الموضوع: الى خبراء 128 لاتبخل على بالنصيحه

دي اول مشاركة في المنتدى
جبت 128 موديل 1990 موتور 1300 خمسة غيار من تاجر اخدها من مزاد تبع الجيش وباقسطله
واساسا اتعلمت فيها السواقة والكلام ده من 6 شهور - بس ماعرفش تاريخها ايه
ولكن حاسس اني مش فاهم فيها حاجات كتير - زي الهوايات في التابلوه فيها 3 دراعات صغيرة مش عارف فايدتهم - وهل ممكن الغيهم ولا لأ وأحط مكانه كاسيت من الصغيريين مثلا
ومش عارف حد صنايعي كويس اثق فيه في الكهربا او العفشة او الميكانيكا
لان عندي مشاكل دبدبة او حكة في العجل الامامي ورعشة بعد90 كيلو احيانا ماراحتش بعد الترصيص
والفتيس بيعلق في الغيار الاول و الخلفي
ونور الفوانيس الامامية محول ومركز على الادوار العليا في المباني التي امشي بجوارها مش قدامي!! وباضطر امشي بالنور العالي وياريته نافع راخر!!
دا غير مكنه قربه رشاش الزجاج الامامي عطلانة ومساحة مكسورة
وخايف برضه من الحرارة لانها سخنت جدا والمؤشر قرب ناحية الاحمر لاول مرة

ساعدوني على فهمها - انا مش عايز تظبيط وبوية وزينون , انا عايز عربية متينة اسمها 128 اسافر بيها مع اسرتي لاني مش شايف اني ممكن اغيرها دلوقتي او بعدين (اسباب مادية طويلة الاجل)
بالمناسبة العربية مافيهاش حاجة خالص - لا كاسيت ولا سماعات ولا اريال وكرسي السائق مكسور ومائل للخلف والاكر في الابواب لا تعمل جيدا

انا حاسس اني ممكن اكون معقدكم بالعربية دي - بس هي جميلة وبتسعفني والحمد لله لانها ماشية كويس بس خايف تعمل الدنيئة في يوم , عشان كده قولولي من فضلكم اصونها ازاي من ناحية الكفاءة والاعتمادية زي ما بيقولوا
والمهم ميزانية تقريبية لتصليح ماسبق والكشف عن واصلاح الحالة الحالية

شكرا واسف للصداع

المشاركة الأصلية كتبت بواسطة piowood

بص يا أستاذ .. انا معايا 28 برضو ...
بس أهم حاجة في العربية دي بجد انك ماتهملش في صيانتها خالص عشان ماتتعبكش يعني هي عربية كويسة بس في الأخر على أد فلوسها برضو يعني ضعيفة الى حد ما ..

بس حاول تغير كل حاجة في ميعادها يعني الزيت مثلا لية وقت وتغيرة حسب حالة الموتور وكذلك سير الكاتينة مثلا .. وهكذا ...

وربنا يباركلك فيها ..

المشاركة الأصلية كتبت بواسطة mememsaid

اولا الف مبروك
ثانيا انا مع ميدو في كل اللي قاله بالحرف الواحد وياريت تعمل اللي قاله اول ما تركب العربيه مش لما تتعلم
ميدو ماسبليش حاجه اقولها بصراحه الراجل جبلك المفيد بس فيه كام نقطه كدا عايز اقولهالك نصيه وياريت تعملها
1- تجيب نوته صغيره تكتب فيها عملت ايه في العربيه من ميكانيكا وكهربا بالتاريخ ورقم العداد وخصوصا (حط مليون خط) تغيير الزيت وسير الكتينه وياريت ماتتاخرش علي الكتينه عشان كله علي بعضه تقريبا ب 30 جنيه بس لو اتقطع فيها فيلم
2- عينك وانت ماشي دايما تكون علي عداد الحراره عشان ساعات العربيه بتقل باصلها والمروح مش بتشتغل فلو الحراره عليت بردو فيها فيلم واياك لو الحراره عليت تفتح الريداتير. اصبر عليها خالص لغايه لما تبرد وافتح حته حته عشان تدخل هوا الاول جوا الريداتير وخلي بالك من فوران الميه وزود ميه والعربيه شغاله (لازم تكون العربيه شغاله)
3 - من راي اجل موضوع الفشه ده لغايه لما تتعلم وبعد كدا اعمل اللي انت عايزه فيها الا للضروره القصوي بلاش تفتحها علي نفسك دلوقتي
4- مبروك مره تانيه ويكفيك شرها

الف الف شكر على نصلئحكم الغاليه وهاعمل زى ماقولتولى بالورقه والقلم بس ليا استفسار

الكلاكس مابيشتغلش من الصاره والكهربائى قالى لازم قطمه ودراع وبيتباعو على بعض بس انا مش عارف اجيبهم منين لانى نزلت التوفيقيه مالقيتهومش فياريت لو حد يعرف يقولى

نسيت اسالكم اجيب كبالن صينى ولا اخلينى فى الايطالى على طول

المشاركة الأصلية كتبت بواسطة eng:mohamed

مش حتلاقي إيطالي...حتلاقي ألماني..ومش حتلاقي حد يضمنلك إنه ألماني..بس هو سعره حوالي 85...
والصيني ب 55...
انا مركبه من حوالي سنه..وشغال زي الفل الحمدلله...

انا سالت عن الكبالن امبارح فى التوفيقيه لقيت جوز الكبالن الايطالى ب 170 جنيه والالمانى ب230 ومالقيتش صينى ايه رايك وهل الصينى فعلا كويس والا اجيب ايطالى ولو الصينى كويس اجيبه منين

ياجماعه العربيه ماركبتهاش بقالى يومين وجيت اركبها امبارح بالليل ماداريتش فهل ده عيب مارش ولا عيب بطاريه