الموضوع: باركولى يا جماعة التكييف مش عارف ماله

انا سمعت ان شجرة ال بى2 مفهاش حساسات ضغوط مش عارف دة صح ولا لأ

موضوع الشجرة صعب جدا انك تحكم علية من الشكل الخارجى وصعب تحكم على عمرها
الشجرة عندى كانت شكلها فابريكة وعزل الفابريكة بتاعها مفهوش خدش (شجرة الفابريكة بتاعتها ) , لو فكيتها وغسلتها مش هتفرقها عن الجديد ومع ذلك حصل فيها تسريب خفيف

حوار تصليح الشجرة انا عملتة عند ديافيا , تم تغيير خراطيم الشجرة بخراطيم good year امريكى زى اللى كانت فيها بالظبط وتم عزلها بالكامل بنفس عزل بلادها يعنى رجعت جديدة ..
اتكلفت 800 جنية , الحوار ممكن يكون غالى شوية بس انا مكنتش عايز اغيرها وفى نفس الوقت اوفر اى حاجة واريح دماغى علشان مش بعد شوية ولا حتى بعد سنة الاقى مشكلة تانية

المشاركة الأصلية كتبت بواسطة tamertamer

مع كامل احترامى لدفيا دة شغل تحت السلم على الاخر وانا عرفة لان انت العيب عندك كان فى الخرطيم ومكابس الخرطم ثانيا هتلقى مكبس محترم فى بلدك وعلى فكرة الخرطيم دية مشمتش ريحة الامريكى لانة مبيستوردهوش كلة برزيلى مكتوب علية امريكى شغل مينغفعش يتعمل فى عربية انا جربتة ومنفعش صاحب العربية الاولانى جربها اعد سنة ونص وباظت تانى وهى مرة وحدة بس قلى بتتعمل فيها وكمان 800 ج مجيب وحدة جديدة افضل ولا استيراد ارخص وحكايت العوازل دية احنا مش مغسلين وضمنين جنا انت بتاخد حرصك والاستيراد زى البطيخة بردو انت ونصيبك
وحكايت 2002 دية خلط خالص لان الاوبل برة b2 نزل لغايط 2001 بس على العموم انا مش متاكد من المعلومة اسالك فيها بس مظنيش خالص

ديافيا مش ورشة دة توكيل لشركى ديافيا وديلفى وليهم مصنع فى العاشر هو المورد لمصانع تقفيل العربيات فى مصر زى مرسيدس ونيسان وبى ام واوبل فا قصة الخراطيم البرازيلى والمضروبة دى صعبة اوى وانا شوفت بنفسى الخرطوم الجديد واللى طالع من العربية , نفس الخرطوم بالظبط good year made in usa

اما بالنسبة لقصة العوازل فا دى اساس شغلها اصلا ومن غير العوازل بتاعتها ملهاش لازمة ومش هتعيش .. يعنى لو جايب واحدة جديدة وعزلها مش كويس ولا ليها لازمة
انا شوفت الصينى زبااالة واللى عليها دة مش عازل اصلا دى حاجة كدة شكل العازل بتاعها منظر بس لكن غير كدة ملهاش اى لازمة

الشجرة مفهاش اختراع كلها عبارة عن شوية مواسير الومنيوم وخراطيم معزولة علشان الحرارة , اللى بيسرب هو الخراطيم انما المواسير مش هيحصلها حاجة اللا لو حادثة
الخرطوم بيتغير ويتكبس عادى جدا زية زى اى خرطوم
الموضوع دة عملتة مرتين فى ديافيا اول مرة ساعة مشكلة التسريب الشجرة اتعملت فى المصنع ورجع ركبها لما جيت استلم العربية لقيت مفيش عازل على الخراطيم مجرد غطا كاوتش عليها بس مش اكتر
زعقت واتخانقت وكلمت المهندس محمد مدير المركز , الراجل مشكورا جابلى العازل الاصلى بتاعها من المصنع وتم فك الشجرة تانى وتغيير الخراطيم تانى بالكامل - بعد اسبوع من تركيب الاولى - وتركيب العازل وكبسها وكان واقف بنفسة على ايد الصنايعية وفى حاجات كان بيعملها بنفسة هو - كل الكلام دة اودامى - وتم تنضيفها من الداخل بالفريون وتركيبها وشحن الفريون والكشف عللى الدورة بالكامل
طبعا كل الكلام دة مدفعتش ولا مليم لأنة كان تصليح لغلطهم

المهم , 800 جنية اة غالى - هم اصلا اسعارهم غالية بس كشغل انضف من برة - بس الصينى ولا الاستيراد اللى بنص تمنها هضمنها زى اللى اتعملت اودامى ؟
لأ طبعا , دى عليها ضمان سنة , الاستيراد عليها ضمان اد اية ؟؟
الاستيراد ضمانها على التجربة لو ضربت بعد شهر ولا اتنين ولا تلاتة ولا يعرفنى والصينى نفس الكلام وساعتها هتشترى واحدة تانية يعنى هتبقى بنفس تمن دى دة غير الشحن والمصنعية ووجع الدماغ
انما دى رجعت زى الجديدة ونفس الخامات وكل الشغل اودامى وفى نفس الوقت اوفر من الجديدة

المشاركة الأصلية كتبت بواسطة ahmed_lol2007

يعنى ياشباب إيه رأيكم يا جماعة عشان أنا قلقان أوى
وبصراحة مش حمل مصاريف كل شوية للتكييف
يعنى أروح للكابتن وأجيب من عنده شجرة ولا أشتريها إستيراد من عند أى حد
ويا جماعة محدش رد عليا هل التكييف بيبقى شغال على طول (مع دوراة العربية) ولا فى زرار لفصله

بالنسبة لموضوع الشجرة الاراء كلها عندك اختار انت الانسب لك

يعنى اية التكييف شغال على طول ؟؟
التكييف بيشتغل من الزرار بتاعة فى التابلوة!