل ايه

وتقبل كلامى انا بتناقش معاك مش بهاجمك

اولا سعدت بمعرفتك وياباشا احنا بنتناقش عادى مافيش مشاكل ابدا ولا هجوم ولا حاجة حضرتك اتكلمت بكل زوق

ياباشا انا قولت اللى جربتة وعلى فكرة فية ناس هنا اجمعت على كلامى دة وفية تقريبا تقرير مصور من مشرفين المنتدى ياريت حضرتك تقراة بردة هتلاقى نفس العيوب اللى انا قابلتها هما كمان قابلوها

وغيرى كتير لان دية مشكلة عامة

وكمان مشكلة ضعف التكييف من مالك السيارة نفسة يعنى مش واحد بيتكلم وخلاص

وبعدين ياباشا انا مجربتش الكورولا اوى على الملفات بس اللى اعرفة انها ثابتة وعلى فكرة السيفيك اثبت بكتير من السيراتو خصوصا مع نظام الVSA

http://www.nilemotors.net/Nile/114395-a.html

ودة اللينك وحضرتك اتفضل اقراة واكيد ممكن تكون حضرتك قريتة قبل بصفت مالك للسيراتو

وعلى فكرة انا مش بهاجم العربية ولا اى حاجة بس كل اللى فى نيتى توضيح مميزات وعيوب السيارة لان طبعا مافيش عربية بدون عيوب او بدون مميزات

**yasserelsayad** · 16-06-2010 03:12 PM

المشاركة الأصلية كتبت بواسطة semsem kane

اولا سعدت بمعرفتك وياباشا احنا بنتناقش عادى مافيش مشاكل ابدا ولا هجوم ولا حاجة حضرتك اتكلمت بكل زوق

ياباشا انا قولت اللى جربتة وعلى فكرة فية ناس هنا اجمعت على كلامى دة وفية تقريبا تقرير مصور من مشرفين المنتدى ياريت حضرتك تقراة بردة هتلاقى نفس العيوب اللى انا قابلتها هما كمان قابلوها

وغيرى كتير لان دية مشكلة عامة

وكمان مشكلة ضعف التكييف من مالك السيارة نفسة يعنى مش واحد بيتكلم وخلاص

وبعدين ياباشا انا مجربتش الكورولا اوى على الملفات بس اللى اعرفة انها ثابتة وعلى فكرة السيفيك اثبت بكتير من السيراتو خصوصا مع نظام الvsa

http://www.nilemotors.net/nile/114395-a.html

ودة اللينك وحضرتك اتفضل اقراة واكيد ممكن تكون حضرتك قريتة قبل بصفت مالك للسيراتو

وعلى فكرة انا مش بهاجم العربية ولا اى حاجة بس كل اللى فى نيتى توضيح مميزات وعيوب السيارة لان طبعا مافيش عربية بدون عيوب او بدون مميزات

موضوع التكييف انا متكلمتش عليه عشان اللى بعمله زى ما نورمال قال فى الموضوع بتاعه كدا وبعدين معظم الوقت العربية بتبقى مركونة فى الجراج فا الكييف اداءه بيكون مختلف عن لما تتركن فى الشمس كتير.

موضوع الثبات السيراتو فعلا اثبت وتحسها ماسكة نفسها عن الكورولا فى الملفاتوالسيفيك انا مجبتش سيرتها عشان موضوع الvsa عشان دا بيفرق كتير باردوا.

وكلامك اكيد صح مفيش عربية من غير عيوب ومفيش عربية بكسب فى كل حاجة .. كل عربية بيبقى فيها حاجة تتفوق فيها عن منافستها من الانواع الاخرى.

بس انا عايز اعرف هو ايه اللى مشكلة عامة (صوت الهوا على 150) ؟؟؟

ويا باشا انا اسعد بمعرفت حضرتك وسعيد على النقاش الجميل دا ومفيش هجوم ولا حاجة كل واحد بيبقى ليه وجهة نظر مبنى عليها رأيه ولازم تحترم ويتم تقبلها :)

**SAMEH_FOUAD** · 16-06-2010 08:48 PM

المشاركة الأصلية كتبت بواسطة yasserelsayad

موضوع التكييف انا متكلمتش عليه عشان اللى بعمله زى ما نورمال قال فى الموضوع بتاعه كدا وبعدين معظم الوقت العربية بتبقى مركونة فى الجراج فا الكييف اداءه بيكون مختلف عن لما تتركن فى الشمس كتير.

موضوع الثبات السيراتو فعلا اثبت وتحسها ماسكة نفسها عن الكورولا فى الملفاتوالسيفيك انا مجبتش سيرتها عشان موضوع الvsa عشان دا بيفرق كتير باردوا.

وكلامك اكيد صح مفيش عربية من غير عيوب ومفيش عربية بكسب فى كل حاجة .. كل عربية بيبقى فيها حاجة تتفوق فيها عن منافستها من الانواع الاخرى.

بس انا عايز اعرف هو ايه اللى مشكلة عامة (صوت الهوا على 150) ؟؟؟

ويا باشا انا اسعد بمعرفت حضرتك وسعيد على النقاش الجميل دا ومفيش هجوم ولا حاجة كل واحد بيبقى ليه وجهة نظر مبنى عليها رأيه ولازم تحترم ويتم تقبلها :)

على فكرة انا قولت على صوت الرياح هات 130 او عدى 130 بس وانت هتسمع صوت الرياح بوضوح جدا وعلى فكرة مزعج بجد , انا ماقولتش 150 دية خالص

الموضوع: إلنترا .. نيوسيراتو .. نيسان تيدا .. لانسر 1600 ..!!

LinkBack

أدوات الموضوع

عرض

-

-

-

-

-

المواضيع المتشابهه

ياجماااااااعة من فضلكم.. (لانسر بومة 1600) ولا (نيسان تيدا)

محتار بين فورد فييستا و نيسان تيدا هاتش باك و لانسر 1600 بومة

محتار بين فورد فييستا و نيسان تيدا هاتش باك و لانسر 1600 بومة

محتار بين فورد فييستا و نيسان تيدا هاتش باك و لانسر 1600 بومة

بقارن بين نيسان تيدا هاتش باك و لانسر بومه 1600

الكلمات الدلالية لهذا الموضوع

المفضلات

المفضلات

ضوابط المشاركة