الموضوع: أية رأيكم فى شراء سيارات الحوادث أو المعيوبة , و هل ليكم تجارب ؟

فيه واحد صاحبي برضة بيشتري عربية الحوادث وساعات بيبيع العربية بحادثتها يعني بيكسبلوا فيها مثلا 1000 او 2000
لو حد عايز انا ممكن اول ما يقع تحت ايدي عربيه او تحت ايد صاحبي حقولوكوا عليها وانزلكوا الصور والسعر المطلوب واللي عايز يجي يشوف العربية اهلا وسهلا بيه

متشكرين لتفاعل حضرتك معانا وغالبا كل كلامك صح بخصوص انك صعب تطلع حاجه من هناك الا بطلوع الروح.
او ان التجار سايبين حاجه فعلا مش نافعه.دى كانت زياره واحده من حوالى 4 سنين.
اتوكل على الله واحنا معاك ياشمس ههههههههه.
بالتوفيق ان شاء الله

المشاركة الأصلية كتبت بواسطة amrnagy

يا باشا انا في الخدمة
المشكلة بس في حاجة واحدة ان الشراء ببقي في مزاد اظرف مغلقة يعني الواحد بكتب السعر اللي هوه شايفه مناسب والمشكلة ان قليل قوي لما الواحد يعرف يطلعله بعربيه
فيه واحد صاحبي برضة بيشتري عربية الحوادث وساعات بيبيع العربية بحادثتها يعني بيكسبلوا فيها مثلا 1000 او 2000
لو حد عايز انا ممكن اول ما يقع تحت ايدي عربيه او تحت ايد صاحبي حقولوكوا عليها وانزلكوا الصور والسعر المطلوب واللي عايز يجي يشوف العربية اهلا وسهلا بيه

شكرا ياباشا احنا معاك وياريت تحط الموضوع في بالك وانت وصاحبك تستاهل 1000 أو 2000 احسن من الغريب وربنا يوفقكم
ومنتظرين من حضرتك العروض والاسعار في الفتره الجايه وتقييم حضرتك المبدئ عن الاضرار وتكلفه التصليح وياريت لو هتعمل موضوع مستقل تدخل هنا وتحط الرابط

الكلام حلو بس لو اشتريت عربية عامله حادثة لازم تاخد بالك من حاجة ما افضل يصلحها صاحبها ويبعها واقفة ممكن يكون بيبيع لانه متاكد انه التصلح هيكلف اكتر فيبيع ويريح دماغه بالحالة الي هي عليها وبعدين غالبا بعد المعالجة للسيارة مستحيل ترجع 100100 زي الاول وممكن كمان ينتابك شعور الشك في السيارة الوسواس يعني اي مشكله تظهر تفتكر انها كانت عاملة حادثة وتفتكر شكلها انا رايء اهين قرشي احسن ما اتهان انا

المشاركة الأصلية كتبت بواسطة mohamedrabia

الكلام حلو بس لو اشتريت عربية عامله حادثة لازم تاخد بالك من حاجة ما افضل يصلحها صاحبها ويبعها واقفة ممكن يكون بيبيع لانه متاكد انه التصلح هيكلف اكتر فيبيع ويريح دماغه بالحالة الي هي عليها وبعدين غالبا بعد المعالجة للسيارة مستحيل ترجع 100100 زي الاول وممكن كمان ينتابك شعور الشك في السيارة الوسواس يعني اي مشكله تظهر تفتكر انها كانت عاملة حادثة وتفتكر شكلها انا رايء اهين قرشي احسن ما اتهان انا

ياباشا موضوع عربيات الحوادث ده مش جديد وانت لما هتجيب عربيه عامله حادثه اكيد انت عارف ايه الموجود فيها وحضرتك ممكن تنزل السوق وتشتري عربيه سليمه وتدفع فيها مبلغ وقدره وبالصدفه تكتشف ان العربيه دي مثلا مغيره ربع او رفرف اوي اي حاجه بس هي كانت معموله بحرفيه عاليه علاشان كده محدش اكتشفها
وانت لما تجيب عربيه من الاساس عارف انها عامله حادثه اهو انت بتبقي عارف العيب فين وعربيات الحوداث مش كلها زي بعضها انت اختار عربيه تكون الاضرار بيها خفيفه
وفي الاخر هي وجهات نظر وكل واحد دماغه وتفكيره مريحه يعني حضرتك مش مؤيد الفكره فيه ناس مؤيدها لو كل الناس بتفكر نفس التفكير كانت الدنيا وقفت

المشاركة الأصلية كتبت بواسطة amrnagy

بصوا يا جماعة دلوقتي انا كلمت صاحبي وقالي ان معاه لوجان 2010 عاملة 3500كم طالب فيها 35000 جنيه
العربية محتاجة سمكرة ودوكو وازاز للعربية
اللي يحب يعاين العربية مفيش مانع
رقمي 0100442288 والعربيات بتبقي موجودة في وادي حوف - حلوان اللي يحب يبقي يكلمني
اللوجان الكاملة علي فكرة ب 68000 جنيه انا حبيت بس اقولكم علي سعرها جديد علشان اللي عايز يفكر
تكلفة الاصلاح حتكون في حدود من 6000 الي 8000 جنيه

ياريت يا باشا لو حضرتك تحط لينا صور الاماكن الموجود بيها الاضرار وصوره للعربيه بصفه عامه علاشان الناس يكون عندها فكره اكتر
علاشان لو حد من بعيد عن المكان طبعا انت فاهم هنا الناس من محافظات كتير بعيد عن القاهره و الجيزه لو حضرتك مش عاوز تحطها علي العام ممكن حضرتك تظبط مع الناس إل عاوزه تتفرج وترسلها علي الايميل علاشان الواحد لو جاي من بعيد يكون هو عارف جاي علي ايه
وياريت لو موجود او تشوف لينا
اوكتافيا او لانوس او كورولا