الموضوع: الداخليه المصريه واحدث سيارات الدوريه .. لا المره دى بقا بجد مفاجئه !!

اللى عايز يتفرج فى اربع عربيات اودام توكيل بى ام الجديد اللى فى طريق الاوتوستراد اللى ورا شيراتون !!

المشاركة الأصلية كتبت بواسطة ahmed samy

اعبر عن سعادتي البالغة لرؤية بلادي تتقدم و تتحضر و تتطور

و عقبال ما نشوف الفئة السابعة الاستيشن المتفيمة اسود فاسود و الحصنة قدامها و المزيكا حواليها

لا يا دكتور و انت الصادق عقبال لما نشوف عربية المدفع السودا الملفوفة فى علم مصر و حواليها الورود و الجماهير الغفيرة (المنافقين أكيد)

المشاركة الأصلية كتبت بواسطة ahmed a.maksoud

معظم العربيات القيمة اللى كنا بنشوفها قبل كده زى السورنتو و الكامرى كانت بتيجى من دول عربية على سبيل الهدية أو المعونة....مش عارف بالظبط

بس أن تكون العربيات المرة دى موجودة قدام التوكيل فى شيراتون دى اللى جديدة...........و لا يكونوا جايين هدية برضه و هما مش عارفين ميكانيكى كويس؟؟؟؟

ممكن يدخلوا قسم بى أم يسألوا و الف مين يدلهم


حسبى الله و نعم الوكيل

لا ما هو بعد ما حصل تسييح فى موضوع رشوة مرسيدس المرة دى قالوا ناخد حقنا عربيات من البافارية بدل السياح و الفضايح
و اهو كله رايح للبلد هو احنا بناخد حاجة فى جيوبنا لا سمح الله !!!

المشاركة الأصلية كتبت بواسطة ahmed a.maksoud

معظم العربيات القيمة اللى كنا بنشوفها قبل كده زى السورنتو و الكامرى كانت بتيجى من دول عربية على سبيل الهدية أو المعونة....مش عارف بالظبط

بس أن تكون العربيات المرة دى موجودة قدام التوكيل فى شيراتون دى اللى جديدة...........و لا يكونوا جايين هدية برضه و هما مش عارفين ميكانيكى كويس؟؟؟؟

ممكن يدخلوا قسم بى أم يسألوا و الف مين يدلهم


حسبى الله و نعم الوكيل

والله حتى لو واخدينها شحاتة طيب صيانتها وبنزينها شحاتة برضوا ؟!!
الداخلية اتهبلت بعد تعديل قانون المرور واضح انة عملهم سبوبة حلوة
زمان كانت الناس بتتريق على العربيات المرسيدس اللى بيجيبها الوزرة علشان مال حكومة .. طيب والله عندهم حق اذا كان الامناء بقوا بيركبوا كامرى واوكتافيا وبى ام وفكترا وميجان وكابتيفا وسورينتو والله اعلم اية تانى فى السكة يبقى الوزير من حقة يركب مرسيدس واحدث موديل كمان


اة نسيت اقول حاجة من منظظر العربيات واضح جدا انهم طالعين من التوكيل حتى لسة مركبوش نمر .. يعنى يادوب لزقوا الشرايط الصفرة وركبوا الفنار وواقفين اودام التوكيل على الاستلام

اااااااااااااااااااااه يابلد فعلا الكبير لازم يتظبط علشان يعرف يظبطكم

انا شوفت الصوره بس مش مصدق غير لما اشوف نمر الشرطه عليها وامين الشرطه سايقها وبيطفى السجاير على الموكيت بتاعها

اخطف رجلك لشيراتون وانت هتصدق

اللى عايز يشوف العربيات دى يعدى على فرع البافارية اللى فى الماظة

لونها اسود و راكنه هناك من غير نمر و معلقة السارينة فوق السقف :)