حد يفيدنى فى اختيار تكييف

**aymangalal510** · 21-06-2010 05:13 PM

السلام عليكم اعضاء المنتدى الكرام
ممكن حد يفيدنى فى اختيار تكييف يناسب المساحات دى:
غرفة منفصلة 9متر
ريسبشن قطعتين 14+12متر
الدور الثالث والاخير وواجهه قبلى
العداد 10 امبير بتاع الشقة العادية(وبتمنى ماحتاجش تغييرة) بسبب اجرات الحكومة الروتينية(وممكن اغيرة بعد كده)
انا كنت فكر فى حاجه وعاوز مشورتكم ان امكن
فكر اجيب 1.25 حصان للاوضة 9 متر واقسم الريسبشن لصالة وانترية واجيب 1.25 او 1.5 فى الصالة لان الانترية استخدامة نادر عندى وبكده يبقى عندى جهازين بـ 2.75 او 2.5 حصان وماحتاجش اغير العداد الى جانب انى عزلت الصالة عن الانترية وبعدتها عن مصدر حرارة مباشر لان الانترية على الشارع
فاإيه رأيكو فى الترتيبة دى؟ وبعدين محتار بين الاسبليت والشباك الاسبليت اغلى والشباك ازعج وفى كلى الحالتين الكمبرسور هيكون على السلم يعنى مكان متهوى وضل لانى عرفت ان الشمس المباشرة على الكمبرسور بتقلل كفاءة التبريد وسألت واحد بتاع شركة قالى ممكن الـ 3 حصان يكفى الريسبشن كله 26 متر بس كده مش هقدر اخط جهاز تانى فى الاوضه الصغيرة ده غير الحمل اللى على العداد وواحد تانى قالى الـ 3حصان مش كفاية فى المساحة دى وخصوصا ان فوقك سطح متعرض للحرارة ففى كل الامور انا محتار ومش عارف اخد قرار يا ريت تفيدونى من فضلكم
اه نسيت اقول ان 90% من الوقت بنقضية فى الاوضة الصغيرة 9 متر بس خايف اكيف الاوضة دى لوحدها وباقى الشقة يبقى حر عشان كده فكرت فى جهازين واحد فى الصالة والتانى فى الاوضة ويشتغلوا بالتبادل
غير انى محتار فى الماركة كمان لانى ماشوفتش حد اجتمع على افضلية ماركة معينة ولو ان رأيى الشخصى ان كفاءة اى جهاز تعتمد على طريقة استخدامة

**Hacker5** · 21-06-2010 10:17 PM

هو من ناحية الماركة انصحك بشارب او كاريير لكن موضوع تقسيم الغرف دة مقدرش افتى فيه الحقيقة :)

**pro_samir** · 21-06-2010 11:21 PM

في مواضيع كتيرة عن التكييفات دور عليها في القسم الأجتماعي هنا

بس عموما بالذات الدور الأخير يكون افضل لو تجيب قدرة أعلي من اللي انت محتاجها بشوية علشان متجهدش الكمبريسور لأنة مش هيلحق يفصل وبالتالي هيستهلك كهربا اكتر كمان

**Col. Eng. Khaled** · 22-06-2010 03:47 AM

حضرتك حتكعب الغرفة (طول * عرض * إرتفاع) = "س" متر مكعب

إضرب "س" * 250 = ص "وحدة تبريد" (btu)

1 حصان = 8000 وحدة تبريد .

مثال :

غرفة أبعادها 5 م * 4 م * 3 م = 60 متر مكعب (غرفة خالية من المنقولات)

60 * 250 = 15000 وحدة تبريد = 2 حصان تقريبا

إن شاء الله بالتوفيق .

**Col. Eng. Khaled** · 22-06-2010 03:53 AM

هههههههههههههههههه

عادي يا باشمهندس ........ الموقف ده إتحطيت فيه من 9 سنين فحبيت أنقل تجربتي

**Col. Eng. Khaled** · 22-06-2010 04:13 AM

بصراحة مش فاكر أيهما أقل إستهلاكا للكهرباء

rotary compressor or cupling compressor a/c

-

-

-

الموضوع: حد يفيدنى فى اختيار تكييف

LinkBack

أدوات الموضوع

عرض

-

-

-

-

-

المواضيع المتشابهه

فكره / بخصوص تكييف الفلشيا يعنى تكييف بدون حمل على الموتور ياله بينا نشارك فى الحر ده

تكييف اللانوس تفوق بجدارة على تكييف ال rb

تكييف النوبيرا اقوى ولا تكييف اللانوس !

مساعدة فى اختيار اختيار لاب توب " Toshiba , HP "

أركب تكييف للجولف فين (عايز تكييف جولف أصلي إستيراد)

الكلمات الدلالية لهذا الموضوع

المفضلات

المفضلات

ضوابط المشاركة