باركولى يا جماعة التكييف مش عارف ماله

**Ahmed_lol2007** · 12-06-2010 01:59 PM

مين أحمد دة ياباشا أنا أعرف الحاج صلاح لكن أحمد دة فين

**tamertamer** · 12-06-2010 04:54 PM

المشاركة الأصلية كتبت بواسطة eng\ahmed

التصليح فى كل مكان وفى اى شئ مادام قابل للاصلاح بدون عك وفهلوة وهيرجع يشتغل زى الجديد

يكفى انى اقولك اننا بنسفر وحدات للصانع تتصلح وترجع تانى زى الجديدة وبشهادة صلاحية جديدة وبتركب وتشتغل واهى طيارات مش عربيات
وعلشان متقولش فى مصر بس اللى بنعمل كدة احنا مش ماشيين بمزاجنا لأ فى قوانين دولية بتحكم الطيران او اى حاجة متعلقة بالطيارة وكل الشركات فى العالم كلة محكومة بيها
وكل الشركات بتصلح وتشغل تانى

مادام الحاجة قابلة انها تتصلح يبقى مينفعش لية , مش هترجع زى الاول لية ؟؟
فى حاجات اة مينفعش .. مثلا جلب , بيض مقص , تيل فرامل والفلاتر دى كلها حاجات مستهلكة غير وارمى القديم انما فى حاجات تتصلح عادى جدا وتشتغل تانى

عشان كدة الطيرات عمالة تقع اتارى اليد المصرية قامت بالمفعول وبردة انا عند وجهت نظرى التى غير قابلة للتغير مفيش حاجة بترجع زى مكانت جيب جديد احسن فى التكيف بذات وخصوصا الموسير

**tamertamer** · 12-06-2010 04:55 PM

لو رحت للكبتن مبيختش منك فلوس كشف اصلا

**Ahmed_lol2007** · 12-06-2010 08:08 PM

ربنا يخليك يا تامر
بس الكابتن دة فين فى الحرفيين
وهل بيبقى زحمة أوى وأروحله على الساعه كام
(أنا ممكن أكون عنده هناك الساعة 10 أو بدرى كمان)
وكدة هيبقى بعد إما أخلص إمتحانات

**Ahmed_lol2007** · 12-06-2010 10:48 PM

يا جماعة انا لسة جاى حالا من برة كنت بكشف على التكييف
المهم الراجل ضغط الدورة وإستنى بتاع عشر دقايق لقى الضغط زى ما هو
وبعد كدة لقيت صوت زى تنفيس بسيط أوى جاى من عند الكباس فبص قالى
الكمبيروسر عايز (أويل سيل) لكن الدورة كلها زى الفل والحمد لله
قلتله والشجرة أحسن أنا متعقد قالى كله سليم عندك بس ناقص
(بلوف طبعا بدل اللى ضربو - أويل سيل كباس (مع العلم إنه مكملش 9 شهور بس الحمد لله على كل شئ) - شحن فريون)
وقالى إنه عنده أنواع فريون كتير (أمريكى - إنجليزى - مصرى - سعودى - المانى - وقالى على أنواع بعينها بيقولى مشهورة جدا)
وعلى فكرة يا طنانى أنا سألته على شحن الفريون الامريكى قالى 180 جندى
ولقيت عنده عربيات كتير (هيونداى إكسيل - إبيزا - فيات سيينا - وكذا مرة أشوف bmw - وفولكس )
عموما الحمد لله على كل شئ وإن شاء الله الاويل سيل دة يتعمل والتكييف يتظبط
وإن شاء الله عايز أجيب البلوف جداد (أصلى)
ولا إنتم إيه رأيكم وهل سعرهم عالى ولا لأ (دة طبعا فى حالة إن الاويل سيل إتعمل وطلع سليم)

**tananybasha** · 13-06-2010 12:12 AM

طيب كويس بسيطه الحمد لله
و فين الراجل ده يا باشا

**ENG\AHMED** · 13-06-2010 01:04 PM

المشاركة الأصلية كتبت بواسطة tamertamer

عشان كدة الطيرات عمالة تقع اتارى اليد المصرية قامت بالمفعول وبردة انا عند وجهت نظرى التى غير قابلة للتغير مفيش حاجة بترجع زى مكانت جيب

المشاركة الأصلية كتبت بواسطة tamertamer

جديد احسن فى التكيف بذات وخصوصا الموسير

انهى طيارات دى ياعم تامر اللى بتقع , محسسنى انك بتصطاد حمام
ويد مصرية مين اللى قامت بالمفعول محسسنى انها بتتشد فى الحرفيين وعلى فكرة الخواجات بيعملوا كدة برضة وبيصلحوا , علشان عقدة الخواجة اللى عندنا
هو الاستيراد بقى جديد !! .. ولما يبقى الجديد غالى اروح اجيبة صينى مضروب ولا اصلح اللى عندى مادام ينفع فيها تصليح وترجع زى الجديدة من غير فهلوة وبعدين مواسير التكييف دى اخر حاجة بتبوظ
يعنى الخرطوم ينشف يشقق يحصلة اى حاجة انما الماسورة هيحصلها اية
على فكرة انا محسوك فى العربية ومش من النوع اللى لصم الحاجة ومشى حالك والكلام دة فا لو حاجة مش مقتنع بيها مش هعملها
انا عملت مشكلة هناك علشان العزل مكنش موجود راح جابلى عزل شكلة غريب مرضتش راح جابلى زى بتاعها صينى مرضتش مسكتش غير لما جابلى العزل الاوريجينال بتاعها زى اللى كان راكب فيها وعاد الشغل كلة من الاول علشان ميقطعش العزل ويلفة حوالين المواسير وبعدين يلزقة

**lancerevolution** · 13-06-2010 02:40 PM

المشاركة الأصلية كتبت بواسطة ahmed_lol2007

يا جماعة انا لسة جاى حالا من برة كنت بكشف على التكييف
المهم الراجل ضغط الدورة وإستنى بتاع عشر دقايق لقى الضغط زى ما هو
وبعد كدة لقيت صوت زى تنفيس بسيط أوى جاى من عند الكباس فبص قالى
الكمبيروسر عايز (أويل سيل) لكن الدورة كلها زى الفل والحمد لله

نفس الى عندى بالظبطت
يا ترى ما قلكش تكلفت الأويل سيل كام

**tananybasha** · 13-06-2010 03:30 PM

المشاركة الأصلية كتبت بواسطة ahmed_lol2007

الحمد لله إنها بسيطة وسوف أوافيكم بالاخبار تباعا
وبالنسبة للعنوان
بص يا طنانى بما إنك من الهرم فأكيد الوصفة قتبقى سهلة
اخر شارع العريش من ناحية فيصل هتلاقى ادامه التابعى الدمياطى بتاع السندوتشات
والشارع اللى قبله على ناصيته (لطفى للاحذية والشنط) هو فى الشارع دة
بصراحة الناس فى منتهى الذوق والاخلاق
وعموما أما أنا أخلص وأتاكد إنه كويس هبفى أقولك

الوصفه سهله قوى
عارف العماره اللى فيها التابعى و بشبش اللى قدام شارع العريش
ليا شقه فيها مقفوله من 8 سنين عليها مشاكل طوب الأرض

المشاركة الأصلية كتبت بواسطة eng\ahmed

انهى طيارات دى ياعم تامر اللى بتقع , محسسنى انك بتصطاد حمام
ويد مصرية مين اللى قامت بالمفعول محسسنى انها بتتشد فى الحرفيين وعلى فكرة الخواجات بيعملوا كدة برضة وبيصلحوا , علشان عقدة الخواجة اللى عندنا
هو الاستيراد بقى جديد !! .. ولما يبقى الجديد غالى اروح اجيبة صينى مضروب ولا اصلح اللى عندى مادام ينفع فيها تصليح وترجع زى الجديدة من غير فهلوة وبعدين مواسير التكييف دى اخر حاجة بتبوظ
يعنى الخرطوم ينشف يشقق يحصلة اى حاجة انما الماسورة هيحصلها اية
على فكرة انا محسوك فى العربية ومش من النوع اللى لصم الحاجة ومشى حالك والكلام دة فا لو حاجة مش مقتنع بيها مش هعملها
انا عملت مشكلة هناك علشان العزل مكنش موجود راح جابلى عزل شكلة غريب مرضتش راح جابلى زى بتاعها صينى مرضتش مسكتش غير لما جابلى العزل الاوريجينال بتاعها زى اللى كان راكب فيها وعاد الشغل كلة من الاول علشان ميقطعش العزل ويلفة حوالين المواسير وبعدين يلزقة

والله انت عامل زىى
انا عندى جوان غطا التاكيهات بتاع الأيه معروف انه مبينزلش عملت واحد او ما عاطف صالح قاللى اعرفه موجود عند واحد شلت القديم و كان زى الفل و جبت الألمانى و بالمره جبت غطا الزيت

المشاركة الأصلية كتبت بواسطة lancerevolution

نفس الى عندى بالظبطت
يا ترى ما قلكش تكلفت الأويل سيل كام

لما يخلص هيقول

-

الموضوع: باركولى يا جماعة التكييف مش عارف ماله

LinkBack

أدوات الموضوع

عرض

-

-

-

-

-

-

-

-

المواضيع المتشابهه

باركولى يا جماعة

باركولى يا جماعة

التكييف كده يبقى ماله؟

باركولى يا جماعة

الكلمات الدلالية لهذا الموضوع

المفضلات

المفضلات

ضوابط المشاركة