الموضوع: مسجد بحاجة ماسه لتكييفات-يا باغي الخير اقبل 1

أنا مش فاهم الناس الطيبة بتتناقش في إيه أكرمنا الله جميعا .. وليه في ناس معترضة على ناس تانية إنها تدفع في حاجة زي كده

ياجماعة الموضوع كله لله أولا وأخيرا

واللى شايف إنه صرف في مصارف الخير الأخرى وعايز يصرف في المسجد ده كمان أهلا وسهلا بيه .. اللى شايف إن لسة في مصارف أولى عنده عايز يصرف فيها ومش هايقدر يصرف على المسجد دلوقتي لغاية مايخلصها .. برضه عند ربنا سواء هنا أو هنا لأن الموضوع مافيهوش أي نوع من أنواع الإجبار ... وكمان اللى ماعندوش مصارف للخير يصرف فيها ونفسه يلاقي .. أهي الفرصه جتله ... الموضوع بسيط كما البساطة ذاتها مش محتاج المناقشات دي كلها

وكلنا ثقة في كريم باشا إنه هايحطها في موضعها والراجل قالنا إنه هايصور لنا المسجد بعد تركيب المكيفات وإنه هايشرف على تركيبها بنفسه

ياجماعة اللى عايز يساهم أهلا وسهلا بيه .. اللى مش عايز ماينكرش على إخوانه المساهمة

وبعدين كريم بك منير مش عامل الموضوع للمسجد ده فقط ولكنها حملة أطلق عليها ياباغي الخير أقبل وأكيد هاتلاقوا مصارف تانية كتير بإذن الله للي عايزها

وبعدين دا المسجد مبني من عشر سنوات وكلنا عارفين من عشر سنوات الجو كان عامل إزاي بالمقارنة بدلوقتي

جزاك الله خيرا جميعا

جزاك الله خيرا يا أستاذ كريم على روحك الطيبة

بصراحة أنا أتحرجت أكتب عالعام وفضلت إرسال رسالة خاصة
وخاصا إن المبلغ ضئيل جدا وهو 50 جنية أنا عارفة انة ميعملش حاجة خااااااااااااالص بس أتمنى انى أكون مشاركة معاكم فى العمل الخيرى
أنا أسفة على قلة المبلغ ولكن والله لو أملك أكثر لساهمت فأنا ربة منزل ولا أملك دخل خاص بى ( أنا محرجة جدا )
حضرتك يا ريت تبلغنى ارسلة ازاى وان شاء الله هحاول أجمع مبلغ تانى لو فى الإمكان .

ربنا يكرمك ويقدرك على مساعدة الأخرين

جزاكي الله خير اختي الفاضلة وبارك الله في مالك واهلك واخلف عليكي بالرزق الطيب المبارك
(ولا تحقرن من المعروف شيئـــــا )


قال تعالى في كتابه الكريم :( وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِنْدَ اللَّهِ هُوَ خَيْرًا وَأَعْظَمَ أَجْرًا وَاسْتَغْفِرُوا اللَّهَ إِنَّ اللَّهَ غَفُورٌ رَحِيمٌ ) سورة المزمل الاية 20

(مَنْ ذَا الَّذِي يُقْرِضُ اللَّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً ) -البقرة: 245

ومَا تُنفِقُوا من خَيرٍ يُوفَّ اليكم وَأنتم لا تُظلَمُون -البقرة: 272

الذين يُنفقُون أموَالَهم بالَّيل ِ و النَّهَار سِرًّا وَ عَلانِيَة ً فَلَهُم أجرُهُم عِندَ رَبِّهم وَ لا خَوفٌ عَلَيهِم وَ لا هُم يَحزَنُون – البقرة: 274

(قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ

(مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ (261) الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ ثُمَّ لا يُتْبِعُونَ مَا أَنْفَقُوا مَنّاً وَلا أَذىً لَهُمْ أَجْرُهُمْ عِنْدَ رَبِّهِمْ وَلا خَوْفٌ عَلَيْهِمْ وَلا هُمْ يَحْزَنُونَ (262)) البقرة


لَن تَنَا لُوا البِرَّ حَتَّى تُنفِقُوا مِمَّا تُحِبُّون وَ ما تُنفِقُوا مِن شيءٍ فَانَّ الله بِه ِعَليم - آل عمران: 92

والايات كثيره تحث على الانفاق في سبيل الله

عن أبي هريرة رضي الله عنه أن رسول الله - صلى الله عليه وسلم - قال : ( قال الله : أَنْفِق يا ابن آدم أُنْفِق عليك )

عن أبي هريرة رضي الله عنه أن النبي صلى الله عليه وسلم قال : " ما من يوم يصبح العباد فيه إلا ملكان ينزلان فيقول أحدهما : اللهم أعط منفقا خلفاً ، ويقول الآخر : اللهم أعط ممسكاً تلفاً " .
رواه البخاري ( 1374 ) ومسلم ( 1010 ) .

على سبيل المثال من فوائد الصدقة:

- أن الملائكة تدعو للمتصدق بزيادة أمواله فيما روي عنه صلى الله عليه وسلم حيث قال... انه في كل يوم ينادي منادي اللهم اعطي منفقا خلفا....واعطي ممسكا تلفا.. او كما قال المصطفى صلى الله عليه وسلم..

- تيسير الامور

قال تعالى:واما من اعطى واتقى وصدق بالحسنى فسنيسره لليسرى..
وذلك دليل على تيسير الامور في الدنيا وجعلها ميسرة بفضل الاعطيات من الصدقات.

-أنها تطفىء غضب الله عز و جل.

-أنها علاج وشفاء لكل الأمراض فيما روي عنه صلى الله عليه وسلم حيث قال...داووا مرضاكم بالصدقة.

-أنها تزيد و تبارك في الأموال لقوله صلى الله عليه و سلم ما نقص مال من صدقة.

-أنها تلين من قسوة القلب فإنَّ الإحسان إلى المحرومين يكافئ الله عليه عبده بتليين قلبه لحديث النبي صلى الله عليه وسلم: (إن أردت أن يلين قلبك فأطعم المسكين، وامسح رأس اليتيم).

- تدفع البلاء عن المتصدق و أهل بيته فيما روي عنه صلى الله عليه وسلم حيث قال...صنائع المعروف تقي مصارع السوء....

انا بتضايق من المشاركات السلبية لكن للاسف مش قادر اقول الا ان التكييف بقى مهم طبعا جدا لكن المشكلة فى الاولويات يعنى 25 الف جنيه يعملوا كتير جدا..والحال صعب جدا دى فى جمعية اسمها اختار اسرة بصيت على الحالات بتاعتها تلاقى اسرة دخلها 150 جنيه!!!! وطالبين معونة 200 جنيه بس فى الشهر!!!!! تخيل الناس دول عايشين ازاى..فالاولوية ليهم اكيد وبعد منخلصهم ساعتها نبنى جوامع ونزينها ونكيفها..أنا بقول الكلام ده لانى شيخ الجامع اللى بنصلى فيه قال عايزين تكييف وبعدين قال مش معقول تكييف على السجاد القديم (مش عارف ايه العلاقة) فعايزين سجاد جديد وكل اسبوع يقول المبلغ طلع اكتر من اللى مقدرينه لغاية لما وصلنا لما يقرب من 70 الف!!!!!!!!!!!!!!! وانا قاعد بتحسر على المبلغ ده كله....اه خلت الجامع مريح للمصلين بس ده يجى ايه جنب اسرة تعيش مستورة طول الشهر او بنت متخرجش من تعليم او مريض يلاقى علاجه

متزعلش من ارائنا يا استاذ كريم بس لو قلت للناس دى عايزين 25 الف علشان نعالج مرضى ولا لايتام ولا ارامل حتلاقيهم كلهم بيتسابقوا يساهموا وحتجمعهم واكتر

المشاركة الأصلية كتبت بواسطة ahmed4000

انا بتضايق من المشاركات السلبية لكن للاسف مش قادر اقول الا ان التكييف بقى مهم طبعا جدا لكن المشكلة فى الاولويات يعنى 25 الف جنيه يعملوا كتير جدا..والحال صعب جدا دى فى جمعية اسمها اختار اسرة بصيت على الحالات بتاعتها تلاقى اسرة دخلها 150 جنيه!!!! وطالبين معونة 200 جنيه بس فى الشهر!!!!! تخيل الناس دول عايشين ازاى..فالاولوية ليهم اكيد وبعد منخلصهم ساعتها نبنى جوامع ونزينها ونكيفها..أنا بقول الكلام ده لانى شيخ الجامع اللى بنصلى فيه قال عايزين تكييف وبعدين قال مش معقول تكييف على السجاد القديم (مش عارف ايه العلاقة) فعايزين سجاد جديد وكل اسبوع يقول المبلغ طلع اكتر من اللى مقدرينه لغاية لما وصلنا لما يقرب من 70 الف!!!!!!!!!!!!!!! وانا قاعد بتحسر على المبلغ ده كله....اه خلت الجامع مريح للمصلين بس ده يجى ايه جنب اسرة تعيش مستورة طول الشهر او بنت متخرجش من تعليم او مريض يلاقى علاجه

متزعلش من ارائنا يا استاذ كريم بس لو قلت للناس دى عايزين 25 الف علشان نعالج مرضى ولا لايتام ولا ارامل حتلاقيهم كلهم بيتسابقوا يساهموا وحتجمعهم واكتر

جزاك الله خيرا

مبلغ ال 25000 دول كانت مقايسه من شركة تكييف العام الماضي يعني هما عايزين فعلا يسقعوا المسجد تسقيع كامل

لكن احنا دلوقتي بندور نلطف الجو ازاي فقط بدل بأقل التكالييف ومش لازنم نوصل لدرجة بروده عالية

يعني ممكن نص المبلغ ده يغير كتير من حالة الجو

وربنا يوفق

المشاركة الأصلية كتبت بواسطة hemalotfy

جزاك الله خيرا

مبلغ ال 25000 دول كانت مقايسه من شركة تكييف العام الماضي يعني هما عايزين فعلا يسقعوا المسجد تسقيع كامل

لكن احنا دلوقتي بندور نلطف الجو ازاي فقط بدل بأقل التكالييف ومش لازنم نوصل لدرجة بروده عالية

يعني ممكن نص المبلغ ده يغير كتير من حالة الجو

وربنا يوفق

لو مبلغ معقول يبقى كده احسن بكتير

عامة شركات التكييف بتضرب فى العالى حتى لو جامع

وربنا يوفق الجميع لفعل الخير