خبطت فى المطب كسرت الرصيف

**zkralla** · 18-06-2010 11:46 PM

امبارح كنت رايح مشوار
مطب غريب عجيب ارتفاعه عمرى ما شفت كده فى حياتى كنت بالليل ومش شايف ارتفاع المطب قوى ( شفته كويس بعد كده لما نزلت من العربيه )
رحت طالع المطب وديب خبطه وصوت عالى اسفل العربيه ( انا قبل كده العربيه حكت فى مطبات بتاع 10 مرات لكن عمرى ما خبطت بالطريقه ديه قبل كده )
المهم نزلت لقيبت حته من الاسفلت بتاع المطب اتكسرت بتاعه المطب اتكسر وقلت امال العربيه حصل فيها أيه
النهارده رحت بنزينه ورفعت العربيه والحمد لله ما فيش حاجه خالص اللهم أن فيه جزء من العازل الى فى العربيه من تحت بحجم عقلتين صباع اتقشت مش اكتر
انا من امبارح للنهارده كنت اخر عكننه ومتضايق جدا وما زلت حاسس بالذنب وأنى لازم اخد اى مطب بالراحه جدا
الحمد لله على الستر وعلى اللوجان ومش عارف امال الى معاه عربيه واطيه على الارض بيعمل أيه فى بلد زى بلدنا
فعلا والله الطرق بتاعتنا بقت وحشه جدا والناس بتخليها اوحش بالمطبات العشوائيه الى بتتعمل كل واحد على مزاجه

**amr.elsayed** · 19-06-2010 12:01 AM

الحمد لله يا هانى ان الموضوع دة عدا على خير ... وبسم الله ما شاء الله اللى سمى لوجى عاشقة المطبات ماكدبش
عربية حمالة قاسية على حق وربنا يباركلك فيها ويبعد عنك مطبات البلد المنيلة دى ..

**Galilioz** · 19-06-2010 12:01 AM

اهم حاجه مبروك على سلامه العربيه ياذكر الله
وللاسف شوارعنا كلها بقت كده كلها مطبات عشوئيه ولازم تلبس مطبات بعربيتك لو انت مش حافظ اماكن المطبات
معلش ياباشا والحمد لله حصل خير

**zkralla** · 19-06-2010 01:34 AM

المشاركة الأصلية كتبت بواسطة ringoo

الحمد لله يا هانى ان الموضوع دة عدا على خير ... وبسم الله ما شاء الله اللى سمى لوجى عاشقة المطبات ماكدبش
عربية حمالة قاسية على حق وربنا يباركلك فيها ويبعد عنك مطبات البلد المنيلة دى ..

ربنا يكرمك يا عمور ويحفظك ويحفظلك عربيتك

المشاركة الأصلية كتبت بواسطة galilioz

اهم حاجه مبروك على سلامه العربيه ياذكر الله
وللاسف شوارعنا كلها بقت كده كلها مطبات عشوئيه ولازم تلبس مطبات بعربيتك لو انت مش حافظ اماكن المطبات :n_no[1]:
معلش ياباشا والحمد لله حصل خير

الله يسلمك يا باشا ويحفظك من كل سوء

الراجل الى رفعلى العربيه قالى ماشاء الله يا عم متخفش ده شغل فرنساوى والعربيه متصفحه من تحت كويس

**DR/WAFEK** · 19-06-2010 01:56 AM

المشاركة الأصلية كتبت بواسطة zkralla

امبارح كنت رايح مشوار
مطب غريب عجيب ارتفاعه عمرى ما شفت كده فى حياتى كنت بالليل ومش شايف ارتفاع المطب قوى ( شفته كويس بعد كده لما نزلت من العربيه )
رحت طالع المطب وديب خبطه وصوت عالى اسفل العربيه ( انا قبل كده العربيه حكت فى مطبات بتاع 10 مرات لكن عمرى ما خبطت بالطريقه ديه قبل كده )
المهم نزلت لقيبت حته من الاسفلت بتاع المطب اتكسرت بتاعه المطب اتكسر وقلت امال العربيه حصل فيها أيه
النهارده رحت بنزينه ورفعت العربيه والحمد لله ما فيش حاجه خالص اللهم أن فيه جزء من العازل الى فى العربيه من تحت بحجم عقلتين صباع اتقشت مش اكتر
انا من امبارح للنهارده كنت اخر عكننه ومتضايق جدا وما زلت حاسس بالذنب وأنى لازم اخد اى مطب بالراحه جدا
الحمد لله على الستر وعلى اللوجان ومش عارف امال الى معاه عربيه واطيه على الارض بيعمل أيه فى بلد زى بلدنا
فعلا والله الطرق بتاعتنا بقت وحشه جدا والناس بتخليها اوحش بالمطبات العشوائيه الى بتتعمل كل واحد على مزاجه

الحمد لله انها جات سليمه بس انت كلت المطب علي سرعة كام اصل انا كلت مطب بس مش عالي بس علي سرعه 40 العربية حسيت انها حكيت بس مش عارف منين فا الصح اروح ارفعها و اطمن عليها ولا اكبر دماغي

**hobaz** · 19-06-2010 02:03 AM

حصل خير والحمد لله انها جت على قد كده وربنا يحفظهالك ويكفيك شر الطريق.......

**MOK3336** · 19-06-2010 02:50 AM

الحمد لله علي سلامتك أولاً
وعلي العربية ثانياً
و ثالثاُ تبقي خد بالك بعد كده و أمشي بالراحة في الأماكن ايلي متعرفهاش أو مش حافظ المطبات ايلي فيها
و رابعاً : هي دي مصر ولا بلاش هما دول شعب مصر
عشان مصر خلاص زهقت و الله و جابت أخرها
كل واحد يعمل مطب قدام بيته شوية كسر و شوية زلط و شوية أسمنت و اعمل مطب
ولا لية بلاش الناس العادية
الناس المتخصصه في رصف الشوارع و عمل المطبات
عك و ليس كله كويس
المشكلة أن المطبات دي ايلي احنا اصلا مسمينها مطبات هي في الأساس أسمها مقيات و مش مطبات
المطب بيبقي تجويفه لتحت أما المقب بيبقي لفوق
و بيبقي بيتعمل بحسابات و شغلانه مش حط ايوة كده تمام بقي مطب
و ده كمان طبعا غير البلاعات ايلي اساسا بتبقي اعلي من الاسفلت يا أما يتبقي اوطي منه
و المفروض انها بتبقي بمستوى الأسفلت
ولا بقي صفايات المطر ايلي بتبقي من غير غطي
وكله كوم و المزلقنات كوم تاني بتحس أنك ماشي في جبل و الله
انا مرة العربية اتهبدت منى احلي هبده بسبب المزلقنات دي و برضة المفروض انه يكون المزلقان بنفس مستوى شريط القطر
بصوا اساسا المفروض الواحد مكنش جاب عربية و الله أريح
ده انا بتحصر و الله لما شوف اى فيلم أجنبي أو صحبي لما بيكون نازل أجازة من برة و يحكيلي علي الأدب و النظام و تنظيم الطريق برة

ابصت مثال
أنهرده و انا ماشي سواق تكسي شايفني داخل لقيته راح داخل قدامى من غير اى إحترام ولا أدب عشان كده انا اى حد بيوجع دماغي سواء كلكسات او نور عشان يعدي او أخليه يعدي بديله إنتظار و يخبط بقي دماغة في الحيط
بجد انا حاسس انى بقيت بارد بسبب السواقة دي

معلش انا طولت عليكم بس و الله انا بتكلم من ايلي انا شايفة من شوارع و ناس و سواقين و حتي قطط في الشارع
القطه من دول تلاقيها متنحه و وقافه قدام العربية ولا هاممها اى حاجة
و تصبحوا علي غير قصدى علي خير

**Super_Star_h** · 19-06-2010 05:25 AM

يا عم انا حصلت معايا قبل كده 3 مواقف بالعربيه دى برضو
وجت منهم خبطتين فى القايم الحديد اللى تحت العتب والحمد لله مافيش اي اضرار
كان بلاعه مفتوحه خالص من غير غطا وفى شارع عمومى
وملف فى القاهره غريب وعجيب الشكل اسوء ملف شوفته فى حياتى
الرصيف الجزيره تاخدك مع الملف وتلف معاه عادى جدآ
وتلاقى الدنيا اتغيرت 120 درجه والرصيف بقى فى وشك عدل
لاقيت القايم حديد بقى فوق الرصيف عند اخره من غير ما اطلع فوقيه اساسآ !!!!!!
وفى نفس اليوم برضو فى القاهره بلاعه الغطا بتاعها تحت الارض غاطس
لاء وايه كمان فى نص الشارع واول ما تنزل من على الكوبرى بضبط يستقبلك بالاحضان
اللى هو اساسآ الكوبرى كان جاى بملف مستحيل تشوف البلاعه دى اصلآ وانت ونازل
قامت الطاسه بتاعة العجله طارت وهوووووووووب الجنط اتعوج سنه بسيطه والكاوتش فسى
وقابل بقى يا معلم عند اقرب ميكانيكى يضبطلى الجنط وينفخ الكاوتش عشان اتنيل ارجع اسكندريه
طب اسكندريه دى انا حافظها خرم خرم وشارع شارع وبلاعه بلاعه بحكم شغلى
انما ايه خلانى انا اطلع القاهره فى اليوم ده وابهدل لوجى معايا

**frhateg** · 19-06-2010 01:40 PM

الله يكون في عون الجميع في البلد دي . معظم الشوارع متكسره بالطول و العرض اي و الله بالطول و العرض . يعني بحس انهم لو سابوها من غير اسفلت يكون افضل . و تلاقيهم مهتمين بالشوارع المهمة فقط و اللي المسئولين بيمشوا عليها اما الشوارع الاخري فمقولكشي . لك الله يا مصر .