الموضوع: زيت الفتيس

المشاركة الأصلية كتبت بواسطة samirayad

هى عربية حضرتك أو توماتيك .........؟

وماهى المشكله الموجوده لديك

للتفكير فى أعادة برمجة وحدتى تحكم المحرك والفتيس

ازيك يا بشمهندس سمير ، يارب تكون بخير
حضرتك المشكلة عندى هى البنزين برضه ، العربية بتستهلك بنزين اكتر من دول الخليج كلها وعملت فيها كل حاجة حضرتك ممكن تتخيلها واخر حاجة الراجل قالى عليها ان ممكن تكون محتاجة اعادة برمجة من اول وجديد0
تحياتى لحضرتك

أنا باشكرك لسؤالك أولا

وهى الأكسنت 98 أنجكشن وفتيس أوتوماتيك ...؟

وياريت تدينى البيانات اللى عندك ومشابهه لما هو فى هذا الموضوع

http://www.nilemotors.net/Nile/75775-a.html


وركزى على بداية حدوث مشكلة زيادة البنزين وكنت بتعمل أيه فى العربيه من أعمال صيانه

قبل ظهور مشكلة زيادة أستهلاك البنزين

المشاركة الأصلية كتبت بواسطة meero_boy2000

مش عارف بس حاسس ان في عضه كده في الغيار طب وامتي ابتدي اغير زيت الفتيس

وشكرا لاهتمامك جدا ياباشا

طالما فيه عضه فى الغيار

يبقى يجب أنك تكشف برضه وتطمن على منسوب الزيت

وبرضه أكشف على كارتيرة الفتيس من تحت وشوفها معرقه زيت ولا لا

وعموما

لو لقيت الفتيس نظيف ومفيش أى تسريب واضح قدامك

نزل الشويه اللى فى الفتيس

وحطلك حوالى 1.8 لتر زيت جديد لزوجه 90 من أنتاج شركة شل ( مخصص للفتايس المانيوال )

وشوف الأيام حتقول أيه

لو تحسنت أحوال النقل ومفيش عضه ظهرت معاك فى الغيارات

يبقى خير وفضل من الله

____________________

أما لو لسه الأمور زى ماهيه

يبقى ممكن تحاول تعيد رجلشة دواسة الدبرياج ( فى التوكيل مثلا )

بحيث يحصل معاك تحسن فى الشغل على الدبرياج


_________________________

وبرضه عاوزك تطمن كويس على ثبات منسوب زيت الفرامل

على أساس نطمن برضه على دايرة هيدروليك الدبرياج


وأبدأ بموضوع زيت الفرامل الأول

جايز يكون ناقص وهو السبب فى العضه

المشاركة الأصلية كتبت بواسطة samirayad

أنا باشكرك لسؤالك أولا

وهى الأكسنت 98 أنجكشن وفتيس أوتوماتيك ...؟

وياريت تدينى البيانات اللى عندك ومشابهه لما هو فى هذا الموضوع

http://www.nilemotors.net/nile/75775-a.html


وركزى على بداية حدوث مشكلة زيادة البنزين وكنت بتعمل أيه فى العربيه من أعمال صيانه

قبل ظهور مشكلة زيادة أستهلاك البنزين

ربنا يخليك لينا ياريس ويباركلك فى اولادك
ايوة الاكسنت الكورى انجكشن وفتيس اوتوماتيك موديل 98 وفيها كمان ايرباج ( بس مفهاش زجاج كهرباء تخيل ههههههههه ) العربية عاملة حاولى 200000 على قريه العداد اللى عندى قبل ما اغيره علشان كان بعيد بالميل ومن يوم ما جبتها وهى بتستهلك بنزين كتير وددتها لمحمد عبده ، وروحت عند محمد السيد وكلمهم العربية زى الفل وديما بعمل فيها الصيانة ومش بستنى على حاجة ومفيش فيها اى اصوات غير طبعيه وسحبها ممتاز وكل حاجة فيها زى الفل اللى حكاية البنزين دى ، وزى ما قولت لحضرتك اخر حاجة وصلت ليها اعادة برمجة كنتروال الماتور والفتيس
وجزاك الله كل خير عنا
تحياتى لحضرتك

العربية عاملة حاولى 200000 على قريه العداد

طيب بأقول لحضرتك أيه

ماتعمل أختبار كبس للمكنه

بحيث نعرف كفاءة المحرك قد أيه حاليا