العربيه مجنناني ( موبينه - إسبراتير - كربراتير - شكمان - ...... ) الله أعلم

**HeMa1981** · 24-06-2010 01:54 PM

كان عندي نفس العيب بالظبط وكان العيب من الكاربراتير وطلعته الميكانيكي نظفه وطبعاً غيرت بوجيهات لأن الكاربراتير كان مش بيحرق البنزين كفاية وبالتالى البوجيهات اتحرقت

بس ده بعد ما نضفت الكاربراتير وغيرت علبة شكمان عند ميكانيكي وحصلت نفس المشكلة تاني
ورحت لميكانيكي تاني الناس شكرت فيه فقال لى ده عيب كاربراتير وزمان البوجيهات اتحرقت من قبل ما يشتغل قولت له ده انا لسة مغير الكلام ده وفعلاً كلامه طلع صح طلع فرق فى المصنعية وفرق فى الشغل ولحد الأن العربية زي الفل بقالها حوالى شهر ونص حتى كانت بتاكل بنزين وحالياً زي الفل الحمد لله

**fadynabil** · 24-06-2010 04:38 PM

المشاركة الأصلية كتبت بواسطة hema1981

كان عندي نفس العيب بالظبط وكان العيب من الكاربراتير وطلعته الميكانيكي نظفه وطبعاً غيرت بوجيهات لأن الكاربراتير كان مش بيحرق البنزين كفاية وبالتالى البوجيهات اتحرقت

بس ده بعد ما نضفت الكاربراتير وغيرت علبة شكمان عند ميكانيكي وحصلت نفس المشكلة تاني
ورحت لميكانيكي تاني الناس شكرت فيه فقال لى ده عيب كاربراتير وزمان البوجيهات اتحرقت من قبل ما يشتغل قولت له ده انا لسة مغير الكلام ده وفعلاً كلامه طلع صح طلع فرق فى المصنعية وفرق فى الشغل ولحد الأن العربية زي الفل بقالها حوالى شهر ونص حتى كانت بتاكل بنزين وحالياً زي الفل الحمد لله

بس علي ما أعتقد إن لو العيب من الكربيراتير العربيه مش تفصل وتشتغل تاني لما السرعه تنزل زي ما شرحت قبل كده

و ع العموم مبروك إنك ظبطتها

**fadynabil** · 27-06-2010 11:00 AM

أخر التطورات : للأسف إمبارح وأنا ماشي بالعربيه وكنت علي طريق ومثبت السرعه شويه علي ١١٠ ١٢٠ كده وراحت عملاها تاني

بجد أنا خلاص تعبت من الموضوع ده وبعدها النهارده وأنا ماشي حاسسس كده إن العزم ضعف شويه ...

وتفسيري كالأتي : إن الموبينه لو هيه عباره عن ملفات مثلا لما الواحد بيقرص ع العربيه بيتحمل عليها جامد وده بيبان أوي في السفر

وإن الموبينه الأستيراد ( أوي الأصليه بتبقي المواد اللي بتتصنع منها قويه وبتتحمل الضغط عليها ) مش زي الجديد اللي بيتباع كله ضرب ومش بيتحمل زي الأصلي

المشكله إن كل طرقي سريعه وسفر ... يعني لو أنا من النوع اللي بمشي في وسط اليلد وكده مفتكرش كنت هحس بالعيب ده أساساً

وربنا يسهل بقي وأعرف الاقي المشط الــ ٦ رجل ده إستيراد

وياريت لو حد عنده فكره لو غيرت الفيشه بتاع الضفيره عشان أركب المشط الـ ٣ رجل اللي متوفر إستيراد ... هل هيبقي فيه مشكله ولا لأ ؟؟؟

أصلي سمعت إن مثلا ممكن الـ rpm ممكن ميشتغلش ... لو حده عنده فكره وقدر يفيدني يبقي كتر خيره .. وشكراً

**fadynabil** · 28-06-2010 10:29 AM

يا شباب إنتوا روحتوا فين ... محدش عنده تفسير

أنا إمبارح قعدت أفكر كده ... وكنت عايز أعرف هوه ممكن يبقي في حاجه في دايرة الكهرباء مثلا ممكن تأثر ع الموبينه وتخليها تعمل كده ؟؟؟؟؟؟؟؟؟؟؟؟

**cOrn** · 28-06-2010 11:30 PM

كانت عندى نفس المشكلة فى كيا برايد و الحل هوا تنظيف تانك البنزين يا باشا بس تنظيف جامد مش اى كلام و على فكرة بنزين مصر الامارات مش حلو على الرغم من انها احسن بنزينة ولكن مش فى البنزين و انشاءالله مشكلتك تتحل انا عارف انها مقرفه بس انشاء الله زى ما قولتلك تظلع التانك و ديه حاجة بسيطة

**cOrn** · 28-06-2010 11:32 PM

انت حصلت معاك قبل كدة ان العربية فصلت منك بنزين او انت متعود انك تسيب البنزين للاخر ؟؟

**fadynabil** · 29-06-2010 10:22 AM

المشاركة الأصلية كتبت بواسطة matrixco

انت حصلت معاك قبل كدة ان العربية فصلت منك بنزين او انت متعود انك تسيب البنزين للاخر ؟؟

موضوع البنزين ده محصلش معايا غير مره واحده بس .. وده كان من زمان أوي حاجة كده بقالها أكتر من سنه

وأنا متعود إني أفول العربيه قبل ما توصل للربع وعمري ما بسيبها للأخر

ومعتقدش إن الموضوع ليه علاقة بالبنزين لأني فكيت الكربيراتير ونضفته وهوه أساسا كان مفيهوش حاجة

**mokhtar71** · 29-06-2010 11:56 AM

انا كمان حصلت معايه وبعد دوخه كانت الموبينه وجبت واحده صينى ب 220 جنيه وباظت بعد يومين فجبت واحده استيراد ب 150 جنيه و شغاله زى الفل من ساعتها

مختار ابيزا 98