الموتور 1600 للبولو ينفع ولا تقيل عالعربيه؟

**sammor_28** · 19-02-2008 02:49 PM

ازيكم ياشباب انا معايا بولو 98 وعليها موتور 1600 بولو بس انا قلقان لحسن يكون تقيل عالعربيه ويبوظ العفشه ولا عادي ياريت تفيدوني ياجماعه لحسن انا قلقان جدا من الموضوع ده معلش هتقل عليكم وشكرا ليكم مقدما..

**shemy2000** · 20-02-2008 06:29 AM

ana 3amalt el mawdooo3 dah men 6 month
we mosh shaif ay moskela bas
momken yekoon te'eeel alaa el arabia shoowa'a bas ady

**sammor_28** · 21-02-2008 09:50 AM

شكرا لردك ياباشا واهتمامك وربنا يباركلك فيها ويباركلي فيها

**dod_i** · 28-04-2008 04:54 AM

الف مبروك
عندى بولو 99 ممكن تقولولى جبتو الموتور منين عشان نفسى اعمل كده 1000 ؤؤ سحبها وحش اوى

**link7200** · 29-04-2008 03:07 AM

أخى العزيز sammor
لو المكنه دى بتاعتها (نازله فى الفبريكه) يبقى مفيش مشاكل
لو مسقطه مكنه يبقى لازم تكون العفشه اتغيرت و الفرامل كمان بواحده اكبر
فى حاله لو متسقطلها مكنه روح بص على العفشه و الفرامل و لو ملقتهمش متغيرين لازم تغيرهم و لحد ما تغيرهم متشدش جامد و الفرامل حتلاقيها وحشه

**dr_3eshoo** · 29-04-2008 07:40 PM

زي الباشا ما قال بس خد بالك من حاجه برضه مهمه الفتيس علشان ميتكسرش
راجع العفشه الفرامل و حطلها abs الكاوتش يكون اكبر يكون على الاقل 15
و في التاني السلامه برضه
خد بالك ان فتيس الفولكس بيتلكك انا لسه مغير واحد الاسبوع الي فات

**Xpert** · 30-04-2008 02:52 PM

هوه ينفع .. بل و فيه بولو 1600 نازله من المصنع .. الافضل انك تشوف تاجر يكون منزل عربيه بولو 1600 و تاخد الميكانيزم كامل من عنده ... موتور+فتيس+عفشه+كبالن+علبه دريكسيون _ كل الاجزاء الميكانيكيه ...

**ramzi** · 30-12-2008 08:14 PM

والله يا معلم انا معايا بولو 1300 ونفسى فى المشوار دة بس سمعت اراء مختلفة منها انها اصلا بتنزل 1600 فى الخارج ومفيش مشكلة فى التسقيط واراء اخرى بتقول لازم تغير العفشة كلها ... انا راى خليك فى الامان ..كمل المشوار وغير العفشة . وربنا يباركلك فيها

**umoussa** · 09-02-2009 04:50 AM

شوف ياسيدي:

البول أصلاً ليها موتورين 1600 واحد كامة واحدة والتاني 2 كامه

غالباً الي في عربيتك الكامة الواحدة ودا بدون اي شك او تفكير متسقط لأن الوكيل هنا في مصر مجبش فير 1000 و1300 بس وتكلفة جمرك ال 1600 كانت عالية جداً وال 1600 في البولو بتكون عادة مصحوبة بكماليات يعني زجاج ومريات كهرباء وسنتر وإنذار. خد بالك سنتر البولو هواء مش كهرباء.

وطبعا طالما العربية مسقطة فأكيد الفتيس متغير وإلا كان زمانة اتكسر لأن عزم الموتور ال 1000 غير ال 1600 الي يخوفك العفشة. واقصد بالعفشة هنا المساعدين والسوست بس غير كدا مفيش اي اختلاف لا قنطرة ولا مقصات ولا علبة دريكسيون "هو طبعاً في اختلاف في علبة الدركسيون" بس متتعبش نفسك مش حتلاقيها.

وعلشان هي 1600 فلازم يكون فيها Abs دا من مواصفاتالمصنع وبما انها غالباً مسقطة فمش حتلاقي فيها Abs وحتلاقي الي سقط الموتور مدوره على الضفيرة القديمة والعربية مخنوقة.

ملحوظة شكمان ال 1000 قطرة 42 مم وال1300 وال1400 قطره 48 مم وال1600 قطره 54 مم

لو تعرف تجيب حروف الموتور ابعتهالي وانا اديلك ارقام المساعدين الاصلية والسوست والألوان الموجودة عليها وابعتلك مواصفات الموترو كمان.

يعني للضمان شوف ورا في دنجل سكاكسن ولا دنجل قباقيب لو قباقيب يبقى فرامل العربي دي ضعيفة وكمان الي سقط الموتور مهنش عليه يركب دنجل سكاكين

**algeneral** · 10-02-2009 07:20 PM

انا عندي بولوموديل 2001 مسقطلها ماكنه 1400 مع فتيس اتو متيك و عفشه امريكي وعدادات ديجيتال و Abs وزجاج كهرباء وطاقم جنوط 16 في الحرفين
علي فكره في بولو1800