الموضوع: يا خبراء الدايو محتاج مساعدة ضرورية

طيب فيه سؤال

عيب التنتيش ده بيبان معاك برضه وأنت مدور وواقف فى مكانك بالعربيه

لو آه

نظف بلف الأيدل والبوابه برضه وأعمل أيدل ليرن

ياترى عملت الكلام ده قبل كده

وهل كشفت على البوجيهات وشوفت حريقها عامل أيه

لأن الجديد اللى حصل لما فولت التنك النهارده
يخلينا نشك فى كل حاجه

سواء دايرة بنزين أو دايرة أشعال

وهل نظفت فلتر البنزين زى ما أتفقنا قبل كده

فلتر البنزين جديد كذالك البوجيهات بس انا فى سؤال مش المفروض الواحد لما بيفصل بطارية العربية و يرجع يركبها المفروض انة يعمل ايدل ليرن
و بعدين انا المفروض عندى فلتر اسبور هل دة ياثر عىل الموضوع دة ولا مش لية اى علاقة و بعدين لما بيحصل موضوع التنتيش دة بلاقى انى لما اكون ممور العربية و واقف مكانى و ادوس بنزين بلاقى العربية مخنوقة و مرة واحدة الاقى الار بى ام نط فوق بالظبط زى العربيات الكربراتير لما يكون فى وساخة بدوس بنزين بتلاقى الار بى ام بيطلع براحة اوى و العربيى مخنوقة بس مرة واحدة تلاقية نط لفوق

مش المفروض الواحد لما بيفصل بطارية العربية و يرجع يركبها المفروض انة يعمل ايدل ليرن

نعم

وساعات بيبقى عمايله زى قلتها طالما العربيه لسه جديده ( زى عربيتك )

وبلف الأيدل حالته حلوه

و بعدين انا المفروض عندى فلتر اسبور هل دة ياثر عىل الموضوع دة ولا مش لية اى علاقة

منطقيا لا ....وجايز يكون فيه علاقه

حسب حالة الرشاشات وضخها للبنزين

على أساس الفلتر الأسبور بيدخل هواء كتير للمكنه

ومع تحديد فترة ضخ البنزين للرشاشات

وهى مش بالكفاءه الكامله ومسدوده شويه مثلا

حيبقى الخليط فقير وممكن تحصل التنتيشه

و بعدين لما بيحصل موضوع التنتيش دة بلاقى انى لما اكون ممور العربية و واقف مكانى و ادوس بنزين بلاقى العربية مخنوقة و مرة واحدة الاقى الار بى ام نط فوق بالظبط زى العربيات الكربراتير لما يكون فى وساخة بدوس بنزين بتلاقى الار بى ام بيطلع براحة اوى و العربيى مخنوقة بس مرة واحدة تلاقية نط لفوق

طيب ماتنظف البوابه كويس جدا وتزيتها من حوالين القرص لتسهيل عمل حساس البوابه

وفى نفس الوقت

شيل خرطوم حساس الماب بره المكنه ونظفه كويس من أى عوالق جواه

ممكن تكون دخلت أليه بسبب الفلتر الأسبور

وعامله شوية قلق فى عمل الحساس

وركب الخرطوم تانى مكانه بين زور البوابه وحساس الماب


لأن الفلتر الأسبور بيعتبر شىء دخيل على حسابات المكنه

وفيه هنا تعديل حصل فى خط دخول الهواء للمكنه

ولا نعرف سلبياته

غالبا هنروح نعزى فى طلمبة البنزين دى قريب
انا اسف

و نعم بالله

طب مانا ممكن اشيل الفلتر من حساباتى بانى الركب الفلتر بتاع العربية و اجرب
و بكدة نبتدى نخرج حاجة حاجة من حسابتنا

طب مانا ممكن اشيل الفلتر من حساباتى بانى الركب الفلتر بتاع العربية و اجرب
و بكدة نبتدى نخرج حاجة حاجة من حسابتنا

كلام جميل

وفعلا أنا بأحب التفكير اللى بالشكل ده

خلاص انا هشيلة بكرة و اجرب خصوصا ان كليتى فى الشروق و انا هروح هناك عشان عندى امتحان

متابع باهتمام