الموضوع: ايهما افضل الفتيس الاتوماتيك ام العادة- مناقشة

المشاركة الأصلية كتبت بواسطة mummy_47

الجير الاوتوماتيكي يقدم استهلاكا اقل

هذه المعلومة جديدة لكنها صحيحة
وهي مبنية على دراسة عالمية مشهورة ظهرت العام الماضي
حيث كان المفهوم القديم يقول أن النقل اليدوي أقل في إستهلاك البنزين نتيجة لإعتماده في توصيل الحركة على الإحتكاك الجاف بينما يعتمد نقل الحركة الأوتوماتيك الهيدروليك على ضغط الزيت وبالتالي الفاقد فيه أعلى

لكن لو نظرنا نظرة عامة لكل أجزاء السيارة ولإستهلاكها للبنزين على المدى البعيد سنجد أن الأوتوماتيك أقل إستهلاكاً للبنزين من العادي

هذا ملخص الدراسة التي ظهرت العام الماضي

المشاركة الأصلية كتبت بواسطة فادى

"بورش 911 تربو الاوتوماتيك فيها اسررررررررررع من اليدوي

و ابقي كذب بورش
اقتباس:

the new 911 Turbo accelerates to 100 km/h in 3.9 seconds. And featuring optional Tiptronic S, the car completes the same sprint even faster in just 3.7 seconds.
دو يو نييد ترانسليشن ؟؟؟ دي ارقام رسميه علي فكره


كذب بورش الحمد لله انها مش يابانيه"

مناورة ال0-100 كم لا يعتمد عليها كثيرا فى المقارنة بين السيارات لأنها غير دقيقة سواء أجريت من خلال تجربة أو حتى عن طريق الحسابات.
الموقع كونسبت كارز, بيضيف الجملة دى
"This makes the new 911 Turbo the first sports car from Porsche with quicker acceleration with the automatic transmission than with the manual"
و ده معناه انها أول علبة تروس أوتوماتيكية تتسارع أسرع من المانيوال. و ده بيأكد كلامى مش بينفيه, الاستثناء الذى يؤكد القاعدة, و لكن ليه؟؟
كمل هنا :
"This is the result of the interaction of the turbochargers with their variable turbine geometry, the Porsche Traction Management, and the new Tiptronic S set-up. "
مفهمتش حاجة من الكلمتين دول, بس الى طلعت بيه انو فيه نظام ما بيعمل بين المحرك و علبة التروس الأوتوماتيكية عشان يعمل حاجة معينة, ما علينا, مش بقتنع أوى بالأنظمة الالكترونية دى. و التسارع نابع من هذا النظام و ليس بسبب العلبة الأوتوماتيكية.
و على فكرة بورش 911 تربو -شأنها شأن كل السيارات الرياضية- تتوافر قياسيا بعلبة تروس يدوية, و اختياريا بعلبة تروس ذكية, مما يثبت وجهة نظرى أنه فى مجال القيادة الرياضية, ماتزال علبة التروس اليدوية هى صاحبة الكلمة العليا.
رغم أن التجربة على أرض الواقع دائما لها رأى أخر مختلف عن الأرقام الرسمية.

انت قلت ان مفيش ناقل حركه اوتوماتيكي اسرع من مانيوال

و اللي حصل اني جبتلك


لو كانت نيسان جي تي ار بتتوفر بناقل حركه يدوي كان حيكون ابطئ

لو كانت بوجاتي فيرون بناقل حركه يدوي كان حيبقي ابطئ

فيراري علي فكره السيكوانتال فيها اسرع من المانيوال :)


علي فكره كمان فيات بتستعين بفولكس فاجن دلوقتي عشان تصنعلها ناقل حركه اوتوماتيكي جاف :)



و شكرا لبشمهندس احمد علي المداخله القيمه

المشاركة الأصلية كتبت بواسطة electroman

خالد سبعاوى اتكلم و لمس نقطة مهمة محدش اتكلم عنها مثل استعمال الارجل و الاطراف و الصوابع
و الموضوع بجد مستحق دراسة : هل عدم استعمال القدم اليسرى مثلا افضل فسيولوجيا و صحيا
ام العكس ؟؟.. لو تابعنا تطور الانسان على الارض سنجد ان تطور المدنية و الرفاهية اضعفت بعض
اعضاء جسم الانسان الذى احتاج القوة الجسدية فى عصور ما قبل التاريخ للصراع و البقاء .. البلاوى فى
المجتمع المعاصر تزيد سواء بسبب التلوث او الاشعاعات الكهرومغناطسية و الاكيد ان اعضاء الانسان من
عيون و اسنان و فقرات الخ بسبب الجلوس ساعات طويلة امام الكومبيوتر و التليفزيون و عدم الحركة
بسبب استخدام السيارات خاصة البتاعة ده اللى اسمها لامبورجينى .. طيب هل صحيح ان استخدام القدم اليسرى
يجيب كالو زى ما برو بيقول و الا العكس تمرين لعضلات الساق ؟؟؟

و مسالة اخرى هل زيادة الرفاهية و التنعم على المدى الطويل فى صالح الانسان و البشرية ام الطريق للكوارث ؟؟

انا بالنسبة لى الموضوع بسيط اوى، احد اسباب اصابتى بتهتك الربط الصليبى للركبة اليسرى هى اربعة سنوات من الكفاح مع الدبرياج على كوبرى اكتوبر خمسة ايام فى الأسبوع ، واحد اهم اسباب شفئى منه هى سنة من تخفيف حمل الدبرياج عن ركبتى اليسرى بعد الأوتوماتيك

اما لما بحب اتحرك وانعش دورتى الدموية فان بنزل امشى فى شارع بيتنا فى الهدوء، لكن رياضة الدبرياج دى من اخطر الرياضات على فسيولوجيا الساق اليسرى من اول الفخد لحد القدم