الموضوع: الداخليه المصريه واحدث سيارات الدوريه .. لا المره دى بقا بجد مفاجئه !!

المشاركة الأصلية كتبت بواسطة muslima

عادي وفيها ايه؟

أيه الى عادى بالظبط

وكأن لسان حال الشرطة يقول للشعب:ان مكنتش انت تدلعني مين هيدلعني.

بصراحه انا ماشوفتش غير الكابتيفا والكيا سورينتو والميجان و الاوبترا وكمان انضمت ليها BMW X3 يلا مصر بقت
Need for speed Most Wanted

يلا مش مهم وانا شوفت فى الطارق الدائرى بعد ماتش الاهلى بتاع الكاس عربببيه كوفرت عدت من جمبى صاررررررروخ معرفتهاش غير من ظهرها وبصراحه الواد كان طاير كان جايب فوق ال 200 يادوب ثانيه كده لاحظت العربيه من ورا واختفت العربيه

المشاركة الأصلية كتبت بواسطة أبو إياد

الناس مموته نفسها فى الشغل وبتتعب من كتر التعذيب وضرب المواطنين ده غير ان صوتهم بيتعب من كتر الزعيق

مستخسرين فيهم شويه عربيات بى ام يركبوها

انتوا شعب غريب وعجيب ده بدل ما تشتروا هديه وتباركوا على العربيات الجديده تحقدوا عليهم

يابخت اللى قريبه امين شرطه

المفروض اننا يا جماعه نشتغل ونشقى ونلم من بعض ونجيب عربيه فورد موستنج ونديها لظابط شرطه هما دول الى بيحمونه يا جدعان وبيضربونا فى نفس الوقت

هما خسرانين حاجة كلة من فلوسنا

المشاركة الأصلية كتبت بواسطة medoxmedox

دا كويس انهم مطلبوش طيارات هليكوبتر لغايه دلوقتي
و الشرطه في خدمه الشعب
و سلملي علي الشعب

الجيش عمره ما هيسمح لاى جهة اى كانت باستخدام طائرات هليكوبتر
كنت قريت عن مشروع التاكسى الطائر من حوالى سنة ولم يتم تنفيذة حتى الان !!!
حتى الاسعاف الطائر اللى بيقوله عليه ....تابع للجيش ....
مش قادر افهم اية السبب؟ يمكن خايفين للشرطة تعمل انقلاب مثلا او الشعب يعمل انقلاب ويستولى
على الطائرات وتتباع خردة فى الوكالة مثلا
رغم انى شايف ان الهليكوبتر ساعات هو الحل الوحيد زى المناطق الجبلية والعشوائيات اللى مينفعش تدخل العربيات
الكبيرة فيها زى الكابتيفا و X3 إلا انهم مش هيفكروا ابدا يديهم طائرات من اى نوع ولا حتى طائرات ورقية

انا كل يوم هطلب الاسعاف عشان اركب ال A class الاسعاف الجديده