سعر شقتك كام ؟؟؟؟؟؟؟؟ اوعى تكون اكتر من 250 الف

**sherif Anton** · 20-02-2008 05:10 PM

انا فعلا سمعت حوار لوزير المالية عن الموضوع ده من يومين وقال ان الحكومة هي اللي راح تقدر ثمن العقار حسب الموقع اللي موجود فيه (يعني مش راح يبصوا على اي سعر مكتوب في اوراق البيع والشراء) ...النقطة الاهم ان الحكومة مش راح تدور على صاحب الشقة علشان يدفع ... لا دي راح تحسب الضرائب وسنه ورا سنه مش هيظهر صاحب الشقة علشان يدفع تقوم الحكومة تحجز على الشقة باللي فيها ... صباح الفل

**Xpert** · 20-02-2008 05:13 PM

يا خبر .. ده الحكومه هاتاخد 3/4 البلد كده هههه

**Powert** · 20-02-2008 05:52 PM

على فكرة الضرايب دي هتكون على الشقق الجديدة بعد 97 قبل كده مش هتدفع ولا مليم

وتقدير الوحدة هيكون باقل تمن لمنطقى يعني لو جنبك عمارة جديدة بتبيع المتر ب 4 الالف

في حين واحد في الشارع اللي وراك بيبع ب 3 الالف هيتم تحديد متر شقتك ب 3 الاف

وقانون لسه تحت الدراسة ولم يتم تحديد اجزاءه لغاية الان ..... والله واعلم هيغيره الكلام ده ولا هيسبوا

**أبو عبدالله** · 20-02-2008 11:05 PM

لا يا احمد اللي عنده شقه ملك مرفه لأنه المفروض يعيش في خيمة وبرضه هيدفعوك تمن الأرضيه واضرار بالطريق العام
يعني من الأخر تسيبلهم البلد وهيدوروا عليك برضه بالأنتربول علشان الكام جنيه الضرائب اللي عليك
ما هو انت مقتلتش 1000 شخص دفعه واحده ولكن هربتو مدفعتش الضرائب اللي عليك

**دموع الثلج** · 21-02-2008 07:55 AM

ايه ده يا جماعه انتوا عاااااااوزين تسررقوا حق البلد

دى فلوس الدوله مش عاوزين تدفعوا اللى عليكم ليه ؟
هى الضرائب دى مش مقابل خدمات الدوله قدمتها للمواطن
هى مش الحكومه وفرت لك شقه تمليك وطرق مرصوفه مفيهاش حفر ولا مطبات للوصول لبيتك وكمان وفرت لك خدمات ومرافق فى منطقتك ولا كل يوم يكسروا قدام بيتك وفحت وردم يبقى بلاش نطمع وندفع اللى علينا .......!!! وعجبى

تقدير الضرائب العقاريه بيتم على اساس السعر السوقى للوحده مش المكتوب فى العقد ..

لانك لما بتروح تسال عن الضرائب المستحقه على شقتك وبتقدم لهم عقود الملكيه لازم ينزل لسعادتك واحد يعاين الشقه على الطبيعه ويعمل تقيم لسعرها الحالى وطبعا كل موظفين الدوله وخصوصا موظفين الضرايب حبايبنا

طول ما ايدك بتدخل جيبك وتطلع بسهوله متخافش انت فى اماان وفى بلد امااان

**sherif80** · 21-02-2008 11:58 AM

ايواااا
كده بقه كملت
بس يا ترى الشقق حتتسعر ازاى ؟؟؟
حيلفوا على مكاتب السماسرة ؟؟؟ و لا حيعدوا يسألوا البوابين ؟؟؟

**mtema99** · 24-02-2008 11:03 AM

حسبي الله لا إله إلا هو عليه توكلت و هو رب العرش العظيم

**novocaine** · 24-02-2008 06:33 PM

أدي دقني لو المصريين دفعوا ضرائب عقارية
و الوزير نفسه عارف بس بيحاول

**AYMAN4PLUS** · 25-02-2008 04:01 PM

يعنى مش كفاية الاسعار اللى عمالة تزيد كل ليلة وكل يوم على رأى أم كلثوم ، والحكومة سايبة التجار يمرمطوا فى الشعب المصرى .

أنا عارف الحكومة عايزة ايه بالضبط !!!

عارفين ايه !

الحكومة عايزة الشعب المصرى ينتحر بأى من الطرق الآتية :

الانتحار غرقا فى مياه نهر النيل ،

أو نضرب بعضنا بالرصاص .

وطبعا بعد الشعب المصرى ماينتحر ، البلد ح تبقى فاضية على الحكومة ، واتخيلوا بقى بعد ماكان عايش فى البلد 75 مليون ، يبقى عايش فيها حوالى 200 أو 300 عضو من أعضاء الحكومة ، ياسلام .................عليه النعمة عملية نضيفة مية المية .

ساعتها بقى الحكومة ح تلغى كل انواع الضرائب اللى خلقها ربنا ، ويبقى اسم مصر بدلا من جمهورية مصر العربية يبقى اسمها جمهورية الحكومة المصرية العظمى.

ولما تزور حكومات الدول العربية أو الاجنبية مصر وتلاقى الحكومة المصرية مبرطعة فى البلد لوحدها ، ح ينبهروا بالتجربة المصرية وأكيد ح ينقلوها لكل دول العالم ، وساعتها الناطق باسم الحكومة ح يقول هى دى ال New Look بتاعة الدول المتحضرة " دول بلا شعوب " .

وكل عام وانتم بخير .