الموضوع: كروز والاتويوتا كرولا ........ساعدونا

المشاركة الأصلية كتبت بواسطة Hosam_Optrawy

ممكن , مع انى اشك بعد مشاكل وسمعة تويوتا واللى حصلها

بس نفترض انك هاتلاقى المشترى فورا , هاياخدها منك بكام ؟؟؟؟

وايه هو الاهم , انك تبيع بسرعه ولا باعلى سعر ؟؟؟؟؟

زى اللانسر كدا

الناس كلها راسخ فى ذهنها انها اسرع واعلى اعادة بيع

ممكن تبقى سريعه , لكن سعرها بقى بينزل جامد برضه

كلامك صحيح بسب انا شايفه من وجهة نظر تانية الكورولا كانت سعر اعادة بيعها كويس لما كانت بتتباع في رينج ال100-120 الف واي عربية في الفئة السعرية دي تلاقيها بياعة...فطبعا الكورولا الجديدة علشان تبقي بياعة زيهم لازم تنزل للمستوي السعري المذكور وعلشان كده بقت تخسر بنسبة اعلي من المعتادة وكمان وجود منافسين كتير زيرو بثمن كورولا مستعمل(فلوانس-سيراتو-كروز-لانسر) صنع بلدهم مش متقفلة برة(عدا الفلوانس والكروز)....وحط نفسك مكان المستهلك وشوف هتقرر ايه.

المشاركة الأصلية كتبت بواسطة Ahmed Samy

الكورولا عربية أعطالها قليلة ....طبعا بعد اختفاء الفتيس المعجزة
توكيلها كويس ...كمالياتها كويسة


الكروز ماسمعتش حد جابها و زعلان منها ...ماعدا مشكلة الدوارة اللي هنا دي

اكيد التويوتا بنزينها أقل (مش متأكد بس متأكد يعني)


بصراحة أنا مش ممكن أشتري دي ولا دي

في عربيات تانية في رينج السعر ده أكثر اقناعا زي الفلوانس أو الميجان أو الليون

الفتيس فعلا معجزة....مانيوال بدون دواسة دبرياج(معجزة ولا مش معجزة).

المشاركة الأصلية كتبت بواسطة ahmedbibo

حضرتك ركبت كورولا طبعا فيها حاجه غير الفتيس وركبت عربيات كتير لكن لو حطينا كلمه تيوتا او رينو فلونس او لانسر شارك يبقى مينفعش خالص لا مفارنه ولا اى حاااااااااجه خالص بالسيراتو والكروز ديه مستوى وديه مستوى تانى خالص

انا الفتيس معايا اعطاله كانت قليلة فصل مرة واحدة من ساعة مااشتريت العربية وكانت في الأونة الأخيرة قبل تركيب مجموعة الدبرياج الجديدة كان فيه رعشة بعد الغيار الثاني عند السير لمسافات طويلة اظن كان السبب فيها بلية الدبرياج....وغيرت الطنابير الخلفية مؤخرا في الضمان دلوقتي الفتيس 90% من استخدامي له علي الوضع المانيوال لأن الفتيس اصلا مانيوال......لكن العربية اجمالا اعتمادية من الدرجة الأولي.(العربية عاملة63000ك)
لما قررنا نشتري عربية اقترحت علي والدي نجيب الماني مستعمل بسعر الكورولا زيرو بس كان رافض اطلاق الفكرة دي كذلك هتلاقي ناس كتير بتفكر نفس التفكير ده (عربية زيرو متوسطة الجودة خير من مستعمل عالى الجودة).