الموضوع: باركولى يا جماعة التكييف مش عارف ماله

المشاركة الأصلية كتبت بواسطة eng\ahmed

ديافيا مش ورشة دة توكيل لشركى ديافيا وديلفى وليهم مصنع فى العاشر هو المورد لمصانع تقفيل العربيات فى مصر زى مرسيدس ونيسان وبى ام واوبل فا قصة الخراطيم البرازيلى والمضروبة دى صعبة اوى وانا شوفت بنفسى الخرطوم الجديد واللى طالع من العربية , نفس الخرطوم بالظبط good year made in usa

اما بالنسبة لقصة العوازل فا دى اساس شغلها اصلا ومن غير العوازل بتاعتها ملهاش لازمة ومش هتعيش .. يعنى لو جايب واحدة جديدة وعزلها مش كويس ولا ليها لازمة
انا شوفت الصينى زبااالة واللى عليها دة مش عازل اصلا دى حاجة كدة شكل العازل بتاعها منظر بس لكن غير كدة ملهاش اى لازمة

الشجرة مفهاش اختراع كلها عبارة عن شوية مواسير الومنيوم وخراطيم معزولة علشان الحرارة , اللى بيسرب هو الخراطيم انما المواسير مش هيحصلها حاجة اللا لو حادثة
الخرطوم بيتغير ويتكبس عادى جدا زية زى اى خرطوم
الموضوع دة عملتة مرتين فى ديافيا اول مرة ساعة مشكلة التسريب الشجرة اتعملت فى المصنع ورجع ركبها لما جيت استلم العربية لقيت مفيش عازل على الخراطيم مجرد غطا كاوتش عليها بس مش اكتر
زعقت واتخانقت وكلمت المهندس محمد مدير المركز , الراجل مشكورا جابلى العازل الاصلى بتاعها من المصنع وتم فك الشجرة تانى وتغيير الخراطيم تانى بالكامل - بعد اسبوع من تركيب الاولى - وتركيب العازل وكبسها وكان واقف بنفسة على ايد الصنايعية وفى حاجات كان بيعملها بنفسة هو - كل الكلام دة اودامى - وتم تنضيفها من الداخل بالفريون وتركيبها وشحن الفريون والكشف عللى الدورة بالكامل
طبعا كل الكلام دة مدفعتش ولا مليم لأنة كان تصليح لغلطهم

المهم , 800 جنية اة غالى - هم اصلا اسعارهم غالية بس كشغل انضف من برة - بس الصينى ولا الاستيراد اللى بنص تمنها هضمنها زى اللى اتعملت اودامى ؟
لأ طبعا , دى عليها ضمان سنة , الاستيراد عليها ضمان اد اية ؟؟
الاستيراد ضمانها على التجربة لو ضربت بعد شهر ولا اتنين ولا تلاتة ولا يعرفنى والصينى نفس الكلام وساعتها هتشترى واحدة تانية يعنى هتبقى بنفس تمن دى دة غير الشحن والمصنعية ووجع الدماغ
انما دى رجعت زى الجديدة ونفس الخامات وكل الشغل اودامى وفى نفس الوقت اوفر من الجديدة

هو فى توكيل بيصلح ويكبس والكلام دة التوكيل الصح بيغير فقط لا غير كلهم ورش بس الفرق ان
دفيا مش ورشة هى مركذ كبير وفية امكنيات لا غبار على الكلام دة وانا متمسك بوجهت نظرى ان التصليح فيها حرام وعلى فكرة انا الشجرة الصلية سربت من اللومنيوم المسورة ولا من الخرطوم ولا كبسة الخرطوم الحرارة العلية مع المدة والاستخدام تلين الحديد

المشاركة الأصلية كتبت بواسطة ahmed_lol2007

يا بشمهندس أنا كنت سمعت إن سبب إن الشجرة بتضرب هيا إن الكمبروسر شغال على طول ومش بيفصل

مهو مبيفصلش عشان الحساس بايظ واياك تشغلة عشان ميضربش دة عيب شائع وبيحصل كتير فى الاوبل وعلى فكرة احتمال كبير يكون التسريب من الحساس نفسة وتكون الشجرة سليمة اكشف الاول وحدد العيب عشان تبقا واقف على ارض صلبة

المشاركة الأصلية كتبت بواسطة ahmed_lol2007

ياعينى عليك يا حسين
طب وأنا أجيب منين 3500
وبعدين أنا الكباس عندى لسة جديد
والسربنتينة كمان لسة جديدة
يعنى لو هغير هغير الشجرة بس والحساسين
وأنا مش معايا دلوقتى المبلغ دة خالص
أنا كل اللى معايا فى حدود 900 وممكن اقرص على نفسى قوى وأكملهم 1000
غير كدة يبقى فى المشمش إنه يتعمل

خلاص
يبقى تظبط الليلة بالفلوس الى معاك دلوقتى
و لما التكيف يبوظ تانى ممكن تشده شدة تمام
و تبقى تعمل الحركة دى فى الشتا عشان الأسعار بتبقى حنينة شوية

طيب يا جماعة أنا بكرة وأنا جاى من الامتحان هكشف الاول عشان أعرف المشكلة فى أيه بالظبط
عشان أنا شاكك فى الراجل اللى أنا رحت عنده من كام يوم دة