الموضوع: ما الفرق بين الجين تو 2008 السبورت والعادى

المشاركة الأصلية كتبت بواسطة Powert

طيب والماتور الجديد محدش قال هينزل امتى طيب والماتور بتاع بيرسونا هينزل كامبرو العادي ولا جديد

الموتور الجديد منعرفش هاينزل امتى بس اللى متاكده منه انه مش هاينزل السنه دى اذا كان موديل 2008 غلبونا وطلعوا عينا عقبال مانزل ولسه كمان ماتعرضتش مابالك الموديل الجديد اعتقد انه هاينزل فى 2009 وفى شهر 3 كمان عقبال مايكونوا باعوا 2008 البيرسونا بقى سمعت انها هاتنزل بالكامبرو الجديد بس هاتنزل امتى اللع اعلم
استاذ حبيب قالى ان 2008 موتورها هايكون معدل للكامبرو يعنى احسن من 2007 اكيد هايكون رهيبببب

المشاركة الأصلية كتبت بواسطة pepe_1

الف الف مبروك على العربيه الجديده بس اتمنى اعرف رائيك فيها بعد الاستلام والتجربه لانى كونت ناوى اشترى ال2007 الاتوماتك بس كنت خايف من عيوب التقفيل اتمنى ان 2008 تكون من غير عيوب لانى ملقتش عربيه اجمل ولا احلى ولا اقوى من الجين 2 وبقالى دلوقت 3 شهور من غير عربيه ومستنى الجين2 2008 .

بص انا هاقول لحضرتك على حاجه احنا قاعدنا كتير عشان نختار عربيه متينه وكويسه وملاقناش بصراحه اشد من الجين تو واظن كل الناس شكرت فى 2007 اوى وحتى العيوب اللى قالوا عليها عيوب طفيفه لا تذكر وكل عربيه وليها عيوب اكيد والحمد لله اقل عيوب فى الجين تو مابالك موديل 2008 اظن انه هايكون ممتاز المحرك اللى فيها اتعدل كتير بناء على كلام استاذ حبيب والكامبرو اصلا موتور شديد وجامد ولا نحتاج اكتر من كده فلو ناوى تشتريها توكل على الله واحجزها وهاتستلمها فى اول اسبوع من 3
وبالنسبه للموديل الجديد اللى بالمحرك النيو كامبرو استحاله ينزل دلوقتى

يا ميرا انتى مش قلتى إنكوا حجزتوا البيرسونا ؟

سؤال كمان إنتوا اشتريتوها منين بالظبط ؟ يعنى من معرض ولا التوكيل ولا ايه ؟ ياريت تدينى تفاصيل الشراء لأن بتوع المعارض دول بحس إنهم نصابين مش برتاحلهم ... وهل فيه تقسيط ولا لا .

ألف الف مبروك و ربنا يديك خيرها و يكفيك شرها


بس هو ايه الفرق بين المواتير الكامبرو عادية وال cps ؟

يا جماعه على حد كلام الوكيل موديل 2008 مش قبل نص شهر 3 يعنى التسليم ممكن يكون اول شهر 4 اى حد يقول ان هيديكى 2008 قبل كدة ياريت تقوليلى ليا على مكانة وانا اروح اشترى لأنى بدرو بقالى شهر على جين 2 ومش لاقى انا بقالى شهرين من غير عربية

سورى على التاخير فى الرد ياجماعه
اولا// احنا فعلا كنا هانجيب البيرسونا والحجز كان هايتم عليها من خلا ل محسن صالح الفرع الرئيسى بس لما كلمت استاذ حبيب قالى كلام مختلف قالى ان العربيه لسه هاتنزل فى مايو وانا عن نفسى اعتقد انها قدامها لاخر السنه لانهم بيمطوحوا الناس جامد
فصرفنا نظر وحجزنا الجين تو 2008 اسود اوتوماتيك ب 92 الف ولو حبيناها سبورت قال نزود 2000 جنيه وطبعا فى قسط وده بيكون عن طريق البنك اولا فممكن تشوف البنوك التابعه وتتعامل مع اللى يريحك والقسط اكتر حاجه 5 سنوات
والعربيه إن شاء الله المفروض على حسب كلامهم التسليم 10/3 ده كلام حبيب ليه

سلامو عليكم يا شباب

انا اخر معلوماتى اليوم ان الجين تو اخر الأسبوع القادم للحاجزين و سعرها للأوتماتك لن يتجاوز 90 الف

المعلومة المهمة و الى ياريت تبقى صح ان : كلنا عارفين ان البيرسونا فيها تعديل فى الماتور مع ناقل الحركة عشان تحل مشكلة الــ Tourque الضعيف عند الـــ LOW RPM و ده نفس الى بيعملوة فى GEN 2 2008

يعنى الجين 2 2008 متورها متعدل بس مش CPS وده سبب التأخير بسس التعديل الجديد من ماليزيا

بس فعلا هما شحنوها متأخر بس هل ده ليه علاقة بالإنتهاء من موديل 2007 انا لاحظت حاجة انهم عاملين نفس الحركة مع ستروين c4 2008 الى مش تكون موجودة قبل شهر ابريل...

المهم انا حبيت ابشركم ان الموتور الجديد متعدل بس مش CPS و يريت الكلام ده يكزن صح

و سمعت ان سعرها هيكون فى حدود 90 فقط و ليس 92

بس ان كنت سمعت ان السبورت بتزيد 4.5 الف الكلام ده ما مدى صحتة

المشاركة الأصلية كتبت بواسطة meramor81

سورى على التاخير فى الرد ياجماعه
اولا// احنا فعلا كنا هانجيب البيرسونا والحجز كان هايتم عليها من خلا ل محسن صالح الفرع الرئيسى بس لما كلمت استاذ حبيب قالى كلام مختلف قالى ان العربيه لسه هاتنزل فى مايو وانا عن نفسى اعتقد انها قدامها لاخر السنه لانهم بيمطوحوا الناس جامد
فصرفنا نظر وحجزنا الجين تو 2008 اسود اوتوماتيك ب 92 الف ولو حبيناها سبورت قال نزود 2000 جنيه وطبعا فى قسط وده بيكون عن طريق البنك اولا فممكن تشوف البنوك التابعه وتتعامل مع اللى يريحك والقسط اكتر حاجه 5 سنوات
والعربيه إن شاء الله المفروض على حسب كلامهم التسليم 10/3 ده كلام حبيب ليه

أنا لسه مكلم مدير المبيعات حالأ والسعر يا جماعة 92 ألف اتوماتيك والأستلام أخر شهر مارس وده رقم موبيله للى يحب يستفسر منو عن أى شئ 0105119209