سيراتو ولا مازدا 3 ولا فلوينس

**Mahmode** · 16-01-2011 01:39 AM

السلام عليكم. أنا ناوي أشتري عربية جديدة قريبا ان شاء الله. أنا عامل ميزانية في حدود 150000. العربيات اللي اتفرجت عليها وشدتني السيراتو والمازدا 3 والفلوينس. أنا بصفه عامة يهمني العربية تكون مليانة أوبشنز ويكون موتورها كويس وواسعا من جوا وشنطتها واسعة. السيراتو فيها أغلب الحاجات دي بس أنا الكوري مش داخل دماغي أوي وبصراحة أستكتر تمنها على عربية كوري. المازدا جامدة أوي بس الكنبة ضيقة وشكلها انسيابي زيادة عن اللزوم. الفلوينس الناس مقلقني من سعر قطع الغيار وإعادة البيع. وفي الإمبريزا بس مفيهاش أوبشنز كتير. ممكن أسمع آرائكم ولو في عربية تانية في نفس حدود السعر. وشكرا

**abo_anas** · 16-01-2011 04:09 AM

تويوتا كورولا

**mxz911** · 16-01-2011 04:33 AM

المازدا جامدة أوي بس الكنبة ضيقة وشكلها انسيابي زيادة عن اللزوم

المشاركة الأصلية كتبت بواسطة salmay

تويوتا كورولا

كورولا الشكل الجديد كنبتها اللى ورا ضيقه جدا والله من اسوأ القعدات وزعلان جدا ان عربيه بالحجم ده والفخامه دى تبقى كده من ورا ... بس هيه عربيه مفيش عليها كلام .. بصراحه جباره ...

بالنسبه للسعر اعتقد عندك هوندا سيفيك او رينو فلوينس او سكودا فانتازيا بس ممكن تزيد حبه

وبصراحه انا رأى حضرتك تشوف السكودا اوكتافيا الفانتازيا عربيه بسم الله ما شاء الله . واسعه وامكانيات حلوه وثبات عالى جدا

**Mahmode** · 16-01-2011 04:01 PM

بالنسبه للسعر اعتقد عندك هوندا سيفيك او رينو فلوينس او سكودا فانتازيا بس ممكن تزيد حبه
وبصراحه انا رأى حضرتك تشوف السكودا اوكتافيا الفانتازيا عربيه بسم الله ما شاء الله . واسعه وامكانيات حلوه وثبات عالى جدا

انا مع حضرتك ان الفانتازيا عربية جامدة جدا بس دي خارج ميزانيتي. دي اللي فيها أوبشنز فوق ال 200000 والسيفيك العالية برضو فوق 180000

ايه رأيكم في المازدا والفلوينس. إيه المزايا والعيوب فيهم وهل الكروز كويسه ولا أقل من المازدا والفلوينس؟

**Atrees** · 16-01-2011 04:11 PM

انا شايف ان المازدا تكسب - بس حاسس ان سعرها عالي زيادة

**smartchoice** · 16-01-2011 04:20 PM

عندك كمان النيسان بلوبيرد تحفة و واسعة جدااااااااااا من ورا و قدام و الشنطة و تقفيل العربية تحفة و ب 145,000 أتوماتيك فل أبشن
لكن لازم تتعامل مع التوكيل لأن قطع الغيار مش موجودة برة لقلة أعداد العربيات المباعة يعنى زيها زى الفلوانس

بالنسبة للمازدا و الفلوانس فأنا بفضل المازدا بحس أن موتورها أقوى و الفتيس أفضل و كمان التقفيل بتاعها تحفة المشكلة الوحيدة ضيق المساحة الخلفية و دى ميزة الفلوانس أنها واسعة من ورا و شنطتها أوسع

و نصيحة روح أركب العربيات و شوف مين هيريحك أكتر لأن أهم حاجة الراحة النفسية
و ربنا يوفقك للى فيه الخير

**Mahmode** · 16-01-2011 04:52 PM

شكرا يا أخ smartchoice هو فالواقع ماكنتش فاكر ان الإختيار صعب أوي كده :). هيا ال blue bird مكانتش في اختياراتي خالص عشان شكلها مش عاجبني بس هيا شكلها عربية كويسة. أنا شفت المازدا والفلوينس وبصراحة حسيت ان الفلوينس تقفيلها أحسن وأفخم.

**free5800** · 19-01-2011 12:37 AM

خلى بالك الماذدا عربيه جميله جدا من حيث المنظر والتصارع ولا شكل الصالون من الداخل يهوس وعموما كلها اوبشنز لكـــــــــــــــــــــن خلى بالك اعاده البيع ولا قطع الغيار نار عدا ذلك خد منها ما تشاء من ثبات على الطريق ونعومه ومتعه فى القياده انما هى واطيه تحك فى المطبات مع ركوب اربعه اما اذا مش هتفرق معاك فأركب المانى لا شك وربنا يوفقك ان شاء الله

**bero0o0o0** · 19-01-2011 12:42 AM

مازدا اعلى من السيراتو و اضمن من الفلوينس و اقوى من الاتنين

**mohamedkandel** · 19-01-2011 08:38 PM

الفلوينس

الموضوع: سيراتو ولا مازدا 3 ولا فلوينس

LinkBack

أدوات الموضوع

عرض

-

-

-

المواضيع المتشابهه

السلام على أهل الرينو ...... عايز أغير من سيراتو لرينو فلوينس

مقارنة الرحيل: سيفيك - جيتا - مازدا - فلوينس - بي إم

كوروللا و لا فلوينس و لا مازدا ولا ليون ولا اوكتافيا

رينو فلوينس او سيراتو او i30؟؟

الكلمات الدلالية لهذا الموضوع

المفضلات

المفضلات

ضوابط المشاركة