الموضوع: العربيه مجنناني ( موبينه - إسبراتير - كربراتير - شكمان - ...... ) الله أعلم

أخر التطورات ...

من كام يوم بعد لف ودوران ع الموبينه .. لما كنت هتجنن عشان مش موجوده إستيراد غير قليل جدا

لقيت العربيه وأنا ماشي إبتدت سحبها يتغير للأحسن .،، (سبحان الله ) في بالي طيب لو موبينه وأنا قارص عليها عمرها متظبط غير لما أسيب العربيه تبرد خالص

وأبتديت أشك جدا في حاجة ليها علاقة بالبنزين

روحت جري ع الميكانيكي وقلتله لازم نفك الطرمبه ونكشف عليها

شيلنا العمه وفكينا خرطوم البنزين اللي واصل بالكربيراتير وقولنا نشوف الضخ بتاعها عامل إيه وففعلا تخيلوا الضخ بتاعها ضعيف وبيلخبط كده

وفعلا فكيناها وحططينا واحده أستيراد من عنده وفعلا فرق شاسع ... وقالي إنها واخده هوا

بس الغريب إنها طرمبه عاديه مش كهرباء ،،، وسألت كذا واحد قالي فعلاً إن الطرمبه العاديه لما بتبوظ بتقطع علي طول ،، لكن التقطيع ده مابيحصلش غير في الطرمبه الكهرباء

والحمد لله طلعت أجرب العربيه فعلا فرق رهيب في السحب واعزم بتاع العربيه حتي ع السرعات القليله

ومشيت النهارده ع الدائري بيها سحب زي الفل ع السرعات

الحمد لله وياريت تكون أخر التطورات وإنشاء الله تظبط علي كده وميطلعليش عفريت تاني عشان أنا أتبهدلت فعلاً اليومين اللي فاتوا منها

وياريت تكون تجربتي فيها إفاده ليكوا عشان لو حد حصل معاه موقف شبيه للموقف ده

وشكراً

المشاركة الأصلية كتبت بواسطة ehab_mansour

الحمد لله
ألف مبروك وربنا يسترها وما يطلعش حاجه تانيه
بس معلش المفروض ان الميكانيكي اللي بتشتغل عنده يختبر كل حاجه في عطل غريب زي كده مش يسيبك تلف وتدور ......... للأسف مافيش صنايعية في مصر بيفهمو الا القليل

أشكرك وربنا يستر .. عشان كنت خلاص قربت أتجنن

بس أقدر أقولك اللي حصل معايا ده تقريباً سؤء حظي مش إن الميكانيكي بتاعي علي قده

لأنه تخيل إنك عندك شك في قطعه معينه إنها بايظه وبعد متغيرها تبتدي العربيه تظبط .. من غير تفكير هتقول إن القطعه دي هي السبب ( وده اللي كان بيحصل معايا لما كنت بغير الموبينه)

بس خلاص الحمدلله