الموضوع: مسجد بحاجة ماسه لتكييفات-يا باغي الخير اقبل 1

المشاركة الأصلية كتبت بواسطة alaa74

بالمصادفه كنت اول واحد يشارك فى الموضوع

وعندما قرأت الموضوع بادرت وكتبت مشاركتى وسجلت مشاركتى ونيتى للمساهمه فى هذا العمل الخير دون التفكير فى أى شئ اخر
سواء تعدد أوجه الخير المختلفه أو أولويات المشاركه فى عمل الخير
ودة كان من منطلق إنى مدرك جيدا لأهميه المساهمه فى عمل الخير وأيضا لحرصى وكثيرين على أن نحظى برضا الله عز وجل .

طبعا أنا لم أقصد بالمقدمه دى أن أشكر فى نفسى أمامكم (معاذ الله ) لكن حبيت أوضح لكل الاخوة الاعضاء الكرام سواء المؤيدين للموضوع أو المعارضين لأولويه الموضوع إن مفيش ما يدعو للخلاف فى هذا الموضوع وخاصه إن كل المشاركين مش مختلفين على عمل الخير ، لكن البعض متحفظ على إن هناك أولويات أهم لعمل الخير .

وأنا مش هختلف مع حضراتكم لكن عاوز أوضح نقطه مهمه ومن غير ما أطول عليكم وهو إن كل واحد فينا عندة جواة مساحه كبيرة جدا من الرغبه لعمل الخير وكلنا بنتمنى نعمل خير كل يوم لكن البعض يمكن مش بيبقى متاكد من احقيه بعض الناس للمساعدة أو التخوف من ان مساهمتنا مش هتكون فى محلها او عدم ثقه فى الناس .

لكن الحمد لله كل دة مش موجود هنا فى الحاله بتاعتنا لأنه أولا دة بيت من بيوت الله عز وجل وكمان من خلال أخ كريم ونحسبه دائما على دين وخلق وكلنا نثق فيه ثقه مطلقه ( اخونا كريم منير )

وكمان فعلا الموضوع حقيقى محتاج لتعاونا وتخيل حضرتك لو المسجد دة جنب بيتك وهو المسجد اللى بتصلى فيه وطلب منك انت وكل مرتادى هذا المسجد سرعه التبرع لشراء أجهزة تكييف للمعاونه على الحر الشديد اكيد وبدون تردد هتساهم فورا بقدر إستطاعتك حتى ولو كنت بتعمل خير كل يوم .

خلاصه كلامى إن كلنا نقدر نساهم فى أوجه خير متعددة ونقدر نعتبر دة زى أى مصروف يومى بنعمله زى مثلا قيمه الباركنج بتاع عربياتنا وخاصه فى المولات أو الفنادق أو بعض الاماكن اللى بيتعدى تمن الباركينج فيها 10 جم للساعه الواحدة أو مثل مقابل غسيل عربياتنا أو قيمه مشروبات بناخدها فى اى كافيه من الموجودة اليومين دول أو حتى تمن لعبه بيجيبها اى واحد فينا لأولادة ...... الخ

أخيرا بإعتذر للإطاله ومش عاوز حد يفهم كلامى غلط وانا لم أوجه كلامى لحد بعينه لكن أنا بكلم أكتر من 75000 عضو معانا فى المنتدى .

وجزاكم الله خيرا وتذكروا أن التجارة مع الله هى أربح تجارة لمن يبتغى مرضاة الله .

وهختم بعنوان الموضوع يا باغى الخير أقبل

تقبلوا تحياتى

الاخ الفاضل الاستاذ علاء

والله اني في اشد الفرحة والسرور بعد قرائتي لكلماتك والله انها ادخلت الامل لي بعد ان كدت افقد الامل ويضيع الحلم

جزاك الله الف خير ووفقك دائما انت واخي كريم لفعل الخير

يا جماعة انا ملاحظ حاحة غريبة الناس سابت موضوع التكيف نفسه ومسكوا في ايه الأولى
اهم حاحة في الصلاة الخشوع .. لو واحد طلع من خشوعة في الصلاة او سهى عنها ممكن صلاته تبطل .. يعني من الأخر لو فعلا المسجد محتاج تكيفات والدنيا حر للدرجة دي يبقي فعلا التكيف اصبح ضرورة .. لأن لو الناس بتصلي تعبانه ممكن تنفر من الصلاة وممكن تفقد تركيزها .. يبقي الموضوع اصبح مش رفاهية خالص
ممكن حد يسغرب كلامي . بس انا بقول لو حد مش مصدقني انزل جرب صلى في مسجد حر .. لأن انا مجرب لدرجة اني غيرت المسجد الي قريب مني بسبب التكيف لأني فعلا من كتر الحر والكتمة مش ببقى قادر اصلي دا غير الناس اللي حوليك وكتمة النفس وتفضل تنزل في ميه ..

يا جماعة تهيئة جو الصلاة بقيت حاحة مهمة ..

ممكن ناس تشوف ان احنا نساعد حد مسكين اولى .. كل شخص حر في انه يحدد اولوياته .ز بس المهم انه يطلع في حتة تانية مش نقعد نقول اولى اولى وفي الأخر مفيش حاحة هتطلع .. (يعني هل كل شخص قال ان في حاحة اولى راح طلع في الجهة الأولى؟؟)

بجد انا شايف ان التكيف في المساجد المغلقة ضرورة .. ويكفي انها بإذن الله صدقة جارية ..


أنا والله بعبر عن وجهت نظري ولا اقصد الأساءة لأحد انا فقط بوضوح فكرة ان اللي يجرب يصلي في مسجد مكتوم وحر وعرق هيعرف هل التكيف رفاهية والا لأ ؟ ولو حد شايف انه رفاهية ياريت يطلع في الجهة اللي هو شايفها اولى من وجهت نظره لأن العببرة بإن الإنسان ينفق في جهة الخير .. فنعتبر الموضوع تذكرة لينا بالصدقة .. بدون تخصيص

واسف على الأطالة

المشاركة الأصلية كتبت بواسطة samoevil911

ممكن ناس تشوف ان احنا نساعد حد مسكين اولى .. كل شخص حر في انه يحدد اولوياته .ز بس المهم انه يطلع في حتة تانية مش نقعد نقول اولى اولى وفي الأخر مفيش حاحة هتطلع .. (يعني هل كل شخص قال ان في حاحة اولى راح طلع في الجهة الأولى؟؟)

جزاك الله كل خير

كلام اكثر من ممتاز تشكر عليه وارجو من الله تأخذ عليه ثواب الدال على الخير

واحب أأكد ان المشوار مازال طويلا فانا اجمع التبرعات من الاشخاص الذين اعرفهم ومن هنا من المنتدى بفضل الله ثم اخي كريم جعله الله في ميزان حسناته وان يكون من ينطبق عليهم الحديث الشريف ( الدال على الخير كفاعله )

بارك الله في من حاول فعل الخير او الدعاء اليه سواءاً بالقيل ام بالكثير بارك الله في ماله واهله وولده وفي صحته وعمره واخلف عليه ووفقه لما يحبه ويرضاه


معادلة بسيطه

عدد قراء هذا الموضوع حتى هذه اللحظة تقريبا 778

لو ان كل شخص تبرع بمبلغ 10 جنيه فقط * 778 = 7780 جنيه

كان ممكن نشتري جهازين شباك 3 حصان ثمن الجهاز 3200 جنيه تقريبا
او جهاز اسبليت 5 حصان

المشاركة الأصلية كتبت بواسطة the-hero

سيبنا الموضوع الاصلى وهو التبرع وأبتدينا بالخلاف والاراء كالعادة
يا جماعة الراجل عامل الموضوع لهدف معين وهو بقدر عالى من الذكاء والتفهم فى كل الاحوال التانية والاولويات فياريت بلاش نجادل ونركز فى مشكلة الجامع وعلاجها بس
وجذاكم الله خير وجعلكم دائما سند لنصرة الاسلام والمسلمين
وفقكم الله وراعكم

+1111
انا مستغرب بصراحه كمية الاختلاف ولم اكن اتوقعها
الاستاذ كريم قال ما معناه ان الهدف مش رفاهية التكييف الهدف الخشوع في الصلاه
فكر في الهدف ده وخليه هو نيتك في عمل الخير

ووجود باب للخير لا يلغي الابواب الاخرى

المشاركة الأصلية كتبت بواسطة hemalotfy

معادلة بسيطه

عدد قراء هذا الموضوع حتى هذه اللحظة تقريبا 778

لو ان كل شخص تبرع بمبلغ 10 جنيه فقط * 778 = 7780 جنيه

كان ممكن نشتري جهازين شباك 3 حصان ثمن الجهاز 3200 جنيه تقريبا
او جهاز اسبليت 5 حصان

معادلة رائعة
الاخت اللي خجلت من مبلغ 50 جنية ,, يا ريت كل عضو يتبرع ب 30 جنيه بس