رينو فلوينس او سيراتو او i30؟؟

**hazem89** · 04-07-2010 02:21 AM

رينو الميجا الهاتشباك تحفه بس لما سمعت سعرها اتصدمت بس انا مش عارف هو الانتشار عيب ولا ميزه يعنى لو الفلوينس منتشره اكتر ؟؟ و بعدين عاوز اعرف ليه هى مش منتشره الفلوينس؟

**hazem89** · 04-07-2010 02:28 AM

السيراتو بتيجى مقلوبه ده مش عيب فى السيراتو ده عيب نقل الكلام ده ممكن يحصل ل اى عربيه

**ahmedbibo** · 04-07-2010 02:46 AM

يا باشا انتشارها بسبب الاعلانات

اوبشن بسعر قليل

شكل حلو بس المصريين مكنش فى قدامهم حاجه زى كده وبالسعر ده فكل اقبل عليها

ودلوقتى اى واد بيفكر فى اى عربيه هيفكر بالسيراتو والانترا عشان معجب بيهم ومثلا لو معجب بالرينو او البيجو او فيات

طول ما هو ماشى هيشوف العربيات هيونداى و كيا فهيزيد اعجابه بيهم امال مثلا رينو او فيات او بيجو عشان قليله الى بيشتريها بيبقى فاهم انوا بيشترى حاجه اوروبى ياعنى كل حاجه

وفكره العربيات جايه مقلوبه او معيوبه لو هيا شركه محترمه مكنتش سمحت لنفسها بكده بس ياعنى مثلا هتلاقى 100 عربيه فيهم لا يقل عن 10 عربيات معيوبه عيوب مختلفه غير الاوروبى و اليابانى بتلاقى كله زى بعضه حتى لو 1000 عربيه وهو ده الفرق

واكيد الفرق يستاهل

**ahmedbibo** · 04-07-2010 02:53 AM

والى يخلى شركه هيونداى هيا و كيا يحطوا ماتور واحد فى 5 عربيات ويناموا عليهم بقى

ال 5 عربيات هما

النترا........... سيراتو..........سول..............i30..... .............كارينز

المشكله ان الماتور واحد مع اختلاف الاوزان ياعنى الكارينز تقيله و السول اخف منها ازاى ديه تبقى 124 حصان والعزم 156 والتانيا برده 124 حصان والعزم 156 ياعنى ده حاجه تصدقها عقل ده فى اى منطق ده والمشكله انوا نفس الماتور انت عارف شركه فيات مثلا بتعمل للعربيه الواحد 7 مواتير على الاقل غير الابارث ياعنى شركه بتعمل ماتور ل 5 عربيات وشركه بتعمل 7 مواتير ل عربيه واحده

**a7madramadan** · 04-07-2010 03:06 AM

سيييييبك من اي حاجة تانية هات الفلورانس و ريح دماغك حقيقي عربيه هتحس بثمنها كمان سنتين ولا حاجة هتمسك سعرها لأنها حقيقي ممتازة والله الموفق وكمان الفلورانس ليها هيبه في الشارع غير السيراتو الي بقت منتشرة قوي وكماان ال آي 30 تعبانه قوي حلللك منها :) هـــــــــــات فلورنس و لوفي نقص كماليات عن السيراتو مش مشكله

**Ahmed Samy** · 04-07-2010 03:13 AM

أرشحلك فلوانس

بس ياريت ماتسمعش للكلام الغريب اللي بيتقال عن السيراتو

السيراتو عربية محترمة جدا و بتستحمل و موتورها ممتاز و ثباتها برضه ممتاز (و هاتسمع حاجات غريبة بس صدقني مش حقيقية)

و عيبها الحقيقة انها رطرطت و بقت حاجة سخيفة (هو عيب و ميزة صحيح بس برضه ممكن نشوفه عيب)

نرجع لموضوعنا

انا شايف الفلونس أكبر و شكلها شيك و أمان أكتر وتوكيل محترم

و مش غالية على قيمتها

ربنا يوفقك

**hazem89** · 04-07-2010 03:53 AM

المشاركة الأصلية كتبت بواسطة ahmed samy

أرشحلك فلوانس

بس ياريت ماتسمعش للكلام الغريب اللي بيتقال عن السيراتو

السيراتو عربية محترمة جدا و بتستحمل و موتورها ممتاز و ثباتها برضه ممتاز (و هاتسمع حاجات غريبة بس صدقني مش حقيقية)

و عيبها الحقيقة انها رطرطت و بقت حاجة سخيفة (هو عيب و ميزة صحيح بس برضه ممكن نشوفه عيب)

نرجع لموضوعنا

انا شايف الفلونس أكبر و شكلها شيك و أمان أكتر وتوكيل محترم

و مش غالية على قيمتها

ربنا يوفقك

شكرا على الرد بس كنت عاوز اعرف ولو انو فضولى شويه هو حضرتك مفكرتش فى الفلونس ؟؟؟

و ياريت حضرتك تقولى ايه اخبار العربيه معاك ك استعمال (مش بتاعت بهدله ولا عادى يعنى) و هل حصلتلك مشكله فى العربيه ولا لا انا مقتنع بيها الصراحه بنسبه 90% بس الى مضايقنى فيها انا انتشرت جامد اوى انا شايفه ميزه و عيب ميزه فى قطع الغيار و عيب انها مبقتش مميزه فى الشارع بس انا مش حاجيب عربيه تانيه عشان تبقى مميزه فى الشارع انا حشتريها عشان انا مقتنع بيها مش عشان الناس تفضل تبص عليها

**yasserelsayad** · 04-07-2010 04:13 AM

المشاركة الأصلية كتبت بواسطة ahmedbibo

يا باشا انتشارها بسبب الاعلانات

اوبشن بسعر قليل

شكل حلو بس المصريين مكنش فى قدامهم حاجه زى كده وبالسعر ده فكل اقبل عليها

ودلوقتى اى واد بيفكر فى اى عربيه هيفكر بالسيراتو والانترا عشان معجب بيهم ومثلا لو معجب بالرينو او البيجو او فيات

طول ما هو ماشى هيشوف العربيات هيونداى و كيا فهيزيد اعجابه بيهم امال مثلا رينو او فيات او بيجو عشان قليله الى بيشتريها بيبقى فاهم انوا بيشترى حاجه اوروبى ياعنى كل حاجه

وفكره العربيات جايه مقلوبه او معيوبه لو هيا شركه محترمه مكنتش سمحت لنفسها بكده بس ياعنى مثلا هتلاقى 100 عربيه فيهم لا يقل عن 10 عربيات معيوبه عيوب مختلفه غير الاوروبى و اليابانى بتلاقى كله زى بعضه حتى لو 1000 عربيه وهو ده الفرق

واكيد الفرق يستاهل

ههههه والله كلامك زى العسل .. فعلا ازاى الشركة تسمح للتجار يبيعوا العربيات مقلوبة او ممكن تكون كيا هى اصلا اللى بتبعتلنا العربيات كدا .. يعنى دى ممكن تكون العربيات اللى بيعملوا عليهم اختبارات وبعد كدا يصلحوهم ويبعتوهم على مصر.

وبعدين هتعمل ايه بسبع مواتير لكل عربية .. كدا كدا سوق السيارات فى مصر كله معتمد على 1.6 يبقى مش فارقة بقى هى العربية بتنزل بره بكام موتور وبعدين احنا هنعمل حفلة .. يعنى مثلا على كلامك انت كنت عايز السيراتو تنزل 1300 و 1600 و2000 و 2400 و3000 و 3700 و4600 مثلا :) .. هى بتزل 1600 و 2000 و 2400 اظن ان كدا كفاية اوى يعنى وباردوا احنا ملناش دعوة هى بتنزل بره بكام موتور عشان احنا مش بيجى عندنا غير اقل المواتير .. عايز اقولك ان موتور الميجان الجديدة والفلوانس والداستر هو نفس موتور الميجان 2 والسينيك وكمان السيمبول والسكالا تقريبا .. وموتور اللوجان زى موتور ميجان 1.

**yasserelsayad** · 04-07-2010 05:23 AM

المشاركة الأصلية كتبت بواسطة hazem89

شكرا على الرد بس كنت عاوز اعرف ولو انو فضولى شويه هو حضرتك مفكرتش فى الفلونس ؟؟؟

و ياريت حضرتك تقولى ايه اخبار العربيه معاك ك استعمال (مش بتاعت بهدله ولا عادى يعنى) و هل حصلتلك مشكله فى العربيه ولا لا انا مقتنع بيها الصراحه بنسبه 90% بس الى مضايقنى فيها انا انتشرت جامد اوى انا شايفه ميزه و عيب ميزه فى قطع الغيار و عيب انها مبقتش مميزه فى الشارع بس انا مش حاجيب عربيه تانيه عشان تبقى مميزه فى الشارع انا حشتريها عشان انا مقتنع بيها مش عشان الناس تفضل تبص عليها

يا باشا العربية عادى مفيهاش اى مشكلة انا مش فاهم يعنى ايه مش بتاعة بهدلة .. على العموم انا بجرى بيها وبقرص بيها كتير وبيقى متوسط ماشى بيها بليل وانا مروح 140 فا عادى يعنى وفى الحتت المكسرة مش بتقول لا .. لو انت مقتنع بيها توكل على الله وجيب الفئة ام 116 احسن من ex

-

الموضوع: رينو فلوينس او سيراتو او i30؟؟

LinkBack

أدوات الموضوع

عرض

-

-

-

المواضيع المتشابهه

نيسان صنى الجديده ولا رينو فلوينس

رينو فلوينس 2000 cc تربو

سيراتو ولا مازدا 3 ولا فلوينس

أستفسار فنى فى رينو فلوينس 2011

مقارنه بين المازدا 3 و رينو فلوينس

الكلمات الدلالية لهذا الموضوع

المفضلات

المفضلات

ضوابط المشاركة