السلام عليكم ورحمة الله وبركاته
بخصوص التقسيط والفوائد البنكية،
انا كنت محتار فى موضوع الفائدة والبنك ده لأنى هأشترى عربية الأيام الجايه ان شاء الله،
بالنسبة لموضوع الحلال والحرام،
اذا كنت ستشترى من المعرض وهتقسط للبنك مهما كان اسم البنك او طريقة معاملاته فده اسمه ربا صريح واللى عايز يتأكد يدخل على islamonline.net
ويشوف فى بنك الفتوى.
لموضوع مش سهل يا جماعة والمتعامل بالربا يأذن بحرب من الله !
الحل الوحيد فى موضوع البنك ان البنك هوه اللى يسلمك العربية ويتملكها الأول وبعدين يبيعهالك وانته تروح تستلم العربية من البنك وده مش موجود فى ولا بنك فى مصر وانا طلع عينى فى الموضوع ده،
وموضوع حظر البيع للبنك ميعتبرش ان البنك تملك العربية لأنه مجرد ضمان لحق البنك فى استرداد فلوسه بالفوايد بتاعتها كمان،
لكن انا سمعت ان فيه معرض واحد اسمه الدولية بيقسط من الخزنة بتاعته ومالوش دعوة بالبنك،
لكن نسبة الربح بتكون عالية وبتوصل فعلا ل 22 % تقريبا
لكن انا مش متأكد من الكلام ده لأنى افضل انى أدخل فى جمعية كبيرة مثلا اكمل بيها على تمن العربية اللى معايا وأشترى كاش.
وربنا يبعد عننا الحرام.
المفضلات