الموضوع: أستلمت byd f3 gli اليوم . شكرا شركة الأمل

المشاركة الأصلية كتبت بواسطة amersuker

السلام عليكم
معلش يا جماعه انا هاطول عليكو شويه بس اتمنى الردود انا الحمد لله اخيرا استلمت العربيه gli انبارح بس كان ليا بعض الاستفسارات من مالكى السياره لانى وجدت بعض الملاحظات عايز اعرف موجوده فى جميع السيارات ولا لا
1 - المساحه اليمين اقصر من المساحه الشمال
2 - للاسف فى بعض عيوب التقفيل لاقيتها فى الابواب و القوايم زى اللحامات هو ده العادى فى جميع العربيات ولا ايه
3 - تنك البنزين مش مظبوط شويه مفارق شويه لبره
وهل دى عيوب عاديه متستهلش ارجع العربيه عشانها معلش طولت عليكو واتمنى الردود

السلام عليكم ورحمة الله وبركاته


أولا ألف ملييييييييون مبروك علي حضرتك الجميلة byd

ثانيا طول براحتك ولا تقلق فالفائدة تعم علي الجميع من كل الإستفسارات بدء مني شخصيا

1 - المساحه اليمين اقصر من المساحه الشمال
نعم هذا صحيح وكافة السيارات الحديثة كذلك حتي تغطي أكبر مساحة ممكنة من الزجاج وليس هناك أي خطأ



2 - للاسف فى بعض عيوب التقفيل لاقيتها فى الابواب و القوايم زى اللحامات هو ده العادى فى جميع العربيات ولا ايه؟
معذرة ممكن توضح طبيعة العيب بمعني هل شكلها يبدو غير طبيعي أم الفروق بين الصاج كبيرة مثلا بين الباب والرفرف ؟أم ماذا تحديدا ؟! ومن المفضل إذا تيسر توضيح بالصور علي الطبيعة


3 - تنك البنزين مش مظبوط شويه مفارق شويه لبره
تانك البنزين موجود أسفل السيارة وله مكان محدد لا يجب أن يزيد أو ينقص عليه بأي حال ..وإذا كنت تقصد حضرتك غطاء تانك البنزين من خارج السيارة فهل تعني وجود الفارق بين الغطاء الخارجي الصاج المربع وبين جسم الرفف الخلفي عند إغلاقه؟ أم تقصد حضرتك أنه يوجد بروز من غطاء التانك الداخلي البلاستيك يعيق الغطاء الصاج الخارجي المربع من الإقفال مثلا أم ماذا؟

مشكور وفي إنتظار توضيح حضرتك

تقبل مودتي