يا جماعة حد يفيدني ضروري؟؟؟؟؟؟؟؟؟؟؟؟؟؟

**asem11** · 30-06-2010 06:05 PM

السلام عليكم ورحمة الله وبركاتة،
ندخل في الموضوع بدون مقدمات، امتلك عربية هيونداي النترا موديل 1994 عندي مشكلة منذ فترة صغير وهي أن العربية لما بدورها بتدور علي طول وصوتها هادي وعداد rpm مستقر قبل (1) ولما بمشي بتمشي كويس بدون ملاحظات إلا صوت العربية العالي إلي حد ما.

وعند التوقف في أي اشارة بلاحظ أن الموتور يتعرض لحالة من الشرقة الشديدة (بالعربي صوت الموتور بيكركر كركرة شديدة) وعلي اثرها في بعض الاحيان العربية بتفصل وهي واقفة او وهي ماشية علي الهادي ولكن علي السرعات العالية لا تحدث هذة المشكلة.

ذهبت للميكانيكي الذي قام بتصنيف المشكلة علي أساس انها مشكلة بنزين وقمت بتغيير البوجيهات وفلتر البنزين وكذا تنظيف غرفة الإنجيكشن بالاسبراي، وبالفعل حدث تحسن في حالة الموتور وكفائتة بصورة جيدة.

ولكن تظل المشكلة الاساسية كما هي وقد لاحظت شيء هام جدا وهو أن كباس التبريد الخاص بتكييف السيارة بيشتغل بصورة مستقلة (بيلقط لوحدة) مع العلم بأن الزر الخاص بالتكييف مغلق وقد لاحظت أن عندما يلقط كباس التبريد بمفردة تحدث صوت الكركرة في الموتور (الشرقة الحادة) وقد ذهبت لورشة التكييف والذي افاد بأن المشكلة في الكهرباء ولا تخص التكييف!!!!!!
أسف علي الإطالة ولكن محتاج أعرف التشخيص لكني فقدت الثقة في الاشخاص اللي بتعامل معاعهم، ويا ريت لو في كهربائي سيارات ثقة في "شبرا مصر- الخلفاوي" علشان بصراحة يا جماعة انا فعلاً علي ثقة في nile motors وفي إختياراتة.
وشاكر لكم جميعاً سرعة التجاوب.

**samirayad** · 30-06-2010 08:04 PM

مع العلم بأن الزر الخاص بالتكييف مغلق وقد لاحظت أن عندما يلقط كباس التبريد بمفردة تحدث صوت الكركرة في الموتور (الشرقة الحادة) وقد ذهبت لورشة التكييف والذي افاد بأن المشكلة في الكهرباء ولا تخص التكييف!!!!!!

بالفعل فتلك مشكله كهربائيه

وغالبا حتحتاج تغير زرار تشغيل كمبروسور التكييف

ولكن هناك سؤال أريد أجابته منك

فهل تحدث تلك الحاله وأنت حاطط زرار مروحة التكييف على الوضع off ...........؟

ولا زرار المروحه محطوط على أى وضع

سرعه أولى أو تانيه أو عاليه وواطيه لهواء المروحه ( حسب التصميم عندك )

**asem11** · 01-07-2010 10:01 AM

المهندس/ سمير
تحية طيبة وشاكر لسرعة التجاوب، وأود الافادة بأن زارا المروحة مغلق تماماً
هناك شيء اود ذكرة وهو أن المشكلة دي أول ما حصلت وروحت للميكانيكي ونظف الانجيكشن وغير البوجيهات فقد قام بتعلية الماكينة من مسمار الهواء مما أدي غلي أن صوت الماكينة مرتفع إلي حد ما مقارنة بما قبل ذلك وكان rpm أعلي من (1) بشرطتين وأحياناً أعلي مما يدل علي أن الموتو بيستهلك بنزين أكتر وكنت بحس بكدة وانا طالع بالعربية علي الاول بمجرد أن أرفع رجلي من علي دواسة الدبرياج كانت العربية بتمشي كأني دايس بنزين، طبعاً في الفترة دي لم تفصل العربية مني وأنا سايق أو واقف في اشارة علشان الموتو كان عالي.
ولما روحت للميكانيكي علشان اهدي صوت الموتور فقام بتخفيض صوت الموتور ورجعت العربية هادية زي الاول ولكن اميارح وانا مروح من الشغل فصلت العربية مني أكثر من مرة وانا وقف في اشارة او وانا طالع علي الهادي وكان موقف يخوف جداً ولكن ربنا ستر.
مع خالص احترامي,

**samirayad** · 01-07-2010 12:11 PM

طيب كده مشكلة دخول التكييف فى الخدمه كده على غفله سببها غير واضح للآن

لأن طالما المروحه مغلقه ( المفروض التكييف ميشتغلش زى عندى فى الدايو )

وخلينا حاليا فى قصة تبطيل المكنه ودى الأهم حاليا

ولما روحت للميكانيكي علشان اهدي صوت الموتور فقام بتخفيض صوت الموتور ورجعت العربية هادية زي الاول ولكن اميارح وانا مروح من الشغل فصلت العربية مني أكثر من مرة وانا وقف في اشارة او وانا طالع علي الهادي وكان موقف يخوف جداً ولكن ربنا ستر.

وكده للأسف الميكانيكى عمل خلل فى آداء منظومة هواء السلانسيه

ودى بيقوم بيها بلف الأيدل كنترولر عندنا فى الدايو

فاللعب فى مسمار بلف الأيدل مرفوض من قبل صانع المحرك

وحاول مبدئيا تعاود رجلاش مسمار البلف ( عليه سنه بسيطه )

ونظف البلف برضه بواسطة ال wd40 ( لتخليصه من أى رواسب زيتيه وخلافه )

علشان مشكلة التبطيل للمكنه مع التوقف فى الأشارات

**samirayad** · 01-07-2010 12:24 PM

ولكن تظل المشكلة الاساسية كما هي وقد لاحظت شيء هام جدا وهو أن كباس التبريد الخاص بتكييف السيارة بيشتغل بصورة مستقلة (بيلقط لوحدة) مع العلم بأن الزر الخاص بالتكييف مغلق

وأود الافادة بأن زارا المروحة مغلق تماماً

لو عند حضرتك الدايره الكهربيه لدايرة التكييف عندك

حيكون أفضل فى التعرف على العيب ومحاولة الوصول اليه

غالبا هو عيب فى عملية التحكم فى شغل التكييف كده على غفله

وربنا يستر ميكونش عيب فى وحدة تحكم المحرك نفسها

عموما لو لديك كتالوج فنى أو لينك للسياره

حيكون أفضل برضه فى التعرف على مكونات الدايره وكيفية التحكم فى عمل التكييف