صوت تكييف

**zimooo** · 26-06-2010 04:39 PM

[justify]
[overline]
الأخوه الأفاضل / رواد وأعضاء ومشرفى نايل موتورز ... المحترمين

تحياتى للجميع

هذه هى أول مشاركة لى فى هذا المنتدى القيم بكل ما فيه ..
سيارتى هى لانوس 2 موديل 2007 [ فيها تكييف و بارو فقط ] ..
إشتريتها أول أكتوبر 2009 .. والحمد لله على كل حال [ هى أول سيارة أركبها فى حياتى ] بمعنى أنه ليس لى خبره كافيه لا فى اللانوس و لا فى غيرها ..
لكن على العموم السيارة كويسه معايا ومشاكلها حتى الآن بسيطه ومعقوله فى صيانتها ..
المهم أنه فى بعض الأوقات عندما أقوم بتشغيل التكييف ( فى بداية التشغيل - عند إدارة زر التشغيل ) يحدث صوت [ كأنه صوت مارش ( زعقه عاليه شويه مش عارف أوصف قوى) ] .. لكن الصوت مالهوش أى تأثير سوى فى بداية التشغيل فقط ( مجرد صوت لمدة ثوانى وينتهى ) والتكييف بيشتغل بشكل طبيعى ..
لكن لوحد عنده تفسير .. ياريت يفيدنى .. أحسن يكون ده بداية لعطل أكبر ..

تحياتى للجميع

أخوكم / أبو زياد

[/overline]
[/justify]

**wildwest100** · 26-06-2010 04:45 PM

سير التكييف عايز يتشد

**gamal_tx** · 26-06-2010 08:08 PM

غالبا ده صوت تعشيق الكباس وده مغيش من قلق وطبيعي

**M.Al-Hefnawy** · 26-06-2010 09:19 PM

أنا متفق مع الرأي اللي بيقول سير التكييف ممكن يكون عاوز يتغير أو يتشد.

**M.Zaher** · 26-06-2010 11:05 PM

مش سير التكيف لانه لو السير كان الصوت فضل موجود طول مانتا مشغل التكييف
الصوت العادي بيكون صوت تشغيل الكمبروسور اول ما تضغط على زرار a/c بس مش عارف اوصفهولك

**sala7** · 28-06-2010 03:44 PM

بص يا باشا انا هقولك على حاجه لاني بصراحة انا واجهتني كذا حاجه في المكيف بتاع اللانوس ده

بص في 3 اصوات ممكن تسمعهم
1- اول ما تيجي تشغل المكيف يعمل الكمبريسور بيعمل صوت تكه و بعدها نعرة خفيفة وبتختفي و ما بتظهرش وانت ماشي ولما ترجع تاني و تيجي تهدى على مطب صناعي مثلاً و ترجع تطلع اولاني و تاني في طلعة العربية تسمع صوت النعرة . معرفش حلها ايه بصراحة

2- الصوت التاني صوت زي متكون صفارة او سرخة كدا .. و ده بيكون السير جه عليه مية او زيت و الصوت ده بيروح لما العربية تتحرك و تمشي شوية أو لما بتكون واقف و تزود بنزين يروح و صوت العربية عالي و يرجع لما تشيل رجلك من على دواسة البنزين .و دي حله شد سيور المكيف و تغير شداد سير المكيف احتياطي

اخر صوت ممكن تسمعه حفظك الله منه .
3- و ده صوت لاقدر الله لا قدر الله الكمبرسور بالسلامة بتسمع صوت سرخه عالية و زعق كدا و العربية بتطفي في ساعتها مابيخليش العربية تدور غير لما تطفي المكيف خالص .. لكن تيجي تشغل المكيف تسمع اصوات غبية و تشم ريحة كدا خفيفة و العربية تقف كدا اكنها اتكتمت ....

**Badrowi** · 28-06-2010 09:50 PM

مش سير التكيف لانه لو السير كان الصوت فضل موجود طول مانتا مشغل التكييف
الصوت العادي بيكون صوت تشغيل الكمبروسور اول ما تضغط على زرار a/c بس مش عارف اوصفهولك