وقفة ضد الإنقظاع المستمر والمتعمد للكهرباء

**yahiahelaly** · 23-06-2010 09:31 PM

بسم الله الرحمن الرحيم
1-فواتير مبالغ فيها قولنا ومالة
2-عدم قراءه العداد اساسا في معظم الحالات ووضع تقديرات معلش

3-إضافه بنود ليس لها ادنى علاقة بلكهرباء كلنضافه ومع ذالك اقسم بالله الشوارع ايام عمال المجلس انضف بكتيير قولنا اه شركمه متخصصه ياعم بتتكلم في ايه

4-إهمال جسيم في اعمال الصيانه كل شويه سلك يقع ولا ينفجر وربنا ساعات يسترها وساعات بيروح فيها ناس وخساير قلنا ربنا بيسترها

5-تعسف وتعنت وغرمات في حالات تاخير السداد قولنا حقهم مش استخدمنا كهربتهم نشرب بقى
كله دة على دماغي
لكن ارجع في عز الحر الساعة 2 ظهر عشان اشم نفسي ادام التكييف الي طالما حلمت اني انام في هواة واول ما افتح التكييف الاقي بعيدا بشوية النور قطع مع صراخ وعويل مني على عدم المقدرة على النوم كل دة بيحصل ولسه في ناس اكيد استهلاكهم هيزيد في رمضان ما بين تركيب تكييفات جديدة او زيادة استهلاك القديمة

دلوقتي اية الحل الجزري للموضوع دة
1-هل مثلا كلنا نجمع اننا مندفعش الفواتير ونقول لمعارفنا واهلنا وتبقى الاعداد كبيرة

ولا نشتكي ونخبط دماغنا ف الحيط على بال ما البهوات يتحركوا

في اخ معانا شاف ان الحل ف مولد لكن انامش شايفه حل اطلاقا

http://www.nilemotors.net/Nile/159373-a.html
وكت فاكر ان الموضوع دة عندي بس لكن طلع ف كل مصر

من منظور تاني معلش انا طولت عارف الموضوع دة لة شق تانى
شركات التلاجات والتكيفات بلذات ليها مصالح في زيادة المبيعات لو حست ان مبيعاتهم هتتأثر بسبب انقطعا الكهرباء وان التكييف في البيت هيبقى زية زي قلته في البيوت بلنسبة للناس اكيد هيتحركوا اسف على التطويل وارجوا التفاعل وابداء الحلول

**alaa_dash** · 23-06-2010 10:27 PM

ده الموضوع في عموم البلاد بقه !
الكهربا قطعت 5 ساعات امبارح :) من 10 ل 3 تقريبا صباحا طبعا ,,

**Casio2000** · 23-06-2010 11:13 PM

اللي قاهرني ان يبقى موظف قاعد في المحطة و يقوم بسبق الاصرار و الترصد يقطع عننا الكهربا و في عز الحر - دا زي مانكون في السجن أو الجيش - انا متغاظ على الاخر و مش عارف أعمل ايه

**abdo_general** · 23-06-2010 11:20 PM

انا مش مختلف معاك خالص ولا انا في صف الحكومة

ولا طبعا بقول ان انت ضمن الناس الي هتكلم عليهم كمان شوية

بس لو انت بصيت للموضع دا من منظور تاني

هتلاقي الشعب المصري استهلاكه لاي مصدر من مصادر الطاقة سيء جدا

بما فيها الماء لو اعتبرناها من مصادر الطاقة

ودا بيسبب حمل اكيد علي شركة الكهرباء كبير وبيضطرهم انهم يقطعو الخدمة بضع ساعات

علشان يقدرو يكملو

ودا نفس السبب ارتفاع اسعار مصادر الطاقة

الاستهلاك السيء جدا

سواء ماء كهرباء وبما ان احنا بنكتب علي صفحات نايسل موتورز فا بلادعي نذكر البنزين

فا هما سبب ان هما بيرفعو الاسعار ان هما يحاولو يقللو الاستخدام

بس برضه ارجع واقولك ان من مصادر موثوق فيها جدا

شركة الكهرباء دي شركة حرامية ونصابين وفيها بلاوي ولعب بالهبل

بس انا شايف برضه ان بدل نا نقول لاء لانقطاع الكهرباء

المفروض عاوزين نرشد الاستهلاك

ومش بقول نقلله

بمعني انا بقعد في التكيف يوميا حوالي 5 ساعات فعلي

المفروض ما اشغلوش اكتر من 5 ساعات

نبسطها اكتر

انت دلوقتي مثلا بتحب تتفرج علي التلفزيون 5 ساعات برضه

مش هقولك قللهم

بس لما تقوم تطفيه

مش تسيبه شغال لحد ما ترجع

( انا طبعا مش بقول ان انت بتعمل كده انا بدي مثل والله مش اكتر )

بس دا فعلا الي احنا عاوزين نعمله نرشد استهلاكنا اوي في كل مصادر الطاقة

صدقوني الموضوع هيفرق اوي ويريجنا اوي