الموضوع: حل مشكلة الاستهلاك العالي للبنزين في نيسان صنى و تغيير ضفيرة الموتور

ولا يهمك اهلا بيك عضو جديد في قسم نيسان منتدي نايل موتورز و الف الف الف مبروك علي العربية الجديدة

المشاركة الأصلية كتبت بواسطة largeman

طبعا هؤلكوا ايه اللي حصل في العربية اننهارده لكن ..........
اننهارده كانت احسن المفاجأت لما روحت توكيل السبع اوتوسيرفيس
أول حاجه اني قابلت ناس هناك من المنتدي و دي كانت احلي مفاجأة لى اننهارده و كانوا المهندس حاتم و الدكتور احمد عادل و الاستاذ محمد فوزي اللي اخدت اننهارده سبق و هؤلكوا ان الاستاذ محمد فوزي اشتري عربية نيسان اي اكس فيراني فاتح عربية ماشاء الله جميلة اوي .. الف الف الف مبروك يا استاذ محمد و ربنا يباركلك فيها ويديك خيرها و يكفيك شرها و ان شاء الله هتعيش بيها احلي لحظات حياتك
و بصراحة لما روحت السبع و لاقيت الناس الحلوة ديه كانت مفاجأة جميلة اوي اوي بالنسبة لي و فعلا ناس محترمة جدا و اتكلمنا و ضحكنا كتير اوي اوي لدرجة ان الناس في التوكيل بقوا يستغربوا اوي مين احنا و لاقينا ناس جاية يتعرفوا علينا و كمان هيدخلوا قسم نيسان و هيشاركوا و حسينا اننا نعرف بعض من زمان اوي .. ربنا يديم المحبة ديه علطول .
ثاني حاجه ان بشكر و من عمق القلب المهندس عمر و المهندس كريم اسامه و المهندس حاتم علي اهتمامهم الغير عادي بالعربية و جميع جروب السبع اللي الابتسامه مش بتفارق وجههم ابدا ابدا و كمان بشكر عم رجب ذو الوجه البشوش اللي اخدنا اننهارده انا و المدام بعربية التوكيل وودانا الي كارفور المعادي علي ما العربية يخلص الشغل فيها في التوكيل
طبعا عايزيين تعرفوا انا روحت التوكيل اننهارده ليه .....
من فترة انا عملت صيانة 15000 كيلو و كان من المشاكل اللي بتواجهني ان العربية بتسحب بنزين بشكل غير عادي ... فالمهندس عمر قال لي فول التانك و اعمل بيه 200 كيلو و بعدين شوف المتوسط و بعدين فول التانك تاني و اعمل كمان 200 كيلو وشوف المتوسط
المهم عملت كده فعلا ولاقيت ان العربية بتاخد 26 لتر في الـ 200 كيلو يعني حوالي 153 كيلو في الصفيحة علي الهادي جدا و الار بي ام لا يتعدي 2500 . طبعا ده كلام صعب اوي
المهم لما المهندس عمر و المهندس كريم لاقوا الموضوع كده قالوا ان الضفيرة لازم لازم تتغير
و من هنا تم تغيير ضفيرة الموتور اننهارده و جاري عمل الاختبار بعد التركيب
لكن احب اقولكم ان اول مشكلة لي اتحلت بعد تركيب الضفيرة ان العربية كانت لما بضرب فرامل ساعات كتيرة بحس بنقلة في الفتيس بتحصل معايا لكن بعد التركيب لاقيت ان المشكلة ديه لا يوجد لها اي اثر خالص طول سفري من القاهره
فدلوقتي انا فولت تانك العربية و هبتدي اعمل تاني الـ 200 كيلو واشوف المتوسط بعد تركيب الضفيرة و طبعا هقول الاخبار هنا اول بأول
واي خدمة


----------
تم تغير عنوان الموضوع بناء على طلب العضو

مشرف القسم
19ب

حضرتك انا العربية سوبر صالون
عاملة1300 كيلو
انا حسبت لقيت بنأخد 170 كيلو في الصفيحة
هل الرقم دة ممكن يتحسن بعد 5000 كيلو
ولا كدة كويس وشكرا

حضرتك الرقم ده ممكن يتظبط من بعد 10000 كيلو و احسبها تاني و طمنا بس لو 170 كيلو في الصفيحة داخل البلد ده يبقي رقم فوق فوق الرائع

170 كيلو داخل البلد مع استخدام التكيف
بس انا شفت بعض الاعضاء بيقولوا انها ممكن تعمل اكتر من 170 كيلو
حضرتك دلوقتيعربيتك بتعمل كام كيلو في الصفيحة

المشاركة الأصلية كتبت بواسطة atefadel

170 كيلو داخل البلد مع استخدام التكيف
بس انا شفت بعض الاعضاء بيقولوا انها ممكن تعمل اكتر من 170 كيلو
حضرتك دلوقتيعربيتك بتعمل كام كيلو في الصفيحة

انا بكرة هفول التانك مخصوص عشان هقول لحضرتك أخر مقاييسي داخل البلد و كمان كان فيه تكييف و كيك داون يعني اقصي استخدام للعربية

بعد تفويل العربية حضرتك دلوقتي العربية عملت 150 كيلو في الصفيحة داخل البلد مع معرفة انني بشغل التكييف و بشد كتير بالعربية في الفترة اللي فاتت و بصراحة انا مش هاخد دلوقتي بالارقام ديه لأن العربية كانت بتعمل الرقم ده خارج البلد و الموضوع ده اتظبط معايا و بقت بتعمل 260 كيلو في الصفيحه خارج البلد ...
عشان كده انا هبتدي احصائياتي الحقيقية بعد تركيب البوجيهات الجديدة في صيانة 20000 كيلو لأن الضفيرة القديمة كانت مسودة البوجيهات يعني اكيد الضفيرة القديمة قصرت فيهم ..
فهبتدي اعمل احصائيات اول ما اركب البوجيهات ان شاء الله
و بطمن حضرتك ان فعلا انت بتعمل 170 كيلو ده رائع جدا جدا و اكيد عربيتي هتعمل كده لو مش بشغل التكييف او بقروس علي العربية