العربيه مجنناني ( موبينه - إسبراتير - كربراتير - شكمان - ...... ) الله أعلم

**ehab_mansour** · 15-06-2010 11:49 AM

المشاركة الأصلية كتبت بواسطة fadynabil

أخر التطورات ... إمبارح وأنا مروح ع الدائري قولت أقرص شويه ومشيت علي ١٣٠ - ١٢٠ كده شويه ... وللأسف قطعت تاني وتكرر السيناريو البايخ

وهوه إن دواسة البنزين كأنها مش شغاله لحد مالسرعه وصلت لــ ٧٥ - ٨٠ وبعدين العربيه تفوق تاني

يعني لما بتحصل المشكلة بتدوس علي الدواسة عادي اكنك بتزود ولا حياة لمن تنادي
طيب في نفس اللحظة اللي بتقطع فيها جربت تدوس دبرياج وتحاول تستخدم الدواسة عادي اكنك بتزود بنزين وانت واقف
المقصود هل الموتور شغال عادي ولكن مافيش عزم ولا الدواسة أكنها ملغية نهائيا لحد ما تنزل السرعة ؟
مستني ردك عشان بفكر معاك وربنا يكرمنا ونوصل لحل

**fadynabil** · 15-06-2010 04:28 PM

المشاركة الأصلية كتبت بواسطة ehab_mansour

يعني لما بتحصل المشكلة بتدوس علي الدواسة عادي اكنك بتزود ولا حياة لمن تنادي
طيب في نفس اللحظة اللي بتقطع فيها جربت تدوس دبرياج وتحاول تستخدم الدواسة عادي اكنك بتزود بنزين وانت واقف
المقصود هل الموتور شغال عادي ولكن مافيش عزم ولا الدواسة أكنها ملغية نهائيا لحد ما تنزل السرعة ؟
مستني ردك عشان بفكر معاك وربنا يكرمنا ونوصل لحل

فعلا حصل ومره دوست دبرياچ وقلت أسقط غيار بس ساعتها العربيه طفت ... و وقفت وساعتها دارت بعد كذا محاوله مكنتش راضيه تدور علي طول

لكن طول ما هي متعشقه بتفضل شغاله لحد ما السرعه تنزل للـ 70 80 كده وتبتدي تقوم تاني

وكأن إنها أجهدت من الحمل وعايزه تاخد نفسها

ولو دوست بنزين تخطيف كده دوس وسيب تعني .. ممكن تنتش خفيف كده فبسيبها لحد ماتنزل

بس في حاجة غريبه وهوه إني لما غيرت الإسبراتير بقي الموضوع بيحصل لما أقرص جامد في الإسبراتير القديم كنت بيعملها في وقت أقرب

وكمان ساعات تحس إن العزم بيزيد ويقل كده وأنت علي السرعه فوق الــ100 وكأنها في عفريت في دواسة البنزين

أنا أعتقد إن الموضوع إن الحمل الزياده علي الموبينه هو اللي بيخليها تعمل كده .. ممكن عشان مش زي الأصلي فبيبقي الملفات اللي فيها ضعيفه شويه

بس للأسف الميكانيكي بتاع عمال يدور علي المشط الــ 6 رجل ده ومش لاقيه كل اللي موجود الـ 3 رجل بتاع الموتور الهاف إنجيكشن

هوه كان قال إنه ممكن نركب الـ 3 رجل ونلغي حاجه كده في الفيشه بس قالي إنه لا يفضل إن يعمل كده

مع إن الإسبراتير اللي بجرب بيه دلوقتي بتاع الــ 1400 ... بس هوه قالي إنه ظبطه بس مش أكتر وفعلا العربيه دلوقتي شغاله مفيش مشكله بالنسبه للسحب العادي.والسرعات العاديه وبالعكس حاسس بتحسن عن الإسبراتير القديم في العزم

**fadynabil** · 15-06-2010 04:34 PM

المشاركة الأصلية كتبت بواسطة crazylambada

استاذ ايهاب لو الاختبار ده قصدك تشوف الاسطوانه الاسطوانه بيبقى عطلها ثابت مش متغير
هو بص الموضوع ده ليه علاقه بالحرق يا اما البنزين على حظك بيجيب شوائب كل فتره مش مقتنع بالفكره ديه
يا اما حاجه في الكهربا
و المشكله ان الموضوع بيحصل على السرعات العاليه

شكرا علي الأهتمام . بس أنا سئلت بالنسبه لموضوع البنزين والشوائب أنا كان حد قالي أضيف stp في تانك البنزين عشان ينضفه بس مش مقتنع إنه يكون ليه علاقه وخصوصاً إني فكيت و نضفت الكربيراتير

وكمان كذا حد قالي إنها أكيد طرمبة بنزين وكانو واثقين أوي ... > بس لما سئلت الميكانيكي قالي إن الطرمبه في الإبيزا عادي مش أوتوماتيك والموضوع ده بيحصل في الطرمبه الأوتوماتيك بس .. لكن العاديه لما بتبوظ بتفصل علي طول ... ( بصراحه أنا مش فاهم إيه الفرق بس قولت أكيد هوه فاهم )

**crazylambada** · 15-06-2010 04:44 PM

الطلمبه بتبقى للعربيات الانجكشن و هو كلامه مظبوط
بس انا كان عندي نفس المشكله و كان العيب في الكبراتير مسدود
طب بص حقولك على حاجه لما تبتدي تحس ان العربيه حتهدي و سرعتها تقل كارك على البنزين و قولي حتعمل ايه لانها لو فاقت و انتا بتكارك يبقى المشكله في الكبراتير مسدود
و ساعتها و انتا في الطريق لما المشكله ديه تحصل و تعمل كده اقف على جنب
و بدل سلك البوجيه التاني مكان التالت و دور العربيه و اكبس بنزين حيحصل حاجه اسمها مددفع اعمله مرتين بس و خد بالك
و رجعهم لو ضعهم تاني و اطلع بالعربيه و اجري و قولي ايه الفرق
:d و ان شاء الله خير

**fadynabil** · 15-06-2010 05:57 PM

المشاركة الأصلية كتبت بواسطة crazylambada

الطلمبه بتبقى للعربيات الانجكشن و هو كلامه مظبوط
بس انا كان عندي نفس المشكله و كان العيب في الكبراتير مسدود
طب بص حقولك على حاجه لما تبتدي تحس ان العربيه حتهدي و سرعتها تقل كارك على البنزين و قولي حتعمل ايه لانها لو فاقت و انتا بتكارك يبقى المشكله في الكبراتير مسدود
و ساعتها و انتا في الطريق لما المشكله ديه تحصل و تعمل كده اقف على جنب
و بدل سلك البوجيه التاني مكان التالت و دور العربيه و اكبس بنزين حيحصل حاجه اسمها مددفع اعمله مرتين بس و خد بالك
و رجعهم لو ضعهم تاني و اطلع بالعربيه و اجري و قولي ايه الفرق
:d و ان شاء الله خير

مفتكرش إنه بسبب الكربيراتير لأنه لسه فاكه ومنضفه من أسبوع ... وكمان بالنسبه لموضوع لما بتهرب البنزين وبتنتش كده زي مقولت قبل كده ... كانت ساعات بتعمل صوت كده من الشكمان زي ما يكون بتعطس كده

المشكله كلها إن الموضوع مش بيحصل غير علي سرعات عاليه ودايماً بيبقي في طرق سفر .. وببقي خايف لتعما موقف نداله وتعطل فببقي بحسس عليها لما تعمل الحوار ده

**crazylambada** · 15-06-2010 07:08 PM

هو عمتا الموضوع مينفعش يتساب فعلا
طب بص يا فادي انا فيه مركز اعرفه هو بعيد شويه بس حيخلصك من الموضوع اسمه كار بويز في شارع جوزيف تيتو عند كوبري الهايكستب جنب حمدي لادا
بص الناس ديه الحمد لله كويسين جدا و لو حبيت تروحلهم قولهم انك جاي من طرف البشمهندس محمد حامد صاحب السكودا الحمرا من الزقازيق لان حتى فكره انك مش عارف تلاقي قطعه غيار ناقصه هما حيتصرفوا فيها :d
و ابقى طمنا

**ehab_mansour** · 15-06-2010 11:40 PM

انا قريت كل اللي انت قلته بعد أسئلتي وعايز أعرف منك شوية حاجات :-
عربيتك فيها كنترول يونت ولا لأ ؟
ايه الحساسات اللي موجودة عندك في المحرك ولو تقدر قلنا ايه وظيفتها ؟
دورة البنزين عندك نصف انجيكشن ولا كربيراتير عادي ؟
البوابة عندك عليها حساسات ولا لأ ؟ وانا أقصد هنا بوابة دخول الهواء اللي راكب عليها سلك دواسة البنزين

حاول ترد عليا في أسئلتي وربنا يسهل بس عامة الموضوع عندك متعلق بارتفاع درجة الحرارة وبوابة الهواء لأن بالتأكيد لما بتحصل المشكلة العربية مش بترضي تدور لكن لو سيبتها 10 دقايق او اكتر تبرد هتبقي كويسه وأعتقد هتدور معاك بشكل طبيعي
يا تري بقي السخونة دي بتأثر علي ايه
واللي هيقول ان العربية بتسخن لدرجة حرارة ثابتة ومش بتتغير طول ماهي شغالة هقله ان العربية لما بتقرص عليها علي سرعات عالية بتزيد الضغوط ودرجات الحراره بداخل المحرك بشكل طفيف وده بيظهر معايا دايما لما أمشي بالعربية في الصيف فوق 130 و 140 اول لما أهدي مباشرة بسمع صوت مروحة التبريد شغالة بأقصي سرعة فيها لحوالي نصف دقيقة الي دقيقة وبعد كده تهدي للسرعه الطبيعية

الله المستعان

**ehab_mansour** · 15-06-2010 11:43 PM

المشاركة الأصلية كتبت بواسطة crazylambada

استاذ ايهاب لو الاختبار ده قصدك تشوف الاسطوانه الاسطوانه بيبقى عطلها ثابت مش متغير
هو بص الموضوع ده ليه علاقه بالحرق يا اما البنزين على حظك بيجيب شوائب كل فتره مش مقتنع بالفكره ديه
يا اما حاجه في الكهربا
و المشكله ان الموضوع بيحصل على السرعات العاليه

لا انا ما أقصدش طقم الدبرياج خالص هو فهم قصدي هل العربية بتفضل دايرة ولا بتبطل ولو دوست دبرياج وفضلت برضه دايس بنزين هتبطل برضه ؟

-

الموضوع: العربيه مجنناني ( موبينه - إسبراتير - كربراتير - شكمان - ...... ) الله أعلم

LinkBack

أدوات الموضوع

عرض

-

-

-

-

-

المواضيع المتشابهه

موبينه ولا ؟؟؟؟؟؟؟؟؟؟؟

ديل شكمان (حلية شكمان)للبيع

ان شاء الله ناوى أعلم أطفال، وعاوز مسعدتكم

من أين أشتري علبة شكمان أو شكمان كامل لجولف2 في القاهرة ؟؟؟؟؟؟؟؟؟؟؟؟؟؟

العربيه بتبطل و هى بتسخن كربراتير هيونداى اكسنت

الكلمات الدلالية لهذا الموضوع

المفضلات

المفضلات

ضوابط المشاركة