الموضوع: حل مشكلة الاستهلاك العالي للبنزين في نيسان صنى و تغيير ضفيرة الموتور

المشاركة الأصلية كتبت بواسطة moonnight000

النهاردة كان يوم جميل جداً إبتدء بإتفاقي مع المهندس : حاتم فوزي والمهندس : محمد فوزي ( هما مش إخوات على فكرة ) بس أكتر من الإخوات .......
والمفاجئة السعيدة جداً إني قابلت بالصدفة ( اللارج مان ) ( بيشوي ) بجد إنسان مهذب جداً ومحترم وإحنا فعلاً ضحكنا ومُتنا من الضحك كتيير قوي من أول ما اتقابلنا كإننا نعرف بعض من زمان .......
بجد أنا إتشرفت بمعرفتك يا بيشوي وكمان إتشرفت بمعرفة كل أعضاء المنتدى ......
الحمد لله كل اللي اتعرفت عليهم في المنتدى لغاية دلؤتي ؛ قمة في الأدب والذوق والإحترام ( واللي متأكد منه أن باقي الأعضاء لن يختلفوا عنهم إطلاقاً ) ........

و 2/7 إن شاء الله مع بعض كلنا ..........

انت يا دكتور احمد اللي انسان ذوق جدا و مهذب و انا اللي اتشرفت بمعرفتك انت و الاستاذ محمد فوزي و بصراحة كنت نفسي اقعد معاكم فترة اطول من كده لكن للاسف انت عارف اني سفري بعيد شوية و مش هتصدقني لو قولتلك اني قعدت امبارح علي الكورنيش حوالي ساعتين مرور . العربية بنتحرك زي السحلفة علي ما طلعت لغاية اركيديا مول .. لكن معرفتي بيكم امبارح و اني شوفتوكوا كان مهون عليا كل الصعاب ديه . و بكره اشوفك علي خير ان شاء الله .
[quote=alsab3;3872813717]
أ/بيشوى حبيبى والله فرحت كتيييييييييييير جدااااااااااااا لما شوفتك انت والمدام النهاردة والله سبحان الله كفاية انى بشوف ضحكتك برتاح بجد وحبك وودك واسلوبك الهادىء الودود مع كل من تتعامل معهم بس فعلا زى ماقال أ/أحمد محتاجينكم تقعدوا فى القاهرة شوية عشان نعرف نعمل معاكم اى حاجة بجد لان انتوا دايما بتحرجونا بذوقكم وخانقينا بضيق وقتكم ده ....ههههههههههههه عاوزين نقعد معاكم اكتر وبجد كان يوم تحفة الحمد لله بس قعدت اتخيل انى لو مكنتش روحت السبع مكنتش هشوفك؟ بس بصبر نفسى واقول يوم 2/7 قريب ان شاء الله
بجد كنت واحشنى اووووووووووى ومش قادر اوصفلك سعادتى بيكم النهارة وبتواجدنا كلنا مجتمعين فى الاستقبال اد ايه
لدرجة ان الناس بدات تشاركنا الحديث ومنهم د/اسلام قاسم وأ/هيثم العسال وأ/طه نبيل ووعدونى انهم هيحاولوا يكونوا معانا فى المقابلة ان شاء الله


حاتم فوزى
2/7/1985[/quote]
بص يا باشمهندس حاتم بعد الكلام ده كله انا مش عارف اقولك ايه .. لكن انت اخدت كل الكلام اللي في الدنيا و مش مكفي خالص
انت محب اوي اوي و متشكر علي محبتك الغاليه ديه كلها

بعد اجمل يوم في حياتي و هو مقابلة نيسان اننهارده و بعد سواقة 3 ساعات الا ربع انا حبيت ادخل و اطمئن الناس علي الضفيرة كمرحلة أولي من الاختبار زي ما وعدتكم و معلش هتكون مشاركة قصيرة و غدا سأوافي بالباقي
اننهارده العربية عملت 226 كيلو في الصفيحة بعد تركيب الضفيرة و اليوم الباشمهندس خالد سبعاوي اكد لي ان هذا المتوسط رائع جدا جدا .
بعد ان كانت العربية بتعمل 140 كيلو في الصفيحة
غدا نتيجة اختبار جديد ..

ميرسي يا جميل متشكر خالص و فعلا كان يوم فوق الرائع
و النهارده هعمل لكم (New Record) للضفيرة بس بعد ما افول التانك بالليل
عشان نشوف الفرق بالضفيرة بعد ذهاب و اياب سفر طويل و كان فيه جري كتير و غرز و شوية تكييف و شوية كيك داون و جري علي 160 كيلو / الساعة
عشان الكل يطمئن و نعرف برده بعد كل ده اتسحب اد ايه بنزين باللعب ده كله مع احلي عربية صني

نشكرك على مجهودك وفعلا فى مهندس من نيسان قالى على موضوع الضفيرة دة وقالى ان اللى بتتغير يابانى مش مصرى

واحنا فى انتظار النتيجة