الموضوع: خبطت فى المطب كسرت الرصيف

المشاركة الأصلية كتبت بواسطة zkralla

امبارح كنت رايح مشوار
مطب غريب عجيب ارتفاعه عمرى ما شفت كده فى حياتى كنت بالليل ومش شايف ارتفاع المطب قوى ( شفته كويس بعد كده لما نزلت من العربيه )
رحت طالع المطب وديب خبطه وصوت عالى اسفل العربيه ( انا قبل كده العربيه حكت فى مطبات بتاع 10 مرات لكن عمرى ما خبطت بالطريقه ديه قبل كده )
المهم نزلت لقيبت حته من الاسفلت بتاع المطب اتكسرت بتاعه المطب اتكسر وقلت امال العربيه حصل فيها أيه
النهارده رحت بنزينه ورفعت العربيه والحمد لله ما فيش حاجه خالص اللهم أن فيه جزء من العازل الى فى العربيه من تحت بحجم عقلتين صباع اتقشت مش اكتر
انا من امبارح للنهارده كنت اخر عكننه ومتضايق جدا وما زلت حاسس بالذنب وأنى لازم اخد اى مطب بالراحه جدا
الحمد لله على الستر وعلى اللوجان ومش عارف امال الى معاه عربيه واطيه على الارض بيعمل أيه فى بلد زى بلدنا
فعلا والله الطرق بتاعتنا بقت وحشه جدا والناس بتخليها اوحش بالمطبات العشوائيه الى بتتعمل كل واحد على مزاجه

مش تريقة و الله
بس مش ملاحظ انك ما تاخدش بالك من المطبات كلها و بتحك فى كل المطبات اللى بتقابلك
فى دراسة اتعملت وضحت ان نسبة 45% من الناس اللى سايقة مش عارفين انهم لازم يلبسوا نظارة
طبعا انا عارف ان البلد مكسرة و بايظة بس لازم نفكر بطريقة عملية شوية يعنى اكيد فى مشكلة تانية تخليك ما تشوفش مطب بالأرتفاع اللى بتقول عليه ده

المشاركة الأصلية كتبت بواسطة hamed_73

الحمد الله حصل خير

ربنا يكركمك يا حامد

المشاركة الأصلية كتبت بواسطة cementman

مش تريقة و الله
بس مش ملاحظ انك ما تاخدش بالك من المطبات كلها و بتحك فى كل المطبات اللى بتقابلك
فى دراسة اتعملت وضحت ان نسبة 45% من الناس اللى سايقة مش عارفين انهم لازم يلبسوا نظارة
طبعا انا عارف ان البلد مكسرة و بايظة بس لازم نفكر بطريقة عملية شوية يعنى اكيد فى مشكلة تانية تخليك ما تشوفش مطب بالأرتفاع اللى بتقول عليه ده

والله ممكن
جزاك الله خيرا على النصيحه